Home Affairs Minister Karen Andrews cu zawtnak a chek ve i positive na si tiin cawn nithum ni thawng an thanh. Cun Labor nih immigration le home affairs he pehtlaiin biachimnak nawl an pek mi Kristina Keneally zong positive a si ve. An pahnih tein i erh dingin fial an si.
Ramkulh kip ah sianginn khar caan a hun si tikah khualtlawng dingin an i timh tuah cio tikah khual a tlawng mi chungin COVID-19 positive nan si ahcun kirnak nawl pek nan si lai lo, i erh dingin an in fial mi hna ni nan tlinh hnu lawng ah nan kir kho lai tiin South Australia cozah nih mipi sin ah thawng a thanh.
Khualtlawnnak kong theih a herh mi
Western Australia ramkulh ah a ummi hna caah Rapid Antigen Tests cu a lak tein Community resource centres ah lak khawh dingin cozah nih a tawlrel. A ra lai ding mi cawn nikhat 18 April in lak khawh a si lai.
Zapi chungin raikhamsii tling in a chun cang mi pawl cu ei din dawr, lakphak dawr, zu dawr le night clubs ti bantuk hmun pawl an kal tik ah check-in tuah hau ti lo dingin Queensland cozah nih zulhphung a thlen. Cu zulhphung cu April 14 in a nung ding mi zulhphung thar a si.
Cun Baisikup, gambling dawr hna le nuamseihnak hmun pawl, thitumhnak le zapi tlawnlennak biknak hmun pawl zong ah check-in tuah an hau ti lai lo.
Asinain, Siizung, mitlamtling lo umnak, tar zohkhenhnak hmun, sianginn, thonginn le vanlawng tual ti bantuk hmun belte ah cun check-in tuah an hau rih thiam thiam ko lai.
Zawtnak I Chek Khawhnak Hmun hna
RAT in zawtnak an chek i positive na si sual cun hika ah theihternak tuah khawh a si.
