Mipem mi hna Australia ram ah umlan khawh nak lam an sialmi chungah hin zungthiam mi hna pawl lam an auh piakmi hna hi a tam cem i, phun tampi in then a si: Amah tein a dirkamhmi zungthiam, Riantu nih bawmhchanhmi, Ramkulh le ramthen nih thimmi le Chawlehthal thiamnak a ngei pawl hna an si.
Amah tein a dirkamhmi zungthiam nih an i tlaihmi 189 Viza
Mipem zungthiam hna caah tawlrelmi viza 189, 190 le 491 pawl hna hi caminpuai phit a haumi an si, a tlawmcem mak 65 hmu a haumi a si. Hi caminpuai hi viza a rak soktu a thiamnak le hngalhnak, a mirang holh le ca a thiammi pawl hna zoh chih in tuak an si.
Nikum March 2020 ah khan Umlannak viza 189 rak sok dingin Tuluk ram chuak a simi Cherrie Wu cu an sawm. Naite ah khan a viza cu pom piak a si cang.
A state or territory government nomination adds addition points towards a points-tested visa. Source: Getty Images/FatCamera
"Holh phunphun hneksaknak caminpuai ka phi, mak tampi ka hmuh khawhnak ding caah kum 25 ka tlin ka hngak fawn", tiah a chim.
Viza 189 le 190 hi hmuh a har ngaingaimi a si a ruang cu thim le kawhmi pawl lawng nih an hmuh khawh mi a si.
Umlannak viza 189 a tlaihmi pawl cu Australia ramchung khoika poah ah zalong tein an um kho i khua an sa kho.
During the coronavirus pandemic, Australia has prioritised some medica, engineering and nursing-related occupations for immigration. Source: Getty Images/alicat
Mipem bawmhnak ah riantuantu pakhat a simi Alex Petrakos nih viza 189 a soktu poah nih mak tampi an hmuh a hau. Aruang cu zuamcahtu an tam tuk i an viza pompiak an si nak dingah mak tam taktak an hmuh a hau tiin a chim.
"Mi tamcem nih an duh bikmi rian pawl hna accounting, IT le engineering ti bantuk pawl hna cu a hlei tein pheumi an si tikah hmunhma na tin ve khawh nak dingah cun mak tampi na hmuh a hau."
Caminpuai an in tuahmi ah na mak a that deuh poah cun cu viza sok ve dingin sawm na si ve ko lai.
Ramkulh le Ramthen nih an thimmi hna nih an i tlaihmi Viza 190
Viza an sokmi pom le cohlan piak an si nak dingah Ramkulh le ramthen nih tahfung an i ciahmi a um. Ramkulh le ramthen cozah nih umlannak viza 190 le viza 491 a sokmi chungin cohlan le pom dingmi an thim khawh hna.
Hneksaknak caminpuai an tuahmi pawl mak an tuakning cu a loh dih thiamthiam ko nain, viza 189 he dannak belte cu ramkulh le ramthen cozah nih thimnak an tuahmi chungah an min a tel ve a hau. Thimmi chungah an i tel hnu lawng an viza sokmi cu cunglei ah kuat piak a si lai.
Ramkulh le ramthen tam deuh nih ramleng ummi hna chungin thimnak an tuah ciami pawl cu pulrai ruangah an hnon dih than.
Cucaah tukum chung caah pemluhnak lei riantuantu hna nih hmunhma an chiahmi chungah 11200 a lawng.
Rianngeitu nih Kawh auhmi Visa 186
Australia ramchung rianngeitu hna nih zungthiammi pawl cu umlannak viza i tlaih dingin kawhauhnak an tuah khawh hna.
Hi kawhauhnak viza a soktu ding cu kum 45 tang a si a hau, i an sok dingmi viza an hmuh khawh nak dingah mirang holh le ca an thiam a hau i an sokmi rian he pehtlaih in kumthum nak tam an tuan balmi rian a si a hau.
Hi viza a rak soktu nih rianlei he pehtlaih in thiam a herhmi pawl tahfung an chiahmi pawl a thiam hna hrim a hau.
Australia's annual migration program is mostly made up of skills and family stream visas, but there are 3000 visa places for Child visa. Source: Getty Images/FatCamera
Kum 2020-2021 kar ah mipem chungin 160,000 tluk umlannak viza pek ding timhtuah a rak si nain pulrai zawtnak puanchuah ruangah cucu a tlamtling kho lo. Rak i ruahnak lengin minung an tlawm.
Zungthiammi hna caah hmunhma 79,600 chiah a si nain a cheu hrawng lawng nih an rak sok.
Pemluhnak le khuasaktintuknak tam deuh in rel na duh a si ah cun, a si.
