- NSW ramkulh ah a ummi khuate Dubbo cu phihkharnak tuah a si
- Victoria chungah pulrai a chawnmmi minung panga hna cu zeitin zawtnak an i chawnh timi kherhhlai lio a si
- Carins cu rak ruahkhan cia bangin phihkharnak donghter a si cang.
Victoria
Victoria ah a ummi chungin minung 20 nih pulrai zawtnak an i chawn i, cu chungah minung panga hna cu zeitin rai an i chawnh timi hngalh an si lo. Zawtnak paruk an hmuhmi cu khat le khat naihniam umthutnak in zawtnak a chawn chinmi an si.
Melbourne chung phihkharnak cu a tawibik ah cawnnili Aug 19 tiang tuah a si lai tiin ramkulh hruaitu Dan Andrews nih thawng a thanh.
New South Wales
NSW ramkulh khuasa chungin minung 344 nih pulrai zawtnak an i chawn. Rai a chawn thar mi an dihlak chungah minung 65 cu pawngkam hawi naihniam sin in rai an i chawn. Raikhamsii a chawn lo mi chungin minung pahnih COVID-19 zawtnak in an nunnak a liam, pakhat cu tarpa kum 90 hrawng a si mi le mipa kum 30 hrawng a si mi pakhat hna an si.
NSW ramkulh chung Dubbo pengkulh cu zarhkhat chung phihkharnak tuah a si ve lai. Phihkharnak cu tuchun 1pm in thok a si. Aruang cu tuchun ah pulrai a chawn mi pahnih pengkulh chungah an um caah a si.
Hawi hleiin zohkhen le thlop a haumi hi minung 62 an si, raikhamsii a chawn lo mi hi minung 57 an si cun, minung panga hi a voikhatnak raikhamsii a chawn mi an si tiin Dr Kerry Chant nih a chim
Queensland
Queensland ah pulrai a chawn thar mi minung 4 an um i an dihlak tein atutan pulrai puanchuahnak in rai a chawn chin mi an si cun an dihlak tein erhkhumhnak ah rak um ter cia cangmi an si.
Cairns le Yarrabah ah nithum phihkharnak rak tuahmi cu tuchun zanlei 4pm in ngol a si cang nain zulhphung cheukhatnak hna cu nunter an si rih.
Mi ngandam lo hngakchia kum 12 in kum 15 kar a simi pawl cu raikhamsii chunter zokzok ve hna uh tiah Dr Jeannette Young nih a forh hna.
Erhkhumhnak, Khualtawnnak, Zawtnak cheknak hmun le Pulrai puanchuah ruangah pekmi bawmhnak
Erhkhumhnak le zawtnak i cheknak pawl hna cu ramkulh cozah nih an mah le dirhmun hoih in an tawlrel:
Ramleng khualtlawn na duh a si ahcun, ramleng chuah nak nawl na hal ta hmasa hna a hau lai. Ramleng chuah khawhnak nawl peknak caah tahfung an chiahmi pawl .
Ramkulh le ramthen hna nih an mah le dirhmun hoih in zulhphun an ser cio: , , , , , ,
Ramkulh kip ah zawtnak i cheknak hmun pawl:
Ramkulh le Ramthen nih an mah le dirhmun hoih in COVID-19 Bawmhnak an pekmi kong:
