Abiapi mi
- Refugee Week cu ralzam hna an konglam kha Australia mipi sinah chimrelnak an ngeih caan kha a si. Australia ah Refugee Week hi kum fatinte tuah lengmang a si.
- Refugee Week caah tlangtar an thim mi hi thlen lengmang a si.
- Ralzam hna an konglam kha zapi sinah theihter tuahnak ding caah Refugee Council of Australia nih kum khat chungah prawkrem phun tampi tuah lengmang.
- In the past decade, refugee numbers have more than doubled.
- Aluancia kum zabu chungah ralzam a lathnih in an karh.
Kum fatinte vawlei cungah thil a cangmi zoh si cun pumpak le chungkhar nunnak a him ti lo ruangah tlikzam a hau mi le dornak kawl in a vai mi hi nuai khatnak tam an si.
Vawileipi nih Ralzam hna caah tiin World Refugee Day timi cu June 20 ah tuah lengmang a si. World Refugee Day an tuah ni zohchih in Australia ah Refugee Week tuah a si lengmang. June 20 kar lak thlak in kum fatinte Refugee Week an tuah.
Avoikhatnak bik Refugee Week, ralzam hna hngalhpinak zarh cu Austcare thithruainak in kum 1986 ah Sydney khua ah an rak tuah. A hmaikum 1987 ah Refugee Council of Australia (RCOA) cu Refugee Week a tuahtu phu ah a tel ve. Cu hnu thok cun, Refugee Week cu Australia ram huap in tuah lengmang a si I kum 2004 in RCOA nih Refugee Week tuahnak ding cu tuanvo a zapi in a lak lawlaw.
Adama Kamara cu RCOA ah lutlai rian, Deputy Chief Executive Office a tuan lio mi a si. Ralzam hna nih Australia caah an thil tha an tuah mi lawmpi nak ding caah Refugee Week hi kan tuah mi a si tiin a chim.
Adama Kamara, RCOA’s Deputy Chief Executive Officer. Credit: RCOA
A tlangpi in chim ko ahcun ralzaam dirhmun in a rak phan mi le ralzaam a si lo mi kar lakah theihthiannak le hngalhthiamnak a um khawhnak hnga cun khat le khat an i komh thiamnak ding hi kan saduhthah ngan bikmi cu a si.Adama Kamara, Deputy Chief Executive Officer, RCOA
Refugee Week caah tlangtar
Kum khat voikhat in Refugee Week caah tlangtar an thim mi hi thlen a si. Ralzam hna nih an ton mi harnak pawl kha ruahchih buin tlangtar a si I, cu tlangtar hmangin cun Australia le vawlei cung mi vialte kha ralzam hna an dirhmun le sining kong cawnpiak le theihternak tuah kha an an I timhmi cu a si.
Hi kan tlangtar nih hin khat le khat kan funtom deuh seh, kan cawlcanghnak a hmual in tthawng deuh seh timi lungduhnak he zapi sinah theihternak an tuah.
Hmaiton in tuah mi prawkrem
Hmaiton in khat le khat ralzam konglam chimrelnak hi prawkrem tampi chungah a tel ve mi pakhat a si. Hi bantuk prawkrem ralzam hna an konglam chimrelnak hi zarhkhat chung an kalpi i, RCOA leiin siseh, biachimtu ding an sawm mi hna nih caan an hman.
Biachimtu an sawm mi hna nih an pumpak konglam le an ton mi thil kong kha siangngakchia sinah an chim. Cupin ah Australia caah santlai an sinak le an hmuhton mi kha an hrawmh chin hna.
Biachimnak cu siangnaurun, sianglairun, siangsangrun sianginn le ralzam hna konglam theih a duh mi hna sinah chim a si.
Face-2-Face program workshop Credit: RCOA
Ralzam umnak a ngei lo mi a lethnihnak tam in an karh.
Aluancia kum zabu chungah ralzam umnak ngei loin dornak a kawl mi hi minung nuai 41 (million) in nuai 103 (million) ah an karh tiin 2022 june thla ripawt an chuahmi nih a langhter.
Red Cross nih an langhter mi chungah hmuh khawh rih mi cu umnak a ngei lo mi hi minung 95 chungah minung 1 a si. Kum 2010 lio ah kherhlainak an rak tuah ah khan umnak a ngei lo mi hi minung 159 chungah minung 1 a rak si. Vawlei cungah umnak a ngei lo mi kan karh chin duahmah tinak a si.
Australia cozah nih kumkhat chungah ralzam lak ding a zat an khiah mi kha tam ter deuh dingin RCOA nih cozah a nawl peng ko hna tiin Kamara nih a chim.
