Lunar New Year Cu Zeidah A Si I Australia Ah Zeitin Dah An Lawmhning A Si?

Lunar New Year cu Taluk kum thar tiin theih chiah dih mi kha a si I Australia ram zong Taluk kum thar hi lawmh lengmang a si ve. Asia ramchung chim loin hmundang le ramdang ah taluk kum thar an lawmh mi vialte lakah Sydney ah an tuah mi hi a ngan cem pawl a si.

Leão Vermelho no Ano Novo Lunar Source: AAP Image/Jeremy Ng

Atu kum Taluk kum thar cu Feb 1 in thok a si lai. 

Kum Thar an lawmhnak ah hin cawlcanghnak an tuah mi a phun in a um. Tonnak le laksawng I peknak ni ti bantuk le thlacamnak in caan hman ni le phih lonak le upat pek ni bantuk in caan an hmang hna.

Dr Pan Wang cu Asia le Taluk tuanbia kong ca chim tu a si I, New South Wales sianghleirun ah ca a chim lio mi a si. “Taluk kum thar cu thlapa zohchih in hi lawmhnak hi tuah a si I, thla pa thar chuah hram a thok bak in kum thar cu a thok ve tiin” Dr Wang nih a chim. 

“Nichuah lei Asia ah a ummi ram tahchunnak ah Korea, Vietnam, Japan le Taluk ram ti bantuk ah Lunar New Year cu lawmh a si” tiin Dr Wang nih a chim.

Malaysia le Mongolia ram hna le vawlei ram cheukhat zongah an lawmh thiamthiam ve.

Taluk Kum Thar hi kum 4000 tluk tuah a si cang I Xia silole Shang chan lio in rak thok a si tiin Wang nih a chim chap.

Source: Getty Images/Kiszon Pascal

“Nichuah thlanglei le nichuah lei ummi Asia miphun hna an nunphung cawn khawh nak caan tha a si”

Nunphung cawnnak sianginn ah chanthar taluk holh cawnak ah Dr Kai Zhang hi tuanvo pek mi a si. Canberra ah a ummi Australian National University zongah tuanbia le holh lei he pehtlai cawnnak ah tuanvo pek mi a si fawn.

Australia ah Lunar New Year an tuah ding mi nih hin ramdang mi pawl Taluk le nichuahthlak lei le nichuahlei asia miphun kong le an nunphung kong tampi a cawn piak hna lai tiin Zhang nih a ti.

Lunar New Year Conglawmhning

Hi conglawmhnak ah a telmi cawlcanghnak hna cu inn le lo hna ttamh, chungkhar hna he rian dumtti, cabawm sen tein laksawng I pek cun a dangdang laksawng zong an I pe, meici hna van ah an ceuter. Cakei lam le limkeng lam hna an zoh hna.

“Kum thar an conglawmhnak ah hin rawl a phunphun dumttinak an ngei, ngasa le chang hun hna zong an I tel. Hi rawldumnak ahhin chungkhar le hawikom pawl sawm an si tiin”Dr Wang nih a chim.

Muici a sen hi vanthatnak hmelchun a si tiin an zumh. Cu tikah an inn le lo an ttamh tik zongah a sen in an ttamh I, taluk miphun pawl nih hngakchia pawl laksawk an I pek tikah cakuat bawm sen in an I pe hna. Cu nih a langhter duh mi cu kum thar an lawmhnak kha a si.

Chinese dancers perform during the Sydney Lunar Festival Media Launch at the Chinese Garden of Friendship in Sydney on February 9, 2021. Source: AAP Image/Bianca De Marchi

Iris Tang cu Taluk ram ah a tthang lian mi a si nain a luancia kum 20 ah khan Australia ah a rak I thial.

Taluk ram ah cun rian saupi I din in kum thar cu lawmh a si tawn. Cu lio cu chungkhar tampi hna le mi tam deuh hna cu an khua cio ah an kir I an chung le hen caan an hmang tti hna tiin Australia le taluk ram I an lawmhning a dannak a chim.

Tang a chimning ah hin rawl hi kum thar an lawmhnak ah hin a biapi bik mi thil ah a tel ve mi a si.

“Kei cu ka chungle le ka hawi le tiin rawl phunphun he hmunkhat ah kumthar caan kan hmangtti hna. Kan nih kan lawmhning belte cu hitin a si, rawl einak cabuai cungah kan thu dih hna I dumplings changhut mi kum thar hngah zaan ah kan ei tti hna.

“Rawl phun khatnak tam deuh ka chuan hna I a hnu ah ei than te dingin a kihnak a ka chiah. Kum thar kan lawmh chung cu chuan cia rawl cu kan ei tawn.”

Taluk Nithla Relning

Atu chanthar ah cun Gregorian nithla relning hi hman cio dih a si ko nain, Taluk nih an mah phunglam tein ni le thla an relning cu nihin ni tiang chanthar Taluk zong nih an hman rih ko. Khoika hmun le ram an phak nak kip an an hman peng rih. Nile thla relning phunglam an ngeih mi ah hin rian din caan phung zulh ding mi phun thum an ngei I Lunar Kum Thar, Meinn Conglawmhnak le Qingming Conglawmnak hna an si.

An mah Taluk nile thla relning ah cun, thla khat ah ni 29 silole ni 30 a um.

Taluk nih an hmanmi nile thla relnak hi Asia ram nichuahlei nih an hman ngaingai mi a si.

Source: Getty Images/d3sign

Taluk Kum Thar hi January silole February ah a si tawn tiin Pan Wang nih a fianter.

“Jan thla dongh lei Feb thla hram thok kar ah hin kum hi a thar tawn”

 Nile thla kan relning ah hin kum thar hi zarhhnih tluk lawmh a si, cun Meiinn conglawmhnak a peh than. Hi conglawmhnak hi ni 15 tluk lawmh a si tiin Dr Kai Zhang nih a fianter.

Taluk nile thla relnak kan zoh a si ahcun, Meiinn conglawmhnak hi ni 15 tluk sau in lawmh a si.

“Zei ruangah dah meiinn conglawmhnak tiin an auhnak a ruang cu chungkhar le nilepa hna nih an fale kha meiinn an ser piak hna I, inn leng kutka kam ah an tlai tlawn” tiin a chim.

“A hlan lio ah cun hi nile caan ah hin sunglawi tak in lawmhnak an rak tuah tawn.”

“Hringsortu hna upat pek caan”

Dr Craig Smith cu taluk ca cachimtu pakhat a si.

Taiwan le South Korea zongah kum zei maw zat a rak um bal mi a si I kum thar a hman ning cang zong a thei ve mi a si.

South Korea ah cun kum thar caan ah hin an hringsortu hna kha upat an pek tawn hna tiin a chim.

رقص شیر Source: Getty Images/Nigel Killeen