સમગ્ર NSW અને વિક્ટોરીયામાં ફરીથી પૂરના કારણે જળસ્તરમાં વધારો થયો છે અને મોટા પૂરની પરિસ્થિતિ યથાવત છે.
શુક્રવારે, હજી NSW પૂરમાંથી બહાર નથી નીકળ્યું ત્યાં ફરીથી રાજ્યમાં મોટી આફતના એંધાણ. NSWના પશ્ચિમી અને દક્ષિણ પ્રદેશોમાં વાવાઝડું આવશે અને ધોધમાર વરસાદ પડશે.
ડાર્લિંન્ગ પોઇન્ટ ઇસ્ટના રહેવાસીઓને આજે સાંજે 7 વાગ્યા પહેલા સ્થાળાંતર કરવા માટે તૈયાર રહેવા જણાવાયું છે, ત્યારે નામોઇ ગામમાં રહેતા મોટા એબરીજીનલ સમુદાયના લોકોને સાંજે ચાર વાગ્યા પહેલાં સ્થાળાંતર કરવાની વિનંતી કરવામાં આવી છે.
લૂંટ અને તેમની જમીન તથા પરિવારથી દૂર થઇ જવાના ડરના કારણે નામોઇ ગામના કેટલાક લોકો સ્થળાંતર કરવાનો ઇનકાર કરી રહ્યા છે.
NSW ની સ્ટેટ ઇમરજન્સી સર્વિસે (SES) ચેતવણી આપી છે કે, અંદાજ પ્રમાણે નામોઇ ગામમાં પૂરના કારણે ગટર વ્યવસ્થા ખોરવાશે, અને તેવા સમયે સ્થાનિકો જો સ્થાળાંતર નહીં કરે તો તેઓ આવશ્યક સેવાઓથી વંચિત રહેશે.
NSWની SESના જોશ ક્લાર્ક જણાવે છે કે, નામોઇ ગામના સમુદાયના કેટલાક સભ્યો આ પરિસ્થિતિમાં ત્યાં રહેવાના પરિણામોને સમજે છે અને ઇચ્છે છે કે તેઓ સ્થાળાંતર કરે પરંતુ કેટલાકે ત્યાં જ રહેવાનો નિર્ણય કર્યો છે.
જે સ્થાનિકો સ્થાળાંતર કરવા સંમત થયા છે તેમને નજીકના વોલગેટ પર લઇ જવામાં આવશે અને ત્યાંથી રોકાણની વ્યવસ્થા સાથેના ઇમરજન્સી રહેઠાણમાં રાખવામાં આવશે.
NSWના ઇડન કોસ્ટ માટે આજથી આવતીકાલ સુધી ભારે દરિયાઇ પવનની ચેતવણી આપવામાં આવી છે. ત્યારે વિક્ટોરીયાના પોર્ટ ફિલીપ માટે આજે અને ઇસ્ટ ગિપ્સલેન્ડ કોસ્ટ માટે આજે અને આવતીકાલ સુધી દરિયાઇ પવનની ચેતવણી જારી કરવામાં આવી છે.
આ સંજોગોમાં વાકુલ જંકશન, બાઉન્ડ્રી બેન્ડ, યુસ્ટન, મિલ્ડુરા અને વેન્ટવર્થ ખાતે પૂરના પાણીનું સ્તર વર્ષ 1975માં નોંધાયેલી સપાટી કરતાં વધુ થઇ શકે છે.
મોઆમા અને ઇચુકા ખાતે આવેલી મરે નદીમાં જે પૂરની સ્થિતિ છે તે શુક્રવાર સુધી યથાવત રહેવાની સંભાવના છે.
વિક્ટોરીયાના પૂર્વ વિસ્તારોમાં મૂશળધાર વરસાદ અને ભયંકર વાવાઝોડાના કારણે પૂર આવવાની ચેતવણી પણ આપવામાં આવી છે.
હાલની મૌસમમાં હવામાં પરાગરજોનું પ્રમાણ વધારે હોય છે અને સાથે વાવાઝોડાના પવનના કારણે પશ્ચિમ અને મધ્ય વિક્ટોરીયાના રહેવાસીઓને અસ્થમાનું જોખમ રહેશે.
જ્યારે આ પ્રદેશના કેટલાક વિસ્તારોમાં ઓછાથી મધ્યમ સ્તરનું જોખમ રહેલું છે ત્યારે વિમેરા વિસ્તારના રહેવાસીઓને વિનંતી કરવામાં આવી છે કે તેઓ તેમની રાહત આપનારી દવાઓ હાથવગી રાખે અને તોફાન પહેલાં અને દરમિયાન ઘરોની અંદર સુરક્ષિત રહે.
આ તોફાનના કારણે સ્થાનિકો બિમાર પડી શકે છે. જેમ કે, અસ્થમાના લક્ષણો જેવા કે ઉધરસ, કફ, શ્વાસ લેવામાં તકલીફ અને છાતીમાં તણાવ આવવા જેવી પરિસ્થિતિમાં મૂકાઇ શકે છે. તેથી જરૂરી દવાઓનો જથ્થો તેમની પાસે ઉપલબ્ધ રાખે.
Keep up to date with the latest forecast from the
Follow the latest changes by checking the
If you are in a life-threatening emergency, call Triple Zero (000). Call the NSW SES on 132 500 and Victoria Emergency Services on 1800 226 226 if you have experienced damage from storms, wind, hail or a fallen tree and if a tree branch is threatening your property or a person's safety.
To access this information in other languages, call the Translating and Interpreting Service on 131 450 (freecall) and ask them to call VicEmergency Hotline.
If you are deaf, hard of hearing, or have a speech/communication impairment contact National Relay Service on 1800 555 677 and ask them to call the VicEmergency Hotline.
