- Raikhamsii lei he pehtlaiin tuanvo a ngeitu Australian Technical Advisory Group nih “fully vaccinated” timi biafang hmang ti loin “up to date”timi biafang hman dingin thlennak an tuah.
- Australia ram mi kum 16 cung a si mi chungin raikhamsii voithum a chun mi lawng kha tlamtling tein raikhamsii a chun mi “up to date” ah pom le cohlan an si cang lai, kum 16 tang hngakchia caah cun voihnih I chunh kha “up to date” ah pom piak an si rih.
- Raikhamsii I chunhnak kong ah zulhphung an thlenmi cu ramchung mi ca lawngah a si, ramleng mi hna caah cun a thlengmi a um lo.
- Raikhamsii I chunhnak kong I thlennak an tuah mi cu March thla dongh in a thok te lai.
- Feb 21 in ramleng khualtlawng Australia ram ah an lut kho cang lai, ramleng mi caah cun voi hnih I chunh kha a za rih ko.
- Australia ram chung tar zohkhenhnak ah riantuantu poah voithum tiang raikhamsii an I chunh hrimhrim a hau tiin Greg Hunt nih a chim.
COVID-19 Pulrai:
NSW ramkulh mi 1716 tluk siizung ah thlop cuahmah mi an si, cuchungah 108 hi ICU ah an um. Rai a chawn mi hi 10,130 in 8,950 ah an tum deuh.
Victoria ramkulh mi 553 tluk hi siizung ah an I thlop I 82 hi ICU ah an chiah hna, cun 23 hi she thli dawpnak thleih hau mi an si. Pulrai zawtnak in a nunnak a liam mi 13 an si I rai a chawn mi hi 8, 521 an si.
Queensland ramkulhmi 5,977 tluk nih zawtnak an I chawn I, a nunnak a liam mi 14 an si. Siizungah a thlop a hau mi hi 584 an si, cuchungah ICU ah thlop a hau mi 45 an um.
Tasmania ramkulh ah 552 tluk nih zawtnak an I chawn. Pulrai zawtnak ruangah siizung a phan mi hi 16 an si cun, ICU ah mi pakhat a um.
South Australia ah mi pahnih cu pulrai ruangah an nunnak a liam. Ramkulh mi 1445 tluk nih zawtnak an I chawn cun siizungah a thlop a hau mi hi 210 an si.
