- Në NS, 47.5 në kɔc ye run 16 lɔ tueŋ ake thöl në tuɔ̈m
- Në Shepparton ke lääu abë rɔt gɔl
- Panë ACT ke cïnë kɔc cë toom në biän tueŋ ee 75 dëër në buɔtic
- Acën raan cë bɛ̈ɛ̈r yök kke tuany Panë Queensland
New South Wales
Në ye mɛn ke pane NSW ee kɔc ke 1259 yök yök keke cë tuany, ku kɔc ke 12 athou.
Aye bɛ̈ny Premier Gladys Berejiklian luel cë man adɛ̈ ke cinë kɔc cë keek wum në biäk tueŋë wäl ee ɣet në 80 në buɔtic kuke kɔc ke pane Sydney west thïïc bïk bɛ̈nbei ku bë keek lɔ toom.
Gɔl në ye man käuë, ke ɣään ke thiɛ̈ɛ̈r ku rou abenë ke gëlë cäth dɔ̈kic në ajuiɛɛr yenë tɔ̈ ke cïï akuma bɛibei në ye mɛn. Na cë Ɛtate ɣeet në kɔc ke 70 në buɔtic kkeke cë kek toom kedhiɛ, ke ɣään juïc abë nomlääu yök.
Victoria
Në Victoria ke kɔc ke 423 yök keke tuany ku kɔc ke rou athou në ye tuanyë.
Në yekölë ke madïna ëë Ballarat abë gɔl në thïïk benen yen thiɛ̈ɛ̈k në wɛ̈ɛ̈ric alä ku kɔc tɔ̈ thïn abë lööŋ tɔ̈ në Melbourne ke ka bïï keek kuany yic në nïïn ke dhorou. Gëlë cäth cït kë tɔ̈ në Melbourne yenë ka bë liu. Baai lɔŋë Shepparton ee cë thiɛ̈ɛ̈k wrä kunë ye man kääuë keka bë liɛ̈p nomlääu nëŋö ee tɔ̈ në nïïn kediäk ke cën raan tuany cë bɛɛr yök.
Ɣän juïc në baai ŋeem në Victoria acenë ke gɔtɔɔrken ke cäth cɔk kääc wär cenë rantöŋë kɔc lui thïn yök ke cë tuany. Në kaam cenë gɔtɔr ke V/Line kɔ̈ɔ̈c ke bääth abë kɔc yöŋ ëke dhëëth keek gɔl në yekölë
Australian Capital Territory
Panë ACT ee kɔc ke 13 ake yök keke tuany ku kɔc ke bɛ̈t ake rɛ̈ɛ̈r në baai yic. Bɛ̈ny ŋäär baai man ye Chief Minister Andrew Barr ee jam në 75 në buɔ̈tic ë kɔc ye run 12 agut cë kɔc cë ŋuɛ̈ɛ̈n abë toom në wälë COVID-19 vaccine gɔl në yekölë.
Bɛ̈ny akutë pialë guɔ̈p man ye Rachel Stephen-Smith ee jam ye kɔc lui në akëm man ye enrolled nurses, kɔc kuën keke bë ya nurses, kɔc kuën keke bë ya dugɛ̈m ke mïth (midwives) abë kɔc piɔ̈ɔ̈c agokɛ̈ tuɔ̈m ë wälë COVID-19 ya looi ëya ku bë ajuiɛɛr benë kɔc dac toom cɔk lɔ tueŋ apiɛth.
Në thɛɛk ke 24 cë lɔ në Australia
- Panë Northern Territory atɔ̈ në akeerë 3 në ajuiɛɛrë COVID-19 kunë ye mɛn ee löŋ të nɔŋ kɔc lui në NT bë kɔc nɔŋ gup tuanytuany dhil toom.
Na ye raan kɔɔr ba cath ke yïn lɔ në wɛ̈ɛ̈r baŋtï, ke yïn lëu ba athöördu tuɔny në yntanɛtic ku ba thiɔ̈ŋ kë bë yïn jäl yiɛ̈n ajuiɛɛr benë yïn puɔ̈l. ThanyI ye tënë ago yök në lëŋ kuɔ̈tic ku lööŋ cë kek tääu të kɔɔr yïn ba jäl në Australia. Atɔ̈ke nɔŋ lööŋ cë kek taäu kuka lëu bïk röth dac waar nëŋö tiir ake yiɛ̈n lööŋ bïk kek ya kuany cök. Ye lööŋkɛ̈ aye akum ake caar në nyindhiɛ kuka lëu bë kek waar yic ku neem ago kek lɔ nyic.
- Në ka cɔɔlë kek ku lëk lɔcök në tuanyë COVID-19 ke yin neem ajuiɛɛr yenë yï lɛ̈k në thook ke 60 në
- Në lëk ku jɔl ya nyooth të nɔŋ akumaai ke state ka territory ke yïn neem: , , , , , , .
- Na kɔɔr lëk në ajuiɛɛrë tuɔ̈m yenë kɔc toom në thoŋdu ke yïn neem .
Akutë NSW Multicultural Health Communication Service atɔ̈ ke nɔŋ athöör kuɔ̈tic cë kek waar yic:
Na kɔɔr ɣän yenë ke kɔc them gup ku jɔl ya ɣän ke tuɔ̈m ke yïn neem wɛbthayit ke state ku territory:
Në lëk tɔ̈ në ariɔmë kuɔny në riääk kanë tuany yic ënë, ke yök lëk në webɛthayit ke state ka territorydun yenë cïŋ yïn thïn:
