Sahrang ralkap nih Aung San Suu Kyi an tlaihnak thla ruk a luan hnu rampi lakhruak runvennak cu kum 2023 August thla ah donghter dingin in le thimnak tuah than dingin zarhpini ah khan ralbawi zik nih thawng a thanh.
Sahrang ralkap nih February 1 i ramkhel riantuantu an tlaih hna hnu in rampi chung cu khuaci a mui. Ralkap uknak kan duh lo tiin dohaunak ah tuahtu phu an thencheuh hna nakah ralkap kut in mipi a nunnak a liammi hi 900 leng an si.
Ramchungah pulrai in a zaw mi an karh ngaingai a si nain siibawi le sii sayamah hna cu ralkap uknak an duh lonak langhter can ah siizung ah rian an tuan duh lo. Cucaah, sii inn tam ngaingai ah ngandamnak zohkhentu hmuh an si lo.
muicawl thawngzamhnak ah, Sahrang ralbawi Min Aung Hlaing nih "rampi lakhruak runvennak cu kum 2023 August thla ah donghter a si lai" tiah a chim.
"Thimnak zong tuah than a si lai" tiah a chim chap fawn.
A luancia thlaruk i uknak an lak ka ah khan cun kumkhat ca lawngin ralkap lei nih thawng an rak thanh nain atu ah cun kum hnih le a cheu tluk ralkap uknak tangah Kawlram pi cu um dingin sahrang ralbawi nih thawng a thanh.
Sahrang ralkap nih an tlaihmi cozah ' State Administration Council' nih thanhnak an tuah i Min Aung Hlaing cu amah le mah ramhruaitu rian a pe.
Ralkap lei nih an fianter ningah cun kum 2020 thimnak ah khan lih le hrakhrawl in thimnak an tlakmi a tam tuk caah uknak kan lak hi a si an ti.
Kan hnu zarh ah khan thimnak phichuak cu hnoh a si a ruang cu lih in thimnak thlakmi nuai 11 leng a um an ti.
Suu Kyi cu Feb 1 i an tlaih hnu in khan fak ngaiin sual phunphun an phawt, cu chungah a telmi pahnih hna cu pulrai runvennak phung na buar cun a langpar in midang he i pehtlaihnak walkie talkie cu phungning loin a tonghtham. Hi sual an phawtmi nih hin kum 10 leng thong a tlakter khawh.
A protester pilling bags as barricades during a demonstration in March. Source: Sipa USA Theint Mon Soe / SOPA Images/Sip
Ramleng leiin ralkap phu hna cu rak duh ve an si. Ralkap he a pehtlaimi chawleh hrawlnak le pehtlainnak dangdang pawl hna cu hrawh le phih piak dih an si caah an dirhmun a fekfuan kho ti lo.
Chingciah awk tlakmi Ralthatnak
Zarhpini ah khan Myanmar ram chung Dawei khuapi le Hpakant kar ah mipi tlawmpal duhlonak langhternak le dohaunak an tuah thiamthiam rih.
Cun, khuapi hmun cheukhat hna zongah ralkap uknak kan duh lo, zauk phung uknak kan duh tiin lam an zawh rih hna.
Minung nunak hmanh a la khotu rai a puan cuahmah lio zongah ramchung ngandamnak lei riantuantu pawl hna cu Civil Disobedience campaign ah a thong leng in an i teltum hna. Asinain, mizaw cu a thlithup an zohkhen hna i an thlop hna.
United States zong Kawlram mi hna zauk phung an hmuh khawhnak hnga dingah rian dongcat loin rian a tuan cuahmah.
