COVID-19 Pulrai In I Runvenning Theih A Herhmi

COVID-19 pulrai in na zawt tikah siseh cun pulrai in a zaw mi he naihniam in na thutdir tikah na tuah awk ding a si mi cu Australia ramkomh le ramkulh cozah hna nih fianternak an tuah.

Portrait of woman drive thru covid-19 test by medical staff with PPE suit by throat swab Source: Getty Images

COVID-19 zawtnak hmelchunhnak nih an tlunh tikh zeidah na tuah awk a si?

• Pulrai zawtnak hmelchunhnak nih an tlunh a si ahcun cozah nih Rapid Antigen Test (RAT) silole PCR Test hmangin zawtnak na chek hrim lai an ti. RATs cu sii dawr kip le chaw dawr hna ah cawk khawh a si. Na duh ahcun zawtnak I cheknak siikhan zongah va kal khawh thiam a si.
• Zawtnak na ngeih le ngeih lo thawng an in thanh hlan chung midang sin in na pheu hrimhrim lai.
• “Negative” tiin a cuan I zawtnak na ngeih lo ah cun erhkhumhnak in na chuak kho cang nain pehzulh in zawtnak na chek rih a hau.
• “Postive” a cuan I zawtnak na ngeih ahcun, zawtnak na chek ni in ni sarih chung midang sin in na pheu lai. A ni ruknak ah zawtnak na check than lai, zawtnak hmelchunhnak nih an tlunh rih si cun midang sin in na pheu rih lai.
• A ni sarih nak nih ah zawtnak hmelchunhnak a thian cang I zawtnak na chek mi negative a cuan ah cun hawi sin ah na cawhpolh khawh than cang. Nain, zawtnak hmelchunhnak a loh rih lo cun na erhkhumh rih a hau lai.
• Ni 12 nak zongah zawtnak hmelchunhnak a cuan rih ko ah cun RATs silole PCR hmangin na chek rih a hau lai.
• Note: theih a herh mi belte cu WA, SA, NT, Tas ramkulh hna ah a ummi na si cun zawtnak hmelchunhnak nih an tlunh sin in siikhan ah zawtnak na va chek hrimhrim lai. RAT cu cohlan an si lo.

Relchap: Raikhamsii a thawntertu I chunhnak ding kong theih a herh mi hika ah rel khawh a si.

Pulrai in a zaw mi he naihniam na um sual ah siseh, cun na chungkhar chungin zawtnak a chawn mi an um tikah zeidah na tuah lai?

• Tuanvo ngeitu nih zawtnak a ngei mi sinah na thudir tiin an I chawnh tik le hmunkhat ah na um tti hawi zawtnak a ngeih tikah nangmah tein RAT hmangin na chek lai. Na duh ahcun siikhan ah PCR hmangin in na chek kho. Cun, ni 7 chung nangmah lawng I erh dingin na timhlamh cia ding abiapi.
• Zawtnak a cuan lo negative a si zongah, inn ah I erh rih law cun ni 6nak ah zawtnak I chek than. Cu I negative a cuan ahcun na chuak kho than cang.
• Zawtnak a cuan I positive a si ahcun, zawtnak na chek ni in ni 7 chung na erh hrimhrim lai. A ni 6nak I zawtnak hmelchunhnak a loh a si ahcun, zawtnak na chek kho than. Zawtnak hmelchunhnak a loh rih o ahcun na erh le na pheu rih  a hau lai.
• Zawtnak hmelchunhnak zong a loh cang I na chek mi zong negative a cuan ahcun erhkhumhnak in na chuak kho.
• Hmelchunhnak a cuan rih lawng si loin na chek mi positive a cuan ve rih ahcun inn khan ah n erh rih a hau lai. A ni 12 nak ah zawtnak na chek hrimhrim than lai.

Close contact cu zeidah a si?

Close contact cu COVID-19 a ngei mi pawngah nazi pali tluk a um mi le an sin ah a thudir ve mi pawl kha an si. Cun, na chungkhar silole innkhat ah na um tti mi kha rai nih a tlunh ve a si ahcun nangmah kha close contact ah ruah na si.

COVID-19 pulrai zawtnak kong tam deuh in theih na duh ahcun Australian Translating and Interpreting service zoh khawh a si, 1800 131 450 zongin bawmh hal khawh an si.

COVID-19 raikhamsii I chunhnak kong le siibawi tonnak ding kong tam deuh in theih na duh ahcun 1800 020 080 ah bawmh hal khawh an si.