Suu Kyi Le Win Myint Cu Kum Li Thongthlak Dingin Sualphawt An Si

Kum 70 tluk a si cangmi Suu Kyi cu Ralkap nih Feb 1 zinglei ah an tlaih I a hruai liomi cozah zong an hrawh piak. Cu zing thok cun kawlram chung zauk phung uknak cu dongh hram a thok.

Myanmar's deposed Leader Aung San Suu Kyi in December 2018. Source: Photothek

Kawlram ralkap nih Aung San Suu Kyi cu kumli thong an thlak. Thong an thlak nak a ruang cu COVID-19 zulhphung na buar cun ralkap dohkalh in rian na tuan tiin sualphawt a si tiah cozah lei chimphuannak nawl ngeitu nih a chim. Hi sualphawtnak nih a chuahpi khawh mi cu a kum hra tluk thongtlak a si.

Feb 1 zing i Suu Kyi an tlaihnak nih Kawlram chung zauk phung in I hruainak a dongh hram a thoknak si kho. Zeitintiah, Suu Kyi ah tlaih lawng si loin ralkap nih amah nih a hruai lio mi cozah cu an hrawh I a ke hram phelh an I zuam cuahmah.

An tlaih ni in a tutiangah sual a phunphun in phawt a si, cu chungah a tel mi cu a thli thup riantuannak, ziknawh einak le dikfelnak um loin ram hruaitu thimnak tuahnak te pawl an si. Cucaah, kum 10 tluk thongthlak ai huah kho men.

Cawnnikhat ni ah khan Suu Kyi cu ralkap dohkalh in rian na tuan tiin sualphawt a si kum 2 thongthlak dingin biachah a si, cun Pulrai runvenak zulhphung na buar tiin sualphawt than a si I kum 2 thongthlak dingin biachah than a si tiin, Zaw Min Tun nih AFP ah chim.

Ram hruaitu hlun Win Myint zong kumli thongthlak dingin dantatnak an pek. A nih zong Suu Kyi sual an phawt ning tein sual an phawt ve caah kumli thong an thlak ve nak hi a si. Nain, thonginn chung belte ah chiah cu a si rih lo tiin a chim chap.

Former Myanmar president Win Myint has also been jailed for four years. Source: AAP

“Atu an umter chung hna nak hmun zongin a dangdang sualphawtnak zong an ing kho rih men” tiin Zaw Min Tun nih a chim chap. Thil fiangin a chim loin nain, a tu a um lio an hren chung hna nak Naypyidaw khualipi a si theo lai tiin ruah a si.

Thawngpanglatu pawl hna cu Naypyidaw ah a ummi biaceihnak zung chungah lut lo dingin an kham hna pinah, Suu Kyi bia a chimpiaktu Sihni zong thawngzamhtu phu sinah biachim lo dingin an kham.

Suu Kyi le Myint sual phawtnak le dantatnak cohlan lonak

Suu Kyi sual nan phawtnak hi kan cohlang kho hrimhrim lo tiin Amnesty International nih doh colh ve.

“Aung San Suu Kyi cungah dantatnak an tluntermi le an sual phawtnak nih a langhtermi cu Ralkap uknak tha lo nih cozah riantuantu dang hloh an timh hna nak le kawlram ah zalonnak um lo dingin rian an tuannak hi a si” tiin Amnesty ah lutlai a si mi Ming Yu Hah nih a chim.

Myanmar's military spokesman Major General Zaw Min Tun. Source: RFA

Hi thil an tuah mi hi ralkap an thil ti khawhnak langhter an duh caah a si tiin Richard Horsey nih AFP ah a chim.

"Thonginn ah a chiah taktak ding cu thil khuaruah har ngai a si lai. A umnak a inn ah an hren te theo lai, asilole  ralkap nih mileng an umter chung hna nak hmun ah an chiah te lai."

Kawlram uknakpi cu Junta kut chungin chan chuah dingin le zaukphung uknak nunter thannak ding caah ramdang pawl zong an i zuam ttulmak ko nain ralkap pawl an rian te pehzulh in an tuan rih ko.

Nihin nitiang dongcat loin ramchungah ralkap uknak kan duh lo tiin dohaunak lam an zawh rih.