Në yekölë ke panë Victoria atɔ̈ ke cenë kɔc ke 723 tuany në tuanyë coronavirus a kek caal. Ye akeerë kɔc cë tuanyë atɔ̈ ke cë cin në kɔc wäär cë kan tuany jäl bak nom në ye mɛn. Thɛɛr wär në Ɣothuraliɛ ke cin në kɔc ëke ye tuany ee ye ya kɔc ke buɔɔt ke rou ka 200 ku ye kenë ee jäl dït arëtic
Acïï Bɛ̈nyë Victoria man ye Daniel Andrews caal në yom kamith kanë kölë ŋuan cë man adɛ̈ ke kɔc ke thiɛ̈r ku diäk në Victoria athou në tuanyë COVID-19.
Në nïïn wäär cë lɔ tueŋ ke cin në kɔc ëke ye bɛi në köl tök ee cë lɔ nhial në kɔc ke 532 ku ke ciɛlë wäär në yom ti nen ka köl tueŋë wiik.
Agut cë wäär kek nɔŋ ŋɔ̈th cë man adɛ̈ ke awuɔk bë ye nom dhuɔ̈k piny amääth agut nanë cë cak lɔ nhial në köl tueŋ në wiikic. Ee cë dhuk piny në kɔc ke në yomtalata 384 ku leer piny arëtic në kölë ŋuan në kɔc ke 295. Cin cë rɔt nyuɔth në yom Ɣarba yenë ke ye cin koor gɔl në penë dhorou ke ye nïïn thiɛ̈rrou 20.
Gɔl në thaa 11:59pm në yomläät wakɔ̈u, ke raan ëbɛ̈n tɔ̈ në baai ŋeem në Victoria abë ya ceŋ në aläth benë kek ke thook kum të jiɛ̈lë raan pande kuka bë ya löŋ.
Kɔc tɔ̈ në baai baŋë Greater Geelong, Surf Coast, Moorabool, Golden Plains, Colac-Otway and Queenscliff abë kek gël bë ciɛ̈n raan ber kɔc bë neem ka raan bë lɔ nëm gɔl në yomkamith wakɔ̈u në thaa11:59pm.
Acïï bɛny Andrews luel ye kɔc ke 255 atɔ̈ keke cë tuany në tuanyë COVID-19 në baai ŋeep në Victoria ka regional Victoria.
Lëk kuɔ̈tic abë bɛ̈n në yeknë
Kɔc cïïŋ në metropolitan Melbourne atɔ̈ keke cë kek yɔ̈ɔ̈k bïk lööŋ ke bïk rëër-baai kuany cök ku ranë kek alëu bë jääl baai ke ye luɔi, kuɛ̈n, bë lɔ cath, ke le nyin tïït në randɛ̈. Ee tääu ke ye löŋ cë man adɛ̈ ke ran ëbɛ̈n lɔ bë yic bë ye thok dhil ya kum të leer en në kɔc yic.
Kɔc rɛ̈ɛ̈r në Ɣothuraliɛ aye kek kɔɔr bë ran dhil ya rëër ke mec yic kenë randɛ̈ në 1.5 në kɛmken. Them bë të cenë kɛ̈ŋ nhiaac thïn në Yithtet du yic kan ya caar ku akutnom ëkɔc ee jäi.
Na ye yï guɔ̈p yök ke yïn nɔŋ cïït ke juäi, ke yïn rɛ̈ɛ̈rë baai. Yuɔ̈pë akëmdu ku ba juiir bë yïn lɔ them guɔ̈p ka yuɔ̈pë akutë Coronavirus Health Information Hotline on 1800 020 080.
Ago yök në lëk në thoŋdun yïn jam ku jɔl ya thook kɔ̈k yenë ciɛɛl ke 63 ke yïn neem
