COVID-19 konglam kan rak langhtermi hi tharchuah lengmang a si ko nain nanmah le nan umnak pengkulh lutlai le nawlngeitu hna nih tlamtling deuh in an tharchuah ve mi nan zohhlet ve dingah a biapi ngaingai.
Victoria - Phihkhamnak Hlohning
Victoria ramkulh chung phihkhamnak hun thanning cu hmunhnih in then a si.
- Melbourne Khuachung: 27 September, Zarhpi zaan 11:59pn hnu in Phihkhamnak Dot 2nak thial a si cang.
- Victoria Pengkulh: 16 September, Nithum zaan 11:59pm hnu in phihkhamnak Dot 3nak tang ah thial a si cang.
COVID Luatning A Dot
A dotkhatnak cu hloh a si cang
A dot hnihnak (Melbourne Khuachung)
Oct 19 hnu in a tanglei langhtermi pawl hna hi a thleng tharmi zulhphung hna cu an si:
- 25km tluk hlat tiang leng chuah tik ah tlawn len khawhnak nawl onh a si cang. 5 km si loin 25km chung ah herhhai zelh le riantuan ah kal khawh a si cang.
- Leng ah pum cawlcanghnak tuah silole hawi le he tonnak dingah caan rikhiahmi cu hloh a si cang
- Inn chungkhar pahnih silole mi a phu in minung 10 tiang cu lengah tonnak ser khawh a si cang
- innchungkhar pahnih silole phu 1 chungah minung 10 nak tiang hmunkhat ah pum cawlcanghnak tuah tti khawh a si cang.
- Leng ah celh awk a tha mi lentecelh cheukhat hna cu i celh khawh a si cang
- Leng ah tuan awk a tha mi rian pawl cu tuan khawh an si cang
- Samriamnak dawr zong hun khawh an si cang
- Leng tiliohnak ah minung 30 tiang ti lio khawh a si cang
Sianginn
- Cacawn caan theng 4nak ah siangsangrun a kai liomi chungin tang 11 & 12 siangakchia hna cu sianginn ah ca an cawng than cang lai nain tang 7-10 kar pawl cu inn in ca cawnnak in an pehzelh.
- Cacawn caan then 4nak Oct 12 in khin tangcheu in tang 6 (Primary) pawl cu sianginn ah ca an cawng than kho cang lai. Cun VCE le VCAL cawnca a cawngmi pawl le Special school ah sianginn a kai mi pawl cu sianginn ah ca an cawng than cang lai.
A si khawh chungin inn ah um khawh i zuam. Leng na chuah tikah hmaihuh i hruk hrimhrim. Na ngandam lonak ruangah silole a ruang dangdang um ruangah hmaihuh lo dingin nawl pek na si lo poah cun na hruk hrimhrim a hau.
A dotthumhnak
Victoria Pengkulh
Oct 19 hnu in khamnak cheukhat hna cu hnon an si. A thleng mi pawl cu:
- Minung pakhat lawng tonnak le lennak kong zulhphung sermi cu hloh a si
- Inn khat nih mileng 2 le an fale he len khawh an si
- Caruk inn chung ah minung 20 tluk a chung ah um khawh nak nawl pek an si
- Riah inn, rawl dawr pawl hna nih minung 40 tluk inn chung ah um ter khawh an si leng ah 70 tluk cohlan khawh an si
- Thil ri, fanh eih pawl zuarnak dawr pawl cu hun an si cang
- Leng chuah tik ah khamtu zulhphung a um ti lo
A donghnak bik'
Ramkulh chung dihlak
-tonpumh khawh zat cu karhter a si lai
COVID in luat hnu
- tonpumhnak le thil dangdang ah phihkhamnak tuah lo
"COVID In Luat" cu
- Ni 28 chungah zawtnak a chawn tharmi hmuh lo
- Ramkulh chungah zawtnak hmuh lo
- Rampi huapin zawtnak puan thannak kongah hnahnawhnak um ti lo
Phaisa lei bawmhnak
Victoria ramkulh cozah nih COVID-19 ruangah riantuantu bawmhnak pekmi $1500 cu Pulrai Puanchuah ruangah hartonnak bawmhnak tiin thlen a si.
- Victoria ramkulh chungah a rian tuanmi nulepa le hngakchia zohkhentu hna nih COVID-19 Zawtnak an ngeih le ngeih lo an i chek kar nithum chung caah tiin 'voikhat bawmhnak $300" cu an cotin lai.
Victoria Ramkulh Chung Dihlak nih Zulh dingmi
Zawtnak a chawnmi le zawtnak a chawnmi he naihniam tein a thumi hna
Pulrai zawtnak a chawnmi poah cu erhkhumhnak ah an um hrim a hau cun pulrai zawtnak a chawnmi he inn khat ah a um thu mi zong kha erhkhumhnak ah an um hrimhrim a hau.
Siizung ah mizaw lenkainak
Siizung ah mizaw lenkainak he pehtlaiin hngalh awk. Siizungah mizaw lenkainak ah kum le milut zat cu rikhiah a si. Asinain, Siizung ah rian a tuanmi, lahkhah pekin a tuanmi le pumpaknak in rian a tuanmi pawl hna cu a hlan bantuk tein hnahnawhnak zeihmanh um loin an lut chuak kho. Kum le milu zat rikhiahnak chiahmi cu:
Dantatnak
Tonpumhnak he pehtlaiin zulhphung sermi a zul lo mi poah cu $5000 liam ter ding. Hmaihuh a hruk lo mi poah cu $200 liam ter ding a si lai. Zawtnak a ngeimi naihniam tein umthut ko na buin le zawtnak na ngei caah erhkhumhnak ah umding fialmi erhkhumhnak ah a um lo mi pawl kha $4957 liamter ding.
Thil dang ruangah minung 1 nih $20000 tluk zulh phung buar ahcun dantatnak in khawh a si.
Hmaikhuhnak
Victoria ah a ummi mipi dihlak nih hmaihuh leng chuah fa te i hruk zungzal ding. Hmai huh lo ahcun $200 dantat a si lai. Hmaihuh i hruk tik ah hmai hnar le khabe tiang tha tein hmahuh nih a huh dih tiangin i hruk ding a si lai. Kum 12 tang hngakchia cu an i hruk lo zongah a poi lo. Hmaikhuhnak kong relnak:
Rianngeitu
Sept 28 hnu in cun rianhmun pawl ah zulhphung sermi pawl cheukhat hna cu hloh an si cang lai.
Rianhmun ah riantuantu rian an tuan ding si cun rianngeitu nih riantuannak nawl peknak ca an chuah piak hna lai.
Fimcawnnak
Sianginn ah siangakchia cacawn thannak ( Term 4)
- tang cheu in tang 6 siangakchia le special sianginn ah a kai mi pawl sianginn ah term 4 thokin ca an cawng cang lai.
- VCE le VCAL cawnca a cawngmi pawl cu Oct 5 in assessment tuah hram an thok lai cun Cacawn cu Oct 12 in an thok lai te lai
- Tang 7 in tang 10 siangakchia pawl cu inn in cacawnnak cu an pehzulh rih lai.
Hngakchia zohkhennak
- Nauchiahnak hmun cu hun than an si cang.5km nak hlat kal khawh a si lo timi phung sermi cu zulh a hau lai lo nau donthlahnak he pehtlai in.
- Pumpak inn i nau zohkhenhmi hna inn ah luhchuah tik ah minung 1 lawng luhchuah khawh a si lai.
Ramkulh Hartonnak
- Palek pawl cu nawlngeihnak sang deuh pek an si.
- Zulh phung sermi pawl a zul lomi pawl hna dantatnak nawl fak deuh in pek an si
New South Wales
NSW ah ahmanungbik zawtnak an hmuhnak hmun thawngpang:
- Covid-19 zawtnak hmun ah ah na umthut a si ah cun ni 14 chungah erhkhumhnak in caan na hman colh a hau.
- Zawtnak hmelchunhnak nih an tlunh lo zongah siibawi sin ah zawtnak i zohter.
- Zawtnak a chek ciami na si zongah na chek than a hau
- 'negative' zawtnak na ngeih lo zongah ni 14 chung erhkhumhnak ah caan hmang.
Minung tonpumh khawh zat
- lengah siseh inn chungah siseh mileng 20 tiang ngeih khawh a si i tonhpumhnak ngeih khawh a si.
- Pumh khawmhnak: Biakinn chungah minung 100 leng um khawh a si lo, minung 1 peli dan hlat in um thut ding a si lai.
- Thitumhnak: Thitumhnak ah minung 150 tonpumh khawh a si lai lo i peli dan hlat in thut-tonak zulhphung cu zulh hrimhrim ding.
- Ruak-humnak: Peli dan thlat in um thut ding silole minung 100 nak tlawm lawng hmunkhat ah um thut khawh a si.
Chawlehnak le Hawikomhnak cawlcanghnak
NSW Gyms, pum cawlcanghnak nih zulh ding hrimhrim ding:
- COVID Himnak Timhtuahnak tuah ding
- Thianhimhnak le cu tha tein ngeih ding a si lai, khat le khat umthut dirning zohfelnak ngeih ding le tha tein milut chuak ri-khawt tha tein chiah ding.
Zu dawr, Rawldawr, lakphak dawr, Night Clubs, ei din zuarnak inn, phaisa hmangin nuamhseihnak hmun nih an zulh ding
Lentecelhnak hmun pawl ah mipi cohlan khawh zat cu lentecelhnak certual nih a tlum zat i zatuak 50% tluk cohlan khawh a si i Oct 1 in khin minung 40,000 tluk cohlan khawh an si lai.
Khualtlawnnak
NSW khuasa mi hna caah Hotel i erhkhumhnak an umnak man bawmhnak pek mi cu Sept 11 in khan dih ter a si cang.
- Oct 16 hnu in New Zealand lei in a rak tlawngmi erhkhumhnak ah an um a hau ti lai lo.
- Ni 14 chung ah COVID-19 a puannak a um thut lo mi a si lai
Ramkulh ramri luhnak nawl laknak: . NSW ramkulh ramri luh khawnak ding ah cun Victoria ramkulh ummi hna nih hi ca hi an phit a hau:
- Sianginn kai, riantuan le ngandamnak ti bantuk he a pehtlaimi thil a biapimi ruang lawngah ramkulh chung luh a ngah
- Victoria ramri ah a ummi pawl NSW ramkulh chungah an luh hrim lo ding a si lai.
- NSW ah khuasami ramri lawnh in VIctoria ah an kal a si cun ni 14 chung erhkhumhnak ah caan an hman hrimhrim a hau.
- NSW ramkulh nih Victoria mipi hna caah ramri a khar chung.
- Victoria lei in a rak lut mi poah cu zarhhnih chung an mah phaisa tein erhkhumhnak ah an um lai. Ramleng leiin a rak lut mi zong cu thiamthiam. ($3000) tluk a dih lai.
- Pengkulh dang um mi hna nih NSW ah rak tlawn khawh a si ko lai nain an kir tik ah an umnak pengkulh nih a ngeihmi zulh phung a ngei mi kha tha tein an zulh a hau.
- NSW khuasa Melbourne in NSW ah a kir than mi dah ti lo Melbourne khuasa mi NSW ah lut lo dingin kham a si.
- Tar zohkhenhnak hmun ah lenkai cu phihkham a si.
- Mi zeihmanh zulh phung a zul lo mi poah $11,000 cawi-liam le thong thla 11 chung thlak a si lai.
- Mawtaw-inn chiahnak hmun holiday caan hmannak pawl cu hun an si ko.
Sianginn
- NSW ramkulh chung i siangakchia lakah zawtnak hmelchunhnak a ngeimi an um sual cun sianginn kai ter bak lo ding an si lai. Zawtnak an i zoh i COVID-19 Pulrai zawtnak an ngei lo a fian hnu lawngin sianginn nih cohlan an si lai.
- Sianginn ah cawlcanghnak tuah tawn mi vialte cu tuah lo dingin kham dih a si.
- Sianginn pawl nih nulepa tel loin tang 12 a dih mi pawl cu lawmhpinak an tuah piak hna lai.
- Fimcawnnak lei he a pehtlaimi thilri a phan mi pawl lawng sianginn ah pek le chanh an ngah lai.
- Sianginn dang he i hawikomhnak le lentecelhtinak tuah tawn mi cu mah le sangveng kulh chung ummi pawl he lawng i hawikomhnak ngeih khawh a si lai.
- Nulepa, zohkhehtu le thil biapimi um loin a hohmanh sianginn kulh chungah luhter an si lai lo.
- Ringawn lei siseh a phuphu in cawlcanghnak ngeih a haumi vialte cu kham dih an si.
- Cacawn dinh caan, chunchuah ti bantuk ah a hohmanh naihniam tein umthut lo ding a si lai.
- Sianginn i rawl zuarnak le Sianginn hrukeih cawknak dawr pawl cu Sianguk hngalh pinak he lawng hun an si lai.
Queensland
QLD ramkulh chung phihkhamnak tuahmi cu Nov 1 in Dot 5nak tang ah thial a si cang lai. Dot 5nak tangah minung 40 tiang tonpumhnak ngeih khawh a si cun thitumh puai zongah minung 40 tiang cohlan khawh a si cang.
Khamnak tuahmi zulhphung cheukhat hna cu pehzulh in kalpi an si rih lai:
- cawlcanghnak le tonpumhnak: Oct thla dongh tiang
- Inn ah minung 30 tluk ton pumh khawh a si, inn chungkhar dangdang zongin lenkai khawh a si cang.
- Nangmah le na innchungkhar telh chih in lengah minung 30 tluk tonpumhnak ngeih khawh a si. - Tar zohkhenhnak
- tar zohkhenhnak ah um khawhnak ding caah cohlannak tahfung thar ser a si
- Hawi leng minung 2 voikhat ah ngeih khawh a si. - Siizung
- Midam lo siizung ah ummi minung 2 nih len le veh khawh a si i, a caan cu rikhiah piakmi chung caan te ah veh khawh an si. - Pum tlamtling lo zohkhenhnak
Hika hin rel khawh a si:
Phihkhamnak tuahmi kong tam deuh in relnak:
Chawlehnak le hawikomhnak
June thla le December kar chung i zawtnak i chawnh ruangah rian dinh chung mi le lunghrinh mi si ruang i erhkhumhnak a um mi pawl hna chungin zawt caan i thlahlawh pek a tong mi pawl hna cu 1500$ bawmhnak co tin khawh a si.
pe 4 kulh chung mi pakhat lawng um ding a tanglei langhter mi hna nih an zulh a herh:
- chaw dawr hme deuh mi ah cun milu cohlan khawh zat cu minung 50 a si lai.
- Hlanthil chiahnak, Hmanthlak chiahnak le caruk.
- Lentecelhnak, hawikomhnak le zaangleknak riantuantu phu,
- Lentecelh zuamnak le taktongh hau mi zaanglek
- Innchung lentecelhnak
- Milu 25,000 tluk a tlum mi lentecelhnak hmun ah zatuak 50% nak tlawm cohlan ding a si
- Lamnak le hlasak nak hmun nih milu a tlum zat nak tlawm a cheu lawng cohlan ding si.
Khualeng
Voikhat ah milu 50 tluk hmunkhat ah eidin khawh nak nawl peknak:
- rawldawr, lakphak dawr, zu dawr le hawtel riahinn(ram mi hna caah)
- khualeng ummi na si lawngah khualeng ah tlawnkal khawh na si
Australia Ram ngeitu mibu - humhim runvennak hmunhma
Ramkhulh cozah le Ram ngeitu i hruaitu hna cu rampi cozah hruainak in khamnak tuahmi ngolnak ding zulh dingmi dot 3 hna cu hmang ve ding in hna tlaknak an ngei.
Dot 1: mi lutchuak an um si cun erhkhumhnak ah chiah an si lai. Rian herh ruangah a lut chuakmi hna cu erhkhumhnak ah chiah lo ding.
Dot 2: Mipi an him i him tein tlunkal le tlawnlennak hmun a si khawh nak ding caah zulh ding mi cathanh cu Rampi ngandamnak lei runvennak riantuantu lutlai nih a chuah lai.
Dot 3: Ram ngeitu hna um nak hna i luhchuahnak khamnak tuah mi hna cu hun than an si lai. Hika hin hunthanning cu zoh khawh si:
Khuawltlawnnak
- Oct 1 hnu in QLD ramkulh chung i pengkulh ramri hna cu samh an si cu pawl hna cu Byron, Ballina, Lismore, Richmond Valley, and Glen Innes pengkulh cozah hmunhma.
- Ramri ah a ummi pawl nih ramri lawnh in tlunkal khawhnak hngalhpinak cu nawlngeitu sin ah a ngeih a hau.
- QLD ramkulh nih ramri cu NSW ramkulh caah Nov 1 thokin onnak a tuah cang, Ni 28 chungah community chung ah zawtnak i chawnhnak a um lo lawngah a si lai.
- Canberra ah khuasa mi pawl cu QLD ramkulh chung ah fawi tein an tlong kho cang i erhkhumhnak ah an um a hau ti lo,
- Cozah nih khamnak tuahmi kong he pehtlaiin Oct thla dongh zohthannak le biachahnak a tuah lai.
Sianginn
- May 11 thok in tangcheu, tang , tang 11 le tang 12 siangngakchia cu sianginn ah cacawn hram an thok cang.
- Siangngakchia tang 2- 10 inn in cacawn a si rih lai, May 15 in sianginn ah cacawn ah an kir te lai.
Tam deuh theih le relnak:
South Australia
Minung tonpumh khawh zat
- Pumpak inn ah minung 50 nak tam len kai khawh a si lo.
- Mipi tonpumhnak hmun (pumpak inn silomi) innchung le lengah minung 150 tluk tonpumhnak ngeih khawh a si cang.
- Tonpumhnak puai tuah tikah hmunkhat ah lam khawhnak nawl pek a si cang.
- Oct 3 thokin zu dawr, zu zuar nak hmun pawl ah zu din khawh a si cang nain leng lawngah dir buin din khawh a si.
Chawhlehnak le Hawikomhnak
Riahnak hmun petu
Riahnak hmun petu
riahhmun petu hna nih an zulh dingmi zulhphung a thlengmi pawl:
- Riahnak hmun motels, hotels le dangdang riah hmun ah ihkhun a lawngmi zat thawngzamhnak tuahmi nak tam deuh in mimung cohlan lo ding.
- Camp hmun ah minung 6nak tlawm le kum 16 tang lawng cohlan ding an si lai. Kum 16 tang cu zulhphung sermi zulh an hau lai lo.
Chawlehthalnak, cawlcanghnak le tonpumhnak he pehtlaiin a dot 3nak muisam cu Public Activity Direction No.3 ah langhter an si.
- Chawlehthal le mibu cawlcanghnak pawl nih COVID-Himnak tuahning rak tuah mi kha a thing rinh awk a tha ko lai.
- COVID Himnak Tuahning na rak tuah cia mi a um ko lai nain na dawr hmunhma na samh deuh a si ah cun a thar na ser than a hau lai.
- Chawlehthal le cawlcanghnak a tuahtu na si i COVID-Himnak tuahning na tuah rih lo cun na tuah hrimhrim a hau i na dawr a tluang tein a kal khawh nak caah.
COVIDHimnak Tuahning Dot 3:
Khualtlawn Khenkhamnak
- South Australia ramkulh chung khualtlawn cu nawlpek a si.
Victoria lein ahohmanh South Australia ah hohmanh luhnak nawl pek an si lo, SA ah khua a sa mi chungin Victoria a tlawng mi zong kirnak nawl pek an si ti lo.
Thil pical mi le abiapi mi a um lawngah Victoria khausa mi South Australia an tlawng kho.
NT, QLD, TAS le WA in a rak tlawngmi cu donhkhamnak zeihmanh um lo tein luhter le cohlan an si.
NSW, ACT silole ramdang in a rak tlawngmi na si ah cun erhkhumhnak ah na um a hau. Cun, zawtnak a chawn mi na si sual silole, zawtnak a ngeimi he niahniam tein a um thu mi na si ah cun Erhkhumhnak ah na um a hau.
NSW khuasa mi pawl SA ah mawtaw in an rak ra kho ko, Victoria ramkulh chung tan/pal pah in. Rak pal pah tik ah mawtaw chungin chuah lo tein rak pal pah a si lai. Cun rak pal tikah, Sturt Highway lam zawh in Mildura in Yamba kal ding asilole, Calder Highway le Merdian lam kar Abbortford hlei rak zawh khawh a si.
South Australia ah tlawng ding na si cun, Cross Border Travel Registration ramkulh ramri luhhawhnak lehhma na ni 3 hlankan tein na lak hmasa a hau.
- Ni 14 chung erhkhumhnak ah chiah dingmi hna cu:
- Ramkulh dang in a rak tlawng le akir than mi poah
- Ramdang khualtlawnnak in a rak kir mi poah
- zawtnak a ngei mi he a naihniam in a umthu balmi poah
-COVID-19 zawtnak a ngei mi hna pawl
Cu ni 14 chung erhkhumhnak na um chungah inn te ah um ding, leng chuah hrim lo ding. Ngandamnak lei pehtlaiin thlopbul ding na si lawng ah na chuak kho.
South Australia ramri cu Canberra khuasa hna caah ramri hun piak an si cang. Erhkhumhnak ah an um a hau ti lai lo.
tam deuh in rel khawh a si.
Western Australia
COVID-19 Har bawmhnak
Sept 16 thok in Western Australia cozah nih rian ngei lo mi, COVID-19 nih a hnursuan mi hna pawl caah tiin $1500 bawnh nak a sengsen.
Western Australia khua a sa mi chungin tahfung a tling mi hna nih $1500 cu rian an tuan hlan lo, ni 14 dan voikhat in bawmhnak cu an hmu lai. Ngandamnak lei lutlai hna nih erhkhumhnak ah caan an hmanningin thawng an thanh ning hoih in bawmhnak cu chap a huah cun chap a si lai.
Tam deuh in relnak:
Dot 4 nak
- Western Australia COVID-19 phihkhamnak cu hun an si cang hna i dot 6 chung ah dot 4 nak kan phan.
- July 18 in dot 5 nak thlen dingin timhtuah a si nain ngandamnak lutlai hna nih Oct thla 24 in khin dot 6 nak tiang hmai ah nor dingin ruahchungnak an ngei.
- Tonpumhnak rikhiahmi vialte cu holh dih a si.
Khualtlawn Khenkhaamnak
- Oct 5 hnu in Victoria khuasa mi cu WA ah tlawn khawhnak nawl pek an si lai:
- Ni 14 chung erhkhumhnak ah chiah an si lai, an umnak ding hmun cu palek nih zohfelnak an tuah hmasa lai. An phak ka ah voikhat zawtnak i cheknak an ngei lai cun ni 11nak erhkhumhnak an um ah voikhat chek an si than lai.
- NSW leiin a rak tlawngmi zoh nih cun a dang ramkulh dang zong nih cu zulh phung sermi cu an zulh ve lai. Tam deuh in rel khawhnak: - WA ramkulh chung cu khamnak zeihmanh a um lo zalong tein khualtlawn khawh a si. Nain ramngeitu umnak hmun cu luhchuah khawh a si lo.
- WA luhchuah khawhnak hmun pawl:
Sianginn
- Western Australia i cozah sianginn pawl zong hun than dih an si cang i fale sianginn ah kaiter duhmi nih kaiter khawh an si cang.
- Siangngakchia chungin inn ah cacawn a duhmi nih inn in cacawn an duh ah cun sianginn lei nih a herh mi pawl an tawlrel piak hna lai.
- Nulepa le fale zohkhenhtu pawl zong sianginn certual tiang luh in fale don le thlah khawh an si cang.
Western Australia Sianginn kong:
Tasmania
- Inn: inn ngeitu telh chih loin voikhat ah mileng 20 tiang ngeih khawh a si.
Chawlehnak le Hawikomhnak
- Dawrkhan le inn chung bit kauh hoih in: voikhat ah minung 250 inn chungah tonpumh khawh a si lai, cun lengah minung 1000, Sept 25 hnu in)
- Minung 1 ah pe 2 dan hlat in um thut a si lai ()
- Mipi hmunkhat ah um thut khawh nak hmun ah tonpumh khawh zat rikhiahmi nak tlawm deuh lawngin cohlan a si lai.
- Puai le hawikomhnak hmun ah duh poah in chawhvah khawh a si ko nain zu ti bantuk an din lio belte ah cun an thutnak te ah an thut a hau lai.
- Pum cawlcangh tuahnak hmun gym zong hun than an si cang. Thianhlimnak le hlat in umthutnak siseh, COVID Humhim runvennak timtuahnak zong ngeih ding a si lai.
Chawlehthalnak kong hngalh tha:
Khualtlawnnak Khenkhamnak
- Ramkulh kilkamhnak ah lakhruak runvennak tuahmi cu Oct 26 tiang suah a si lai.
- 1 Dec in phihkhamnak vialte cu hun than dingin timhtuahnak ngeih a si.
- Tasmania ah rak tlawn khawh a si ko nain umthut le lengchuahnak le tonpumh ning kong ah zulhphung an sermi zulh dih ding a si lai.
Tasmania tlawnnak kong hngalh tha:
Khawltlawn khawhnak nawl laknak:
- Tasmania ramkulh mipi zong nih ramchung siseh ramleng siseh khualtlawn dingin timhtuahnak a ngei cun ah nawlhalnak tuah hmasa a hau lai.
- Good to Go App ah pumpak konglam le aluan cia ni 14 chung an thutdirnak konglam a hmanning tein theihternak a tuah lomi poah cu $16,800 silole thawng thla 6 thlak dingin dantat ding.
Ramri phihkhamnak hlohning
- Dot 1
Zawtnak zual ngaiin a puannak hmun silole Victoria ramkulh lut/pial pah loin a rak tlung mi poah cu mah le inn cio ah tin khawh a si cang. Erhkhumhnak ah an um a um hau ti lo.
- Dot 2
Oct thla dongh in cun COVID Humhim runvennak timtuahnak ngeih buin ramri zong ramkulh dang lei in a rak lut mi hna pawl caah zong ah hun an si te lai nain thil sining le dirhmun zoh chih in kar hlan a si te lai.
Dot 3
Zawtnak zual ngaiin a puannak hmun pawl, Victoria ramkulh lei milut chuak hna caah ramri cu Dec 1 in phihkhamnak tuahmi cu hun than a si te lai tiah Ngandamnak lei lutlai nih thawng an thanh.
Sianginn
- Sianginn cu siangngakchia dihlak caah hun a si cang i siangngakchia hna zong sianginn ah pehzulh tein ca an cawng cang.
Northern Territory
Milu tonpumh khawh zat
- Milu ton khawh zat rih khiah mi a um lo nain pe 4 dan hlat in umthut ding
- Thitum puai le mithit thutpinak nawl pek asi.
Chawlehnak le Hawikomhnak
- Eksisai, leng tonnak, ti lioh, ngasio le tilawng cit pawl nawl pek asi.
- Ngakchia lenhmun, zu dawr, zaangleknak le inching chawdawr hna, gym, caruk le thilhlun chiahnak hna cu hun asi.
- May 15 in rawldawr, lakphak dawr, zu dawr, lentecelhnak hmun, gym, caruk, Hmanthlak phuntling chiahnak le Thilhlun chiahnak pawl hun than khawh a si.
- Cozah hngalhpi nak in hun mi a lawng kasa dawr te pawl -TAB ti bantuk pawl zong hun than a si cang
- Lentecelh phu hna pumpalulh, basketball, footy le netball
- Baisikup le Hlasaknak hmun, lamnak hmun, le night club.
- Zu dawr ah ah kal khawh
tonpumhnak he a pehtlaimi si hna seh, ei din dawr he a pehtlaih mi le len hmun dang pawl vialte zong hun than dih an cang.
Puai tuahnak le chawlehthalnak dangdang vialte zong ningcang tein tuah to khawh dih an si cang.
Khualtlawnnak khenkhamnak
- Aluancia ni 14 chungah Victoria ramkulh le Sydney a tlawng mi chungin siseh ramleng in a rak kirmi poah erhkhumhnak ah chiah an si lai i $2500 tandat ding.
- Ramkulh dangdang in NT arak lut mi chungin zawtnak a chawnmi an tam biknak hmun in a rak phan mi an si lo poah ahcun erhkhumhnak ah um an hau lai lo.
- Oct 16 hnu in New Zealand lei in a rak tlawngmi erhkhumhnak ah an um a hau ti lai lo.
- Ni 14 chung ah COVID-19 a puannak a um thut lo mi a si lai
Sianginn
- siangngakchia pawl cu sianginn ah cacawng ding
- Afale sianginn ah cacawnter a duh lo mi chungkhar hna nih an fale inn in ca an cawnter hrim hna lai.
Northern Territory Sianginn kong:
Thil dangdang:
Australian Capital Territory
Milu tonpumh khawh zat
- Innchung le leng lenkai khawh zat rikhiahnak a um lo
- Thitumh puai le biaknak lei a pehtlaimi cawlcanghnak le ruakhumnak hmun ah milu 100 tiang tonpumh khawh a si cang nain pe 4 dan hlat in umthut ding a si lai.
- Hmunhma hme deuh ah cun minung pakhat ah pe 4 dan hlat in umthut ding.
Tam deuh in relnak:
Chawlehnak le hawikomhnak
- Chawdawr siseh, dawr dangdang pawl vialte hna an dawr khan zei tluk a ngan zongah minung 25 nak tam an cohlang kho lo.
Khualtlawnnak
- ACT khuasa pawl chungin ramkulh le ramthen dang kal a timmi hna: Cozah nih mipi pawl cu Victoria ramkulh le zawtnak zual ngain a puannak hmun ah a kal lo dingin ralrinnak a pek hna.
- ACT Ngandamnak Lutlai nih NSW khuachung a tlawngmi poah cu riantuan ah kal colh loin ni 14 chung erhkhumhnak ah an um a hau an ti. Fairfield, Campbelltown le Liverpool khuachung ah a tlawng mi pawl.
- Zawtnak a chawnmi an tamnak hmun ah a kalmi poah, zawtnak hmelchunhnak nih tlunh lo zongah ni 14 chung erhkhumhnak ah caan hman dingin Ngandamnak Lutlai nih duhsaknak an ngei.
Nawlpeknak tel loin ACT khuasa mi dah ti lo ACT ah luhnak nawl pek an si lo.
ACT khuasa mi khualtlawnnak in a kir mi poah cu ni 14 chung erhkhumhnak ah chiah ding.
Sianginn
Cozah sianginn kip sianginn ah ca an cawng than cang lai.
Australia ram khua a sa mi mipi vialte cu midang he 1.5m hlat in an umthut le thutdir hrimhrim a hau. Ramkulh dang hna i phihkhamnak an tuahning le dirhmun hna cu: hi kha link ah hin len le rel khahw an si.
Khuh le cumpit cun zawtnak hmelchunhnak nih an tlunh a si ah cun inn ah i khumh law, chek nak ngei dingin Siibawi le Ngandamnak lei lutlai hna cu 1800 020 080 ah pehtlaihnak ngei hna.
Holh phun 63 in thawngpang le thil dangdang kong hna cu ah rel khawh an si.
