- Australia ram ah Novavas raikhamsii cu khawh a si cang tiin Therapeutic Goods Adminstration nih a pom cang caah raikhamsii cu ram mi hna caah nuai 51 tluk cah a si cang.
- Covid in a zawmi chungin a a thazaang a der deuh mi pawl runven nak ding caah le rai a karh chin lo nak hnga a khamtu ding sii tlang cu hman dingin TGA nih a pom cang.
- Rampi ngandamnak lei vuancichoh Greg Hunt nih paxlovid le molnupiravir raikhamtu siitlang cu hmaizarh in cawk zalh khawh an si cang lai a ti.
- Australia ramchung ah pulrai in a nunnak a liam mi hi an dihlak ah minung 93 an si.
- Pulrai zawtnak ruangah NSW ramkulh mi siizung a phan mi an hun zorh deuh thluahmah cang, cun ICU ah thlop a hau mi hi 217 in 212 ah an hun zor ve.
- NSW ramkulh mi 30,825 tluk nih a luancia suimilam 24 chungah rai an i chawn, cun pulrai ruangah a nunnak a liam mi 25 an si.
- A ralai ding mi cawnli ni ah hruaitu pawl tonnak an ngei lai i sianghngakchia pawl sianginn an kai nak ding le n himnak ding kong ruah a si lai.
- Queensland ramkulh mi 16,812 tluk cu suimilam 24 chungah rai an i chawn ve i, pulrai zawtnak ruangah a nunnak a liammi 9 an um.
- A himmi runvennak cu raikhamsii voithum tiang i chunh hi a si tiin Victoria ramkulh hruaitu Daniel Andrews nih a chim, hruaitu tonpumhnak ah hi kong hi ruahceih dingin ruahchannak a ngei.
Ramkulh kip nih RAT hmangin zawtnak a chek mi pawl nih cunglei thawng thanhnak an tuah:
COVID-19
NSW ramkulh mi 30,825 tluk nih zawtnak an i chawnh lioah, Victoria ramkulh chungah rai a chawh mi hi 21,966 lawng an si. Rai in a thi mi hi 15 an si.
Queensland ramkulh mi 16,812 nih rai an i chawn cun mi 9 an nunnak a liam. Asinain, Tasmania rammi 927 lawng nih rai an i chawn.
ACT ramthen chungah rai a chawn mi 892 rai an i chawn.
