ܣܢܸܕܠܹܗ ܡܘܬܒ݂ܵܐ ܕܘܙܝܼܪܹ̈ܐ ܐܲܬܪܵܝܵܐ ܕܘܒܵܪܹܐ ܕܚܙܵܩܵܐ ܣܵܦܲܪ ܬܹܒ݂ܝܼܠܵܝܵܐ ܘܐܲܬܪܵܝܵܐ ܚܲܕܬܹܐ ܠܲܡܚܲܝܠܵܢܬܵܐ ܕܚܵܡܲܝܬܵܐ ܡܢ ܟܘܪܘܢܐ ܦܵܝܪܸܣ ܚܲܕܬܵܐ ܐܲܝܟ݂ ܡܲܣܲܡܬܵܐ ܕܒܵܠܵܐ ܥܲܠ ܩܵܢܛܵܐ ܕܝܼܠܹܗ ܙܝܵܕܵܐ ܠܦܵܝܪܸܣ ܡܫܘܚܠܸܦܵܐ ܕܝܼܠܹܗ ܚܲܝܠܵܢܵܐ ܒܡܲܛܦܲܝܬܵܐ ܓܵܘ ܡܲܠܟܘܬܵܐ ܡܚܘܝܲܕܬܵܐ.
ܘܒܗܵܝ ܥܸܕܵܢܵܐ ܓܠܹܐܠܗܘܢ ܕܦܝܼܫܠܵܗ ܡܕܝܼܢܬܐ ܕܒܪܝܼܣܒܸܢ " ܢܘܩܙܵܐ ܚܲܡܝܼܡܵܐ ܕܟܘܪܘܢܐ ܦܵܝܪܸܣ" ܥܲܠ ܫܵܘܝܵܐ ܕܟܘܡܢܘܹܝܠܬ݂، ܒܵܬܲܪ ܡܵܐ ܡܚܘܬܸܬܠܗܘܢ ܛܦܵܝܬܵܐ ܕܚܲܕ ܡܬܲܡܝܣܵܢܵܐ ܒܟܘܪܘܢܵܐ ܦܵܝܪܸܣ ܚܲܕܬܵܐ- ܗܵܘ ܡܢܕܝܼ ܕܥܒ݂ܸܕܠܹܗ ܠܲܕܒ݂ܵܪܬܵܐ ܕܡܕܝܼܢܬܵܐ ܠܡܸܬܚܵܐ ܕܬܠܵܬܵܐ ܝܵܘܡܹܐ.
ܠܦܘܬ ܐܵܢܝܼ ܫܘܚܠܵܦܹܐ، ܚܵܙܘܩܹܐ ܕܝܼܠܲܝܗܝ ܡܛܵܝܵܐ ܠܐܸܣܬܪܵܠܝܵܐ ܘܵܠܹܐ ܕܗܵܘܝܼ ܨܘܚܨܹܝܹܐ ܘܦܘܠܵܛܵܐ ܗܵܘܹܐ ܡܪܝܼܡܵܢܵܐ ܠܵܐ ܛܸܦܝܹܐ ܩܲܕܡ ܕܡܫܵܪܝܼ ܚܙܘܩܝܲܗܝ،
ܘܡܘܒܨܸܪܘܢ ܡܸܢܝܵܢܵܐ ܥܸܠܵܝܵܐ ܕܚܵܙܘܩܹܐ ܕܲܥܪܵܢܹܐ ܠܐܲܬܪܵܐ.
ܚܵܙܘܩܹܐ ܕܗܵܘܝܼ ܥܲܠ ܛܲܝܸܣܝܵܬܵܐ ܕܚܙܘܩܝܹܐ ܐܵܐܲܪܵܝܹܐ ܐ݇ܬ݂ܵܝܵܐ ܡܢ ܡܲܠܟܘܬܵܐ ܡܚܘܝܲܕܬܵܐ ܘܵܠܹܐ ܕܨܲܚܨܸܝܝܼ ܒܓ̰ܲܠܕܘܬܵܐ ܥܲܠ ܟܘܪܘܢܵܐ ܦܵܝܪܸܣ ܡܚܘܼܕܸܬܵܐ ܩܲܕܡ ܕܝܵܣܠ݇ܩܝܼ ܓܵܘ ܛܲܝܹܣܝܵܬܵܐ ܕܥܵܪܵܐ ܠܐܲܬܪܲܝܗܝ.
ܩܢܵܥܹܐ ( ܬܲܚܦܝܵܬܵܐ) ܒܗܵܘܝܼ ܐܲܠܝܼܨܹܐ ܓܵܘ ܟܠܲܝܗܝ ܚܙܘܩܝܹܐ ܐܵܐܲܪ̈ܵܝܹܐ ܓܲܘܵܝܹܐ ܘܬܹܒ݂ܝܼܠܵܝܹܐ ܘܓܵܘ ܒܹܝܬ݂ ܛܵܘܣܹܐ ܐܲܬܪܵܝܹܐ ܓܵܘ ܐܣܬܪܵܠܝܵܐ، - ܫܒ݂ܘܩ ܡܢ ܫܲܒ݂ܪܹ̈ܐ ܕܝܼܠܲܝܗܝ 12 ܫܢܹܐ ܘܠܬܸܚܬ- ܘܡܘܚܫܲܚܬܵܐ ܝܠܵܗ ܠܲܠܒ݂ܵܫܵܐ ܐܵܦ ܓܵܘ ܒܹܝܬ ܛܵܘܣܹܐ ܕܕܲܘܠܵܬ݂ܵܐ.
ܐ݇ܡܸܪܹܗ ܡܝܲܩܪܵܐ ܡܘܪܝܼܣܸܢ:" ܐܲܘܵܐ ܦܵܝܪܸܣ ܬܲܡܘܡܹܐ ܝܠܹܗ ܦܩܵܕ݂ܵܐ ܝܠܹܗ ܩܵܢܘܢܹܐ ܦܪܝܼܫܹܐ ܕܓܵܢܹܗ، ܡܢ ܗܵܕܲܟ݂ ܘܵܠܹܐ ܥܠܲܢ ܕܬܲܡܸܡܲܚ ܕܵܟ݂ܝܼ ܡܛܲܝܒ݂ܲܚ ܓܵܢܲܢ ܕܡܲܟܠܲܚ ܠܹܗ".
ܒܗܵܘܝܼ ܚܲܕܟܡܵܐ ܦܘܼܚܵܠܹܐ ܠܘܵܠܝܼܬܵܐ ܕܨܲܚܨܲܝܬܵܐ، ܡܲܐܝܟ݂ ܦܲܠܵܚܹ̈ܐ ܐܲܩܡܵܝܹܐ ܡܢ ܐܲܬܪܵܘܵܬܵܐ ܕܠܵܐ ܝܼܠܲܝܗܝ ܩܸܢܛܵܝܹܐ ܕܐܝܼܬ ܥܲܣܩܘܬܵܐ ܠܲܡܛܵܝܵܐ ܠܕܘܟܵܢܹܐ ܕܨܲܚܨܲܝܵܬܵܐ، ܘܚܠܵܦ ܗܵܕܹܐ ܒܥܲܒ݂ܕܝܼ ܨܲܚܨܲܝܬܵܐ "ܦܪܝܼܫܬܵܐ".
ܡܸܢܝܵܢܵܐ ܥܸܠܵܝܵܐ ܕܡܲܛܝܵܢܹܐ ܡܢ ܬܹܒ݂ܝܼܠ ܒܦܵܝܸܫ ܡܘܒܨܸܪܪܵܐ ܗܠ ܝܲܪܚܵܐ ܕܫܒܵܛ
ܡܘܒܨܸܪܘܢ ܡܸܢܝܵܢܵܐ ܥܠܵܝܵܐ ܕܐܵܬܝܵܢܹܐ ܬܹܒ݂ܝܼܠܵܝܹܐ ܠܐܸܣܬܪܵܠܝܵܐ ܓܵܘ ܢܝܘ ܣܵܘܬ ܘܲܝܠܙ ، ܘܓܵܘ ܘܝܼܣܬܪܸܢ ܐܸܣܬܪܵܠܝܵܐ ܘܟܘܝܼܙܠܵܢܕ ܗܠ 50 ܐܲܡܘܢܹܐ.
ܒܒܵܨܸܪ ܡܸܢܝܵܢܵܐ ܥܸܠܵܝܵܐ ܠܡܲܛܝܵܢܹܐ ܠܢܝܘ ܣܘܬ ܘܝܠܙ ܠ 1505 ܦܲܪܨܘܦܹܐ ܒܟܠ ܫܵܒ݂ܘܥܵܐ، ܘܡܲܛܝܵܢܹܐ ܠܘܝܼܣܬܪܢ ܐܹܣܬܪܵܠܝܵܐ ܠ 512 ܦܲܪܨܘܦܵܐ ܟܠ ܫܵܒ݂ܘܥܵܐ، ܘܠܟܘܝܼܙܠܵܢܕ ܠ 500 ܦܲܪܨܘܦܹܐ ܒܟܠ ܫܵܒ݂ܘܥܵܐ.
ܐܘܚܕܵܢܵܐ ܕܦܝܼܟܬܘܪܝܵܐ ܒܬܲܡܸܡܵܐ ܣܲܩܒܘܠܹܐ ܡܸܢܝܵܢܵܐ ܗܠ 490 ܦܲܪܨܘܦܹܐ ܒܟܠ ܫܵܒ݂ܘܥܵܐ- ܘܝܗܘܵܐ ܡܘܒܨܸܪܵܐ ܡܸܢܝܵܢܵܐ ܒܩܵܕܡܬܵܐ ܒܵܬܲܪ ܦܪܵܣܵܐ ܕܠܲܦܵܐ ܬܪܵܝܵܢܵܐ ܕܟܘܪܘܢܵܐ ܦܵܝܪܸܣ ܓܵܘ ܐܘܚܕܵܢܵܐ.
ܣܘܙܓܸܪܹܐ ܡܘܬܒ݂ܵܐ ܕܘܲܙܝܼܪܹ̈ܐ ܐܲܬܪܵܝܵܐ ܠܐܲܝܵܐ ܡܲܒܨܲܪܬܵܐ ܗܠ 15 ܒܲܫܒܵܛ ܓܵܘ ܓ̰ܡܲܥܬܵܐ ܕܦܵܩܘܕܹܐ ܕܐܘܼܚܕܵܢܹܐ ܘܐܸܩܠܹܝܡܹܐ ܒܝܘܡܵܐ ܕܥܪܘܒ݂ܬܵܐ.
ܡܝܩܪܵܐ ܡܘܪܝܼܣܸܢ ܐ݇ܡܸܪܹܗ 80 ܐܲܡܘܢܹܐ ܡܢ ܐܸܣܬܪܵܠܵܝܹܐ ܡܣܘܓܠܹܐ ܒܲܪܵܝܹܐ ܝܠܲܝ ܓܵܘ ܐܲܬܪܵܘܵܬܵܐ ܕܝܼܠܹܗ ܡܘܒܝܸܢܵܗ ܦܸܨܠܵܐ ܚܲܕܬܵܐ ܕܟܘܪܘܢܵܐ ܦܵܝܪܸܣ ܓܵܘܲܝ.
ܘܐ݇ܡܸܪܹܗ:" ܐܝܼܬ ܪܵܒܵܐ ܡܸܢܕܝܵܢܹܐ ܠܵܐ ܝܼܕܝܼܥܹܐ ܘܦܘܫܵܟ݂ܹܐ ܠܐܲܘܵܐ ܦܸܨܠܵܐ ܚܲܕܬܵܐ، ܡܢ ܗܵܕܲܟ݂ ܟܗܲܝܡܸܢܲܚ ܕܐܲܘܵܐ ܕܘܒܵܪܵܐ ܚܲܕܬܵܐ ܝܠܹܗ ܨܦܵܝ ܪܵܒܵܐ."
ܪܹܫ ܡܸܫܬܲܐܠܵܢܹܐ ܕܚܘܠܡܵܢܵܐ ܦܘܿܠ ܟܲܝܠܝܼ ܐ݇ܡܸܪܹܗ: ܓ̰ܘܘܵܒ " ܥܲܣܩܵܐ ܘܓ̰ܲܠܕܹܐ ܘܚܲܝܠܵܢܵܐ" ܡܘܬܒ݂ܵܐ ܝܠܹܗ ܒܢܝܼܫܵܐ ܕܪܚܵܩܵܐ ܡܢ ܩܸܢܛܵܐ ܕܝܼܠܹܗ ܥܒ݂ܵܕܵܐ ܠܹܗ ܐܲܘܵܐ ܦܸܨܠܵܐ ܚܲܕܬܵܐ ܕܟܘܪܘܢܵܐ ܦܵܝܪܸܣ ܕܝܼܠܹܗ ܡܲܛܦܸܝܵܢܵܐ ܚܲܝܠܵܢܵܐ.
ܘܡܘܙܝܸܕܠܹܗ :" ܨܒܘܬܲܢ ܪܹܫܲܝܬܵܐ ܝܠܵܗ ܚܵܡܲܝܬܵܐ ܕܚܘܠܡܵܢܵܐ ܕܐܸܣܬܪܵܠܵܝܹܐ ܘܡܚܲܬܲܬܬܵܐ ܕܐܲܝܵܐ ܫܲܪܒܬܵܐ ܠܵܐ ܝܠܵܗ ܗܵܝ ܕܝܼܠܵܗ ܦܪܵܣܵܐ ܓܵܘ ܐܸܣܬܪܵܠܝܵܐ".
" ܣܵܒܲܒ ܝܠܹܗ ܒܗܵܘܹܐ ܪܵܒܵܐ ܥܲܣܩܵܐ ܕܫܲܠܛܸܢܲܚ ܥܠܹܗ."
ܕܲܗܵܐ ܡܒܵܬܲܪ ܟܠܲܝ ܦܲܠܵܚܹܐ ܓܵܘ ܕܘܟܵܢܹܐ ܕܦܪܲܫܓܵܢܵܐ ܚܘܠܡܵܢܵܝܵܐ ܒܦܲܝܫܝܼ ܨܘܚܨܹܝܹܐ ܝܲܘܡܵܐܝܼܬ݂.
ܘܵܠܹܐ ܠܝܲܗܠܹܐ ܕܦܪܵܚܵܐ ܬܹܒ݂ܝܼܠܵܝܹܐ ܕܥܲܒ݂ܕܝܼ ܨܲܚܨܲܝܬܵܐ ܥܲܠ ܟܘܦܝܼܕ-19 ܟܠ ܫܲܒ݂ܥܵܐ ܝܲܘܡܵܬܵܐ ܐܵܘ ܟܕ ܡܵܛܝܼ ܘܒܣܲܢܩܝܼ ܕܗܵܘܝܼ ܓܵܘ ܦܪܲܫܓܵܢܵܐ ܚܘܠܡܵܢܵܝܵܐ ܓܵܘ ܫܘܼܬܐܵܣܹܐ ܦܪܝܼܫܹܐ ܒܲܝܢܲܬ ܚܙܘܩܝܲܝ ܐܵܐܲܪ̈ܵܝܹܐ.
ܦܝܼܫܠܗܘܢ 38 ܐܲܠܦܹܐ ܐ݇ܢܵܫܹܐ ܡܣܘܓܠܹܐ ܗܵܫܵܐܝܼܬ ܓܵܘ ܘܙܝܼܪܘܬܵܐ ܕܒܲܪܵܝܘܬܵܐ ܘܬܲܓܵܪܘܬܵܐ ܒܵܥܝܼ ܕܕܲܥܪܝܼ ܡܢ ܒܲܪܵܝܹܐ.
