Australasian Fire and Emergency Service Authorities Council (AFAC) nih an chim phuan ning ah cun 2019-2020 kum ramkangh kan ton kha meithattu a pumpe mi milu zat an tam cem a si.
Kha lio ah khan, E-kah 42 nuai tluk kau in ram a rak kang. Mah bantuk in thil a rak cang bal mi a si lo.
Zeitin dah ram caah bochan tlak minung pakhat na si ve khawh lai?
Hngalh Awk Thil
- Na umnak he a naihnak hmun ah a ummi Meithattu umnak ah kal law na huammi phun a si ve kha theihternak va tuah hna.
- Mei rallian dohnak ah kal khawh nak dingah cun thla 6 in thla 12 kar cawnnak na kai a hau.
- Zei bantuk rian dah na tuan duh timi na theiter hna a hau.
Na huammi rian phung a si kha zeitin na langhter ning
Zei dang tuah hlan ah, na huamnak le na tuan duhnak a ruang pawl kha meithuttu lutlai sinah theihternak na tuah hmasa cem lai.
Captain Phill Townsend cu Country Fire Authority (CFA) caah a pumpe cuahmah lio mi pakhat a si i Keysborough sang ah a pumpe lio mi a si.
Ram chung mei thattu rian i pumpek duhnak na ngeih mi kong theihternak tuah cu a fawite, Internet hmangin kuat khawh an si ko tiah Phill nih a chim.
Silole, na duh cun na umnak pawng i meithattu zungah va kal khawh thiam a si.
Rak ra law bia tlawmpal kan i ruah lai cun na dirhmun nih a tlinh a si ko khan cun, thla khat chungah cawnnak ah na lut colh ko lai.
CFA training exercise Source: Getty Images/D. Clarke Photography
A chung riantuanak na tuah le tuan ding mi cu thiamnak na ngeihmi, zei tluk in na pumpek le na thil ti khawhnak cungah a hngatchan.
Pulrai puancuahnak ruangah cawnnak tuah tawnning a thleng tiah Phill nih a chim.
Atu cu COVID ruangah computer hmangin a ca deuh in kan cawng nain a tak in tuah a hau mi pawl zong an um thiamthiam ko.
Firefighter attending grass fire in Victoria. Source: Getty Images/James Lauritz
Mei ral dohnak ah hin rian phun hnih a um
Rian pakhat cu mei a umnak hmun ah kal in mei ral a dotu. Mei raldoh cu a tak in mah nih cawlcangh a hau mi rian a si.
AFAC lutlai pakhat a si mi Stuart Ellis nih mei thattu rian ah hin thiamnak dangdang a ngei mi a pumpe duhmi kan herh hna tiah a chim.
Rian phunphun tuan awk a um, zung lei a tawlreltu ding, rediu lei a tlaitu ding cun riantuantu pawl zohkhentu ding pawl cu khoika meithattu zung poah nih an herh mi a si.
Stewart Matulis cu a pa keneh a zulmi a si i, a luancia kum 16 a khan meithattu rian tuan dingin a rak i pumpe mi a si.
Mipi caah kan tuan timi lungput tein kan tuan ding mi a biapi tuk tiah a chim.
Cucaah, sianginn hna ah kal in hngakchia pawl va chawnh biak i Mei ral in zeitin kan i runven lai ti va cawn piak hna zong hi thil pakhat a biapi mi rian na tuah khawh mi a si ve.
Cucu Phill zong a lung a tling ngaingai.
Meithattu mawtaw cungah holh dangdang a holh kho mi an um i, hman rua tha taktak an si.
Mei thahnak hmun ah kal ve theng si loin zung lei ah rian a tuantu dingah na pumpe kho ve ko tiah Stewart nih a chim.
Source: Getty Images/Chris Beavon
Chungkhar Bawmtu
Virginie Eastwood cu fapa pahnih a ngei mi nutung pakhat a si.
Queensland ramkulh Mount Kilcoy-Sandy Creek khua i ummi meithattu phu ah a tel ve mi a si.
Khuate ah a ummi ka si, fale zohkhenh piaktu an um lo i ka fale hi ka hawi le inn ah ka chiah tak tawn hna. Ka pasal a thawh khawh lo a sile keimah mei thah ah ka thawh tawn.
Mah mipum in mei hram ah va kal i mei va doh cu nunnak caah tih a nung mi rian a si, nain a rak lut thar mi, a pumpe ka pawl cu mei thahnak hram ah an kal colh lo tiah Phill nih a chim.
"Mi thar cu ram mei a kangh taktak nak hmun ah cun ka kal pi bal hna lo, mei thahnak hmun kalnak dingah thla 6 in thla 12 tluk cawnnak an ngei hmasa a hau.
سيارة اطفاء Source: Getty Images/Nigel Killeen
