Australia ramchung COVID-19 Raikhamsii I Chunhning fianternak an tuahmi chungin kan hmuh khawh mi cu mi rammi chungin aho te pawl dah raikhamsii chunh hmasa an si lai, cun khoika hmun le hma ah dah raikhamsii i chunh ding ti pawl a si.
Raikhamsii i chunh ve na duh i khoika dah i chunhnak hmun le i chunhnak ding caah siibawi ton caan ser hna theih na duh a si ahcun hika link ah hin len khawh a si.
Raikhamsii chunh na duh ve sual ah cun a tu hi kum 40 in cung lei pawl i hmaithlak in an chunh lio hna caan a si. Mi cheukhat kum 16 in 39 kar zong an chunhter hna caah i chunh ve dingin siibawi te pehtlaih khawh an si.
Kum 18 cung na si cang nain chunhnak nawl an i pek rih lo a si ahcun, i chunh khawh ka si tikah theihternak rak ka tuah te uh tiin na chimh khawh hna.
Australia ram ah khua a sa liomi, kum 16 nak in a no deuh mi hngakchia cu raikhamsii chunhnak nawl onh an si rih lo.
Na ngandamnak an zohkhenhtu na GP sin ah raikhamsii i chunh khawh a si. Raikhamsii kong i fian deuh na duh ahcun na nuhrin holh tein: hika link chungah hin rel khawh a si.
Zei Bantuk Raikhamsii Dah Na Chunh Awk A Si?
Australia ram ah a ummi raikhamsii lei thiamsang hna nih aho dah zei bantuk sii dah an i chunh awk a si timi an fianter. Kum 16 in kum 59 kar nih Pfizer raikhamsii an i chunh ah a tha i an caah a him cem an ti.
Kum 18 in 59 kar nih AstraZenneca raikhamsii an i chunh kho thiamthiam.
COVID-19 raikhamsii chunh na si le cangka in cazin chungah chunh na si cangnak kha an khumh lai.d
Australia ramchung Raikhamsii I Chunning Australian Department of Health Source: Australian Health Department
Ramkomh cozah nih a ho dah raikhamsii a chunh cang ti le a ho dah a chun rih lo timi an hngalh khawh nak hnga pumpak pakhat sii chunh an si nak kha cazin ah an khumh.
Raikhamsii chunh na si cangnak, silole na ngandamnak konglam pawl hna cu My Health Record timi ah zoh khawh a si. Raikhamsii na chunhnak ri-khawt cu na email zongin na don khawh, cun a catlap zongin na don khawh thiamthiam.
Raikhamsii Rian A Tuanning
Raikhamsii kan i chunhmi biatak tein riantuan hram a thok cu kan i chunhnak zarhhnih a rauh hnu ah a si. Zarhhnih hnu lawngah rai in kan him kho tinak a si. Nain, raikhamsii kan i chunh hnu ah rai nih a kan tlunh kho ti lai lo tinak a si hlei lo tiin Dr Kylie Quinn nih SBS ah a chim. Cun, raikhamsii a riantuanning zong a fianter chap:
Dot khatnak - Pulrai nih tlunh lo dingin a kham
Dot hnihnak - Pulrai nih an tlunh khawh sual zongah, zawtnak karh chin lo dingin a kham
Dot thumhnak - Pum chungah zawtnak a karh sual zongah, pum chungah fak tuk rian tuan kho lo dingin a kham
COVID-19 Raikhamsii Cu A Lak In Chunh A Si
COVID-19 raikhamsii cu Australia ram chung ah khua a si mi vialte nih a man loin an i chun kho. Rammi sinak a ngei lo mi pawl zong a lak tein an i chun kho. Ahopoah caah man lo a si.
Khawrawnrungrul kong cu SBS Coronavirus na nuhrin holh tein rel khawh a si:
Cozah nih an tialmi Khawrawnarungrul kong
- Department of Health - COVID-19 Raikhamsii Kong cu
- Department of Home Affairs - COVID-19 Kong cu
- Midang he 1.5m tluk hlat thut-dir khawh peng i zuam
- Na khuh, cumpit le tlangrai nih an tlak sual si inn ah um, cun zawtnak i chek
- Na umnak ramkulh le ramthen nih an ngeih mi zulhphung pawl hna cu hngalh khawh i zuam: , , , , , , ,
