Vawleipi nih an sunhsakmi FIFA World Cup 2022 pumpalulh chuih zuamnak cu tukum 2022 a dong lei November 21 ah thok a si cang lai. Australia mipi nih pumpalulh chuih zuamnak cu an zoh/ngeih khawh cio nak ding caah SBS nih a lak tein TV le radio in a thlah. Zuamnak lio ah a cangcuahmah mi thawngpang ngeih khawhnak hna cu:
· DAB Digital radio
Zuamnak ah a cangcuahmah mi thawngpang ngeih khawhning
DAB radio, silole SBS radio app khan kal law FIFA World Cup 2022 ca thengmang ah kan ser mi radio station SBS Football 1, 2 le 3 in pumpalulh chuih zuamnak pawl cu ngeih khawh an si lai. Cu lawng si loin zuamhnak lioah a cang cuahmahmi kong cu holh phun 12 in thlah a si lai.
· SBS Football 1: zuamnak chungah a cangcuahmi kha mirang holh in an chim dih lai. SBS Football 1 cu nunter a si cang.
· SBS Football 2 le 3 cu Nov 14 ah nunter a si te lai I zuamnak lio ah a cang cuahmahmi cu holh dang in chim lai.
· SBS Arabic24: Zuamnak ah a cang cuahmahmi kha Arabic holh in chim a si lai.
Pumpalulh chuih zuamnak ah a cangcuahmahmi a chimtu ding cu FIFA World Cup a tawlreltu nih rian an pek mi hna kha an si te lai. Arabic, Spain holh, Portugal holh, French holh, Germany holh, Dutch, Croatia holh, Poland holh, Japan holh, Korea holh, Persia holh le mirang holh in thawngpang chim a si.
Zuamnak an tuah lio ah SBS Radio 3 cu SBS Footbal 2 ah thlen chung a si lai I pumpalulh chuih zuamnak kong an chim mi kha holh dang in ngeih khawh a si lai.
FIFA World Cup 2022ᵀᴹ a biapi mi nile caan
Miphun dang holh in zuamnak kong chimnak cu World Cup lai ah thawng rak thanh than a si te lai.
- Group Stage: November 21 - December 3
- Round of 16: December 4 - 7
- Quarter-Finals: December 10 - 11
- Semi-Finals: December 14 - 15
- 3rd vs 4th playoff: December 18
- World Cup Final: December 19
Holh dangin biachimtu dingah sawmmi hna:BBC, Radio Nacional de España, Radio France Internationale, BAND, beIN, RTP, ARD, SRF, RNE, Radio Oriental Montevideo, HRT, RFI, NHK, NOS, VRT, Polskie Radio, Seoul Broadcasting System.
