- Byron, Kempsey at Tweed sa NSW, sasailalim ulit sa lockdown
- Bilang ng mga aktibong kaso sa Victoria, pumalo na sa 6,000
- At dagdag na pondo para sa mental health services, inanunsyo sa ACT
New South Wales
Nagtala ng 1,022 na bagong kaso ng coronavirus ang New South Wales at sampu ang namatay.
Sa ngayon, umabot na sa 53 per cent ang mga nabakanuhan ng pangalawang dose.
Sasailalim naman sa pitong-araw na lockdown ang Byron Shire, Kempsey at Tweed, simula ngayong alas-singko ng hapon. Ito’y matapos matukoy na may isang nagpositibo sa COVID na galing Sydney at bumisita sa ilang lugar sa NSW north coast.
Simula ngayong araw, papapayagang magtipon ang grupo ng tatlong magkakaibigan na edad 17 pababa, basta’t nakatira sa parehong lugar at di lalagpas sa limang kilometro ang tinitirhan ng mga ito. Limitado lamang ang ‘friends bubble’ para sa mga nakakuha na ng dalawang dose ng bakuna.
Samantala, may alok na ang Australian Red Cross na para sa mga naka-temporary visa o mga walang hawak na visa at apektado ng lockdown sa NSW.
Victoria
Nagtala ng 603 na bagong kaso ang estado at isa ang namatay.
Ititigil naman ang operasyon ng construction industry sa loob ng dalawang linggo sa Metropolitan Melbourne, Geelong, Surf Coast, Ballarat at Mitchell Shire. Ito’y matapos magkaroon ng outbreak sa mga construction sites sa nabanggit na mga lugar. Sa ngayon, umabot na sa 403 ang bilang mga nagpositibo sa virus na konektado sa outbreak sa186 na construction sites.
Samantala, inaasahang makakatanggap ng higit 300,000 Moderna vaccine ang buong estado ng Victoria.
Australian Capital Territory
Sa Australian Capital Territory, may naitalang labing anim na bagong kaso ng COVID-19.
Ayon kay Chief Minister Andrew Barr, magkakaroon ng labing apat na milyong dolyar na dagdag pondo na ilalaan para sa mental health, alcohol at drug services sa teritoryo.
Quarantine, travel, testing clinics at pandemic disaster payment
Pinamamahalaan ng bawat estado at teritoryo ang mga kakailanganin para sa quarantine at testing:
Kung kinakailangan mong bumyahe sa ibang bansa, maaaring mag-apply ng exemption online. Para sa karagdagang impormasyon tungkol sa mga kundisyon sa pagbyahe sa labas ng bansa. Mayroong mga patakarang pansamantalang ipinapatupad para sa mga international flights, na regular na sinusuri ng gobyerno at ina-update website.
- Balita at impormasyon na isinalin sa 63 wika sa
- Mga alituntunin sa bawat estado at teritoryo: , , , , , , .
- Impormasyon tungkol sa
Mga testing clinic sa bawat estado at teritoryo:
Impormasyon kaugnay sa pandemic disaster payment sa bawat estado at teritoryo:
