COVID-19: Khawrawnarungrul Pulrai Zawtnak He A Pehtlaimi XE le Deltacron Rai Kong

Deltacron rai zawtnak cu New South Wales le Queensland ramkulh mi chungin zawtnak a chawn mi an um cang tiin Australia ram siibawi thiamsang hna nh thawng an thanh. Rai phun a dang mi pahnih BA.1 le BA.2 an I fawn I rai phunkhat a chuak mi a um I a min ah XE tiin min an pek.

The World Health Organization (WHO) believes the XE variant could be 10 per cent more transmissible than the BA.2 strain of Omicron. Source: Getty Images/Andriy Onufriyenko

Pulrai zawtnak rungrul a phun a dang ko mi kha an I fon a si ahcun pulrai zawtnak phun khat ah a chuak theo tiin thiamsang hna nih an chim. Atu bantuk thil a can hi cu khua ma caan te lawng ah a si.

Deltacron le XE hi Delta le Omicron he zeidah an I dannak a si?

Deltacron le XE cu zawtnak rungrul a fonh chinmi chungin a chuakmi zawtnak an si.

Deltacron cu Delta rungrul le Omicron rungrul an i fonhnak in a chuak chin mi rungrul dang a si. Delta le Omicron nih an ngeih veve mi rai kha Deltacron nih tling tein a ngeih dih. XE rungrul belte hi cu Omicron rungrul nih a ngeih mi rai tengnge phun a dang veve mi BA.1 rungrul le BA.2 rungrul an I fonh hnu ah a chuak mi zawtnak a si.

BA.1 rungrul nak in BA.2 rungrul hi a karh rang deuh. BA.2 hi i minung pakhat le pakhat I chawnh a fawi deuh. Australia le ram cheukhat ah an I chawnh cem mi cu BA.2 rai zawtnak hi a si.

Lungrethei in kan um awk a si ma?

WHO ah siibawi rian a tuan lio mi Dr Maria Van Kerkhove nih Deltacron he pehtlaiin a hmuhning a chim.

“Rungrul phunhnih a fonmi chungin a chuakmi rungrul thar he pehtlaiin thlennak zei ngai kan hmuhmi a um tuk lo. Rungrul rian a tuanning zoh tik zongah tih a nun deuhnak hlei cu a um lo. Nain, thil fiang deuh in kan hngalh khawh nak hnga biatak tein zohfelnak kan ngeih cuahmah lio a si,” tiin Dr Van Kerkhove nih a chim.

Dominic Dwyer cu pulrai zawtnak chungah a ummi rungrul tha lo he pehtlaiin hngalhnak a ngei mi a si. Rungrul phun a dang mi pahnih kha pakhat ah an I fonh zongah tih a nun deuhnak hlei a um lo, Delta silole omircon rungrul nakin rian an tuan deuhnak hlei a um lo caah kan lungre a theih ding a si lem lo tiin Dwyer nih a chim.

France ram chaklei ah Deltacron rungrul cu rak hmuh hmasa bik a si, cu hnu cun karh i US le UK tiang a phan. Australia ram, NSW le Queensland ramkulh ah Deltacron zawtnak a ngei mi an phan tiin April 8 ah thawng an rak thanh.

Queensland reported 12 Deltacron infections last week. One case of Deltacron has also been detected in New South Wales. Source: AAP Image/Russell Freeman

XE rungrul an rak hmuh hmasa nak ram cu United Kingdom a si theo lai tiin World Health Organization nih an zumh. BA.2 rungrul nak in XE rungrul hi zatuak 10% tluk in a karh a rang deuh mi a si. Nain fak deuh in kherhlainak tuah bel a hau rih.

“Australia ram ah an hmuh mi rungrul hi cu XE cu a si lo, UK le chaklei Europe ah an hmuhmi he a khat lo. Mah hi cu a karh tuk kho mi a si rua lo” tiin Dwyer nih a chim.