Ram Ngeitu Miphun Hna Caah Phunghram Remh Ding Cu ‘No’ Thimfung Thlakmi Nih A Tei

Kum 20 hnu ah avoikhatnak bik referendum phunghram remhnak ding thimfung thlaknak cu tuah than a si. Voice to Parliament phunghram remh dingin an chuahpi mi cu remh lo ding nih a tei.

Ballot papers are seen at a counting centre in Melbourne, Saturday, October 14, 2023. Australians will vote in a referendum on October 14 on whether to enshrine an Indigenous voice in the country's constitution. (AAP Image/Con Chronis) NO ARCHIVING Source: AAP / CON CHRONIS/AAPIMAGE

Thil biapi

• Ram ngeitu hna caah phunghram remh dingin thimfung an thlak mi cu remh lo ding ‘No’ nih a tei.
• Ramkulh a paruk fonh le Northern Territory ramthen ah ‘No’ remh lo dingin thimfung a thla mi nih an tam, ACT ramthen lawng ‘Yes’ remh dingin a lungtling mi a si.
• Ram hruaitu Anthony Albanese nih Australia mipi kan ttantti rual a herh tiin a chim.

Ram ngeitu miphun hna caah phunghram remh ding cu Australia mipi an lung a tling lo.

Ramkulh paruk le Northern Territory ramthen ah phunghram remh lo dingin ‘No’ thimfung a thla mi nih teinak an hmuh.

Rampi huap in thimfung an tlak mi a phichuak zoh tik zongah ‘No’ tiin thimfung a thla mi an tam deuh.

Australia ram chungah ‘Yes’ nih teinak a hmuhnak hmun cu ACT ramthen lawng a si.

Thimfung an thlakmi a phichuak nih “mi zei kan si timi bia a khiak lo, cun a then zong a kan thencheu lai lo” tiin ramhruaitu Anthony Albanese nih a chim.

“Hmunkhat ah ttanrual than ding le rem daihnak sernak ding lamdang kawl cu kan zapi cungah a hnatchan.”

Australian Prime Minister Anthony Albanese delivers a statement on the outcome of the Voice Referendum at Parliament House.

Australia mipi lungthin khat tein hmai nor chin rih ko usih tiin thazaang peknak bia Liberal hruaitu Peter Dutton nih a chim, a peh rih mi cu atu tan phunghram remhnak ding thimfung thlaknak hi a hramthok tein rak tuah lo ding mi thil a si tiah a chim chap.

“Australia mipi a kan thencheutu ding siloin a kan funtomtu ding thil an rak chuahpi deuh ding a si” tiin a chim nolh.

Opposition Leader Peter Dutton and Shadow Minister for Indigenous Australians Senator Jacinta Price address the media following the referendum. Source: AAP / JONO SEARLE/AAPIMAGE

Ram ngeitu miphun chungin mi cheukhat cu an ruahning bantuk in thil a kal lo caah “week of silence” zarhkhat chung dinhnak an ngei lai. Asinain, midang bel cu hmailei caan kong tu ruat in hmai fon an i thim.

Ram ngeitu miphun chungin palai rian a tuan mi le ‘Yes’ thimfung thlak ding a aupi mi Linda Burney cu lung thawng ngaiin a um thiamthiam, aruang cu ram ngeitu miphun chungin hruaitu thar a chuakmi nih thlennak an chuahpi khawh te lai ti ka zumh tiah a chim.

Rak ngai ve

Phunghram Remh Dingah Australia Mipi An Lungtling Lo

SBS Hakha Chin

17/10/202304:37

Play

‘No’ thimfung thlak dingin a aupi mi Nyunggai Warren Mundine nih a hmuhning a chim ve. Australia mipi nih thil herh huaha lo ah caan dih ter loin a herh mi thil kha lim le tuah an duh timi hmuh khawh a si, cucu atutan thimfung an thlak mi a phichuak zong nih a langhter fawn tiah a chim.

“Ram ngeitu miphun chungin mi cheukhat nih an tonmi buainak, zaang en tainak, ningcang loin tuaitamnak, hram hram in uknak, thlerh khawnh le tthih pheihnak vialte, an tuar innak i hmuhter loin a um mi hna, ngol cang uh” tiin a chim chap.

Stay informed on the 2023 Indigenous Voice to Parliament referendum from across the SBS Network, including First Nations perspectives through NITV.

Visit the SBS Voice Referendum portal 

to access articles, videos and podcasts in over 60 languages, or stream the latest news and analysis, docos and entertainment for free, at the Voice Referendum hub on SBS On Demand.