A luancia Feb thla ah khan Myanmar ram uknak le nawlngeihnak cu ralkap nih lak an rak I tim, cu lioah rammi tampi hna cu duhlonak an rak langhter. Mi cheukhat nih dohaunak in lam an rak zawh.
Rambuai hram a thokka I ralkap ukanak a dohtu pawl tam lak te tlaih an si, Assistance Association for Political Prisoners (AAPP) nih minung 7300 leng tlaih le thongthlak an si rih tiah a thanh. Cun, ram zual ngaiin a buai lio ah khan rammi 1,100 leng ralkap kut in an thi I 8000 leng rak tlaih an si tiah ramchung thawnglatu pakhat nih a thanh.
Myanmar ram buainak ruangah Min Aung Hlaing le a kuttang pawl hna cu a ralai dingmi ASEAN ramchung hruaitu pawl tonnak ah sawm lo dingin pheu an si.
Myanmar ram chung thawngzamhtu pakhat a si mi Democratic Voice of Burma nih an riantuantu hna pathumh an rak tlaihmi hna cu an thlah than cang hna tiah a chim
Thongtla chungin a ho dah thlah ding timi kongah Min Aung Hlaing nih thanhnak pakhat hmanh a tuah lo. Thongtla chuah dingmi a zat lawng thanhnak a tuah.
America rammi thawnglatu pakhat an tlaihmi Danny Fenster cu chuah a si rih lo. A nih hi kan hnu May 24 ah khan rak tlaih a si.
Cun, Mya Nu I a fanu zong April thla ah khan an rak tlaih I Insein thong ah an rak chiah. Thongtla chuah an si tlai ti thawng an thanh ah khan a fanu thonginn a chuak ve ti a ruah chan ngaingai.
“Voikhat hmanh ka tong kho rih lo,” cun ä sihni sin ah a ngan a dam ko ti thawng lawng ka theih khawh”tiin a nu nih AFP sin ah a chim.
A rauh hlan ah thongtla 1300 leng chuah an si than lai nain an chuah lai biakamnak an tuah ter hna. Cu biakamnak an tuahter mi hna cu hmailei ah cozah doh in thil tuah ti lo ding a si tiah ralkap lei nih cathanh an chuah.
An activist holds up a defaced portrait of Myanmar's Commander-in-Chief Senior General Min Aung Hlaing during a rally against the military coup in Jakarta Source: AP
