Hngalh tha a si mi:
- Holhleh lei riantuannak cu a lakin peh tlaih khawh an si i phone zongin chikhat te ah pehtlaih khawh an si, holh phun 160 lengin chawnh biak khawh an si.
- Holh an leh piaktu ding ah nu silole pa na duhmi na thim khawh
- Caantawi umnak viza a tlaihmi hna cheukhat le a um len dingmi hna cheukhat nih a lak tein holhleh riantuannak cu an pehtlaih khawh.
- Immigration ca pawl cu NAATI hngalhpi mi calettu lawng nih an leh khawh.
Kum khua upa a si cangmi mipem mi hna caah Siibawi ti bantuk, biaceihtu sihni ti bantuk le cozah riantuantu tibantuk hna he i chawnhbiak cu thil harsa ngai le a buai ngai mi thil a si kho.
Department of Home Affairs nih mipem chungin holh le ca a chambau deuh mi hna nih a lak tein a bawmtu hna holhlettu ding hna cu a tawlrel.
Holhleh rian
Source: Credit: Getty/Justin Pumfrey
Translating and Interpreting (TIS National) holhleh riantuantu hna nih mirang holh le ca a chambau deuh mi hna nih a lak tein an bawm hna i,cozah le dangdang he chawnh biak an hauh tikah a lak tein holh an leh piak hna.
(TIS National) rampi huapin holhleh riantuantu cu sikhan, sizung ti bantuk, cozah riantuantu tibantuk, sii dawr, ti le mei kampani, le upadi lei riantuantu hna he zong pehtlaihnak an ngei dih.
Holhlettu hna cu phone hmangin na duh tik poah ah holhleh piak dingin na pehtlaih khawh hna, tuan hlang zongin na herh tik ni le caan ah holhleh piak chihcia khawh an si. Hmaitonin holhlehpiak na duh zongah a hmun ah khawh thiamthiam an si.
Khulrangin holhleh piaktu na herh sual cun TIS National 131 450 chawn hna.
Holhlettu he nan hun I chawnhbiak khawh le cangka in na chawnh duhmi riantuantu phu silole kompani an min le an phone namber kha holh an leh piaktu kha na chimh lai. Cu hnu cun nan pathum in nan I chawnbia kho lai.
Riantuantu phu tam deuh cu (TIS National) holhleh riantuantu phu he pehtlaihnak an ngei ngawt ko caah holhlettu a lak tein an in tawlrel piak ko lai nain a cheukhat riantuantu phu cu TIS he pehtlaihnak an ngeih lo tik ah holhlettu an in tawlrel piak man na liam a hau lai. Cu bantuk dirhmun na phak sual a sicun, nangmah pumpak in TIS National na pehtlaih hna lai I a man an in halmi zat kha na liam lai.
Tuanhlang tein holhlettu ding na herh a si cun na tawlrel cia ah a tha, a hleiin thil pical deuh le a biapi deuh mi thil ah cun a nile caan phak hlan ah cutik ah cun holhlettu ka herh lai tiah na chawnh biak cia hna cun a tlam zong a tlin fawi deuh lai.
TIS National an website ah kal in holhlet na herh tik nile caan hna kha theihternak tuah cia khawh a si.
Holhlettu tawlrel piak cia na duh a si ahcun suimilam 24 hlan ah theihter nak na tuah a hau. Cun ni 90 hlan ah holhlettu na herh a si zongah theihternak na tuah khawh chung hna.
Holhlettu nih phone chungin holhleh piak ding a si thiam lo ahcun, hmaitonh zongin holhlettu cu TIS National nih an in tawlrel piak khawh ko. A hmun ah holhleh piak cu a lak a si lo; holh piak mi caan tuak in a man pek a si.
Riantuantu phu pakhat nih mirang duhning in a holh kho lo mi ton an duh tik hna ah an mah nih holhlettu cu an tawlrel hna. Hi bantuk holhleh piak hi Australia ram hmun kip ah an tawlrel khawh mi a si ko.
Source: Credit: Getty/Casarsa
Department of Home Affairs nih mipem mi an khuasaknak ah pehtlaiin a herhhai ca pawl cu a lak tein in a bawmtu hna calehtu a lak tein a tawlrel piak hna. Asinain, ca lei ah bawmh na si zongah voi 10 tiang lawng bawmh na hal khawh hna.
A luancia kum hnih chungah mipem thar chungin a umlan dangin mi cheukhat le caantawi umnak viza a tlaihmi hna cheukhat cu a lak tein caleh riantuantu phu nih an bawmh hna.
Ram mi sinak a ngei cang mi, khualtlawng viza a tlaihmi le riantuannak viza a tlaihmi hna nih hi caleh riantuantu phu hi bawmh an hal kho lo.
Hmatpung tin ti bantuk, ngandamnak lei, chawlehthalnak, riantuannak, sianginn lei cun a Dangdang nupi pasal ngeihnak ca, thennak ca le thihlo lei a pehtlaimi ca pawl cu TIS National I holh le calettu nih an in leh piak khawh I an in bawmh khawh.
Government delivers largest Partner Program in over 25 years. Source: Getty Images
Ca lei herhhai an bawmtu ding minung na kawl tikah National Accreditation Authority for Translators and Interpreters (NATTI) nih hngalhmi le cohlan mi a si le silo kha na hlat hmasa lai.
Cozah lei a pehtlaimi ca, Australia Sianghleiruun he a pehtlaimi ca le riantuannak lei a pehtlaimi ca cu leh a si tikah NAATI nih hngalhpinak tazeih a um a um a hau.
A lak in holhlettu pehtlaih na duh a si ah cun, TIS National 131 450 chawnh khawh a si
Holh le Ca an lehpiaktu cu NAATI nih hngalhpimi a sile silo hngalh na duh si cun:
