COVID-19 Update: Victoria, nagdeklara ng Code Brown sa mga ospital, habang naitala ngayong araw ang pinakamaraming bilang ng namatay sa bansa dahil sa COVID-19

Narito ang pinakabagong Coronavirus update sa Australia ngayong 18 Enero 2022.

Paramedics are seen tending to their ambulance outside St Vincent hospital in Melbourne. Source: AAP

Umabot sa 74 ang bilang ng mga namatay dahil sa COVID-19 sa NSW, Victoria, at Queensland. Ito ang pinakamataas na naitala sa bansa simula nang magumpisa ang pandemya.
Nagdeklara na ang Victoria ng Code Brown emergency sa lahat ng ospital sa buong estado dahil sa pagtaas ng mga kaso ng COVID-19 dahil sa Omicron variant
Ayon kay Victorian Deputy Premier James Merlino umabot na sa puntong hindi na kakayanin ng mga ospital ang epekto ng pandemya habang nahaharap ang mga ito sa kakulangan ng empleyado
Sa pagpapatupad ng kautusang ito, kasama ang anim na ospital sa rehiyon, babawiin ang leave ng ilang empleyado ng mga ospital at maaaring ipagpapaliban muna ang mga non-essential care.
Nagtala ng 29,830 na panibagong kaso ang ang NSW. Karamihan sa mga ito ay galing sa PCR tests habang 2,850 naman ang dinala sa ospital dahil sa virus. 209 sa mga ito ay nasa ICU.
1.2 milyong estudyante sa estado, kakailanganing mag-test gamit ang RAT dalawang beses isang linggo, isa sa mga minumungkahing plano sa pagbabalik-eskwela ng mga kabataan, ayon sa report ng Sydney Morning Herald.
Sa Tasmania, hindi na kakailanganing mag-register o magpa-test ang mga babyahe sa estado na may kumpletong bakuna.
Maantala naman ng dalawang linggo ang pagbabalik-eskwela ng mga bata sa Queensland, na naging desisyon ng otoridad dahilan sa kasaulukuyang hinaharap na sitwasyon.
Nag-anunsyo si Health Minister Yvette D'Ath ng pagbabago sa mga patakaran sa mga bibisita sa ospital para mapigilan ang pagkalat ng virus dito. Ito'y matapos magtala ang Queensland ng 16 na namatay dahil sa COVID-19.
Maghihigpit naman ng Europian Union ang mga patakaran sa pagbyahe para sa mga di bakunadong bayhero na manggagaling ng Australia, Argentina at Canada dahil sa patuloy na pagtaas ng mga kaso ng COVID-19 sa mga nabanggit na mga bansa.

RAT registration forms ng iba't-ibang estado at teritoryo

Covid-19 Stats:

Nagtala ang NSW ng 29,830 na panibagong kaso ng COVID-19 at 36 ang namatay, habang 20,180 naman ang naitalang panibagong kaso sa Victoria at 22 ang namatay.

Umabot sa 15,962 ang naitala sa Queensland at 16 ang namata, habang sa Tasmania ay may naitalang 1,310 na panibagong kaso.