ܐܣܬܪܵܠܵܝܹܐ ܝܠܲܝ ܗܵܫܵܐܝܼܬ ܩܲܕܡ ܙܘܝܵܚܹܐ ܕܪܹܟܫ ܫܹܢ݇ܬܵܐ ܚܲܕܬܵܐ ܒܸܫ ܫܸܠܝܹܐ ܒܐܲܝܵܐ ܫܹܢܬܵܐ، ܥܡ ܠܐ ܟܠܲܝܬܵܐ ܕܩܵܘܕܹܐ ܕܟܘܪܗܵܢܵܐ ܕܟܘܪܘܢܐ ܦܵܝܪܸܣ ܓܵܘ ܣܵܗܡܵܐ ܙܘܕܵܐ ܕܦܸܢܝܵܬܵܐ ܕܐܲܬܪܵܐ.
ܪܵܒܵܐ ܡܢ ܡܛܲܐܠܝܵܬܵܐ ܕܢܘܪܵܐ ܦܝܼܫܠܗܘܢ ܡܘܟܠܹܐ، ܘܩܵܘܕܹܐ ܡܘܬܒ݂ܵܐ ܝܠܲܝ ܥܲܠ ܐܲܪܚܹܐ ܓܵܘ ܒܵܬܹܐ، ܘܐ݇ܡܪܘܢ ܠܐ݇ܢܵܫܹܐ ܕܠܵܐ ܢܲܫܩܝܼ ܘܚܲܦܩܝܼ ܐ݇ܚܹܪܢܹܐ ܒܥܸܕܵܢܵܐ ܕܙܝܵܚܬܲܝ ܒܲܦܪܵܩܬܵܐ ܕܫܹܢ݇ܬܵܐ ܕܙܕܘܿܥܬܵܐ ܠܪܵܒܵܐ ܐ݇ܢܵܫܹܐ.
ܥܲܡ ܗܘܵܝܬܵܐ ܕܪܵܒܵܐ ܩܵܘܕܹܐ، ܐܲܘܵܐ ܝܠܹܗ ܡܗܲܕܝܵܢܵܐ ܕܡܵܐ ܡܵܨܹܬ ܘܡܐ ܠܵܐ ܡܵܨܹܬ ܥܲܒ݂ܕܸܬܠܹܗ ܐܕܝܘܡ.
ܢܝܘ ܣܘܬ ܘܝܠܙ
Source: SBS News
ܡܦܘܚܠܹܐ ܝܢܵܐ ܐܵܢܝܼ ܫܲܟܢܵܢܹܐ ܕܦܢܝܼܬ݂ܵܐ ܝܲܪܘܩܬܵܐ ܐܵܘ ܐܵܢܝܼ ܦܲܪܨܘܦܹܐ ܕܝܼܠܲܝ ܕܒ݂ܝܼܩܹܐ ܕܘܟܵܐ ܓܵܘ ܒܹܝܬ ܡܹܐܟ݂ܠܹܐ ܐܵܘ ܦܲܠܵܚܹܐ ܬܲܡܵܐ.
ܒܸܕ ܥܹܒ݂ܕܝܼ " ܦܢܝܼܬ݂ܵܐ ܙܲܪܕܹܐ" ܚܵܕܪܘܵܢܵܐ ܕ " ܦܢܝܼܬܵܐ ܝܲܪܘܩܬܵܐ."
ܡܕܲܒܪܵܢܘܬܵܐ ܕܚܘܠܡܵܢܵܐ ܕܢܝܘ ܣܘܬ ܘܲܝܠܙ ܠܵܐ ܝܠܹܗ ܡܩܵܘܕܵܐ ܥܲܠ ܫܲܟܢܵܢܹܐ ܘܣܲܚܒܸܪܵܢܹܐ، ܐܸܠܵܐ ܐܵܦ ܐ݇ܢܵܫܹܐ ܕܓ̰ܲܡܥܝܼ ܪܵܒܵܐ ܠܲܚܕ݂ܵܕܹܐ ܓܵܘ ܐܵܢܝܼ ܦܸܢܝܵܬܵܐ' ܙܲܪ̈ܕܹܐ ܒܦܲܝܫܝܼ ܡܘܪܸܚܩܸܐ ܡܢ ܦܘܿܠܝܼܣܹܐ.
ܐܸܢ ܕܝܼܗܘܸܬ ܚܲܝܵܢܵܐ ܓܵܘ ܡܕܝܼܢܬܵܐ ܕܣܝܼܕܢܝܼ ܟܓܘܒ݂ܪܬܵܐ ( ܕܚܵܒ݂ܫܵܗ ܘܘܿܠܸܢܓܘܿܢܓ ܘܣܦܬܵܐ ܡܸܨܥܲܝܬܵܐ ܘܒܠܘ ܡܵܘܢܬܝܼܙ)، ܡܵܨܹܬ ܣܲܩܒܸܠܬ ܚܲܡܫܵܐ ܓܵܢܵܬܵܐ ܐܲܪܚܹܐ، ܘܡܸܢܲܝܗܝ ܫܲܒ݂ܪܹܐ ܐܵܘ ܝܵܠܕܹܐ ܙܥܘܿܪܹܐ، ܓܘ ܒܲܝܬܘܟ݂.
ܠܵܐ ܝܠܹܗ ܩܒܝܼܠܵܐ ܕܓ̰ܡܲܥܝܵܬܵܐ ܒܲܪܵܝܹܐ ܙܘܕܵܐ ܡܢ 30 ܦܲܪ̈ܨܘܿܦܹܐ' ܒܸܫ ܒܵܨܘܿܪܵܐ ܡܢ ܩܲܕܡܬܵܐ ܕܝܗܘܵܘ 50 ܦܲܪ̈ܨܘܿܦܹܐ.
ܚܲܝܵܢܹܐ ܕܡܲܪܙܵܢܹܐ ܓܲܪܒܝܵܝܹܐ ܢܘܪܬܪܢ ܒܝܓ̰ܣ ܒܦܲܝܫܝܼ ܬܚܘܬ ܦܘܼܩܕܵܢܹܐ ܩܸܫܝܹܐ ܕܦܲܝܫܝܼ ܓܵܘ ܒܲܝܬܵܐ ܗܠ ܠܵܐ ܒܵܨܘܪܵܐ ܡܢ 9 ܒܟܢܘܢ ܐ݇ܚܲܪܵܝܵܐ، ܘܥܲܡ ܗܵܕܹܐ، ܒܩܵܢܝܼ ܦܘܼܚܵܠܵܐ ܒܠܲܝܠܹܐ ܕܪܹܫܵܐ ܕܫܹܢ݇ܬܵܐ ܚܲܕܬܵܐ ܟܕ ܡܵܨܝܼ ܡܐܲܪܚܸܢܝܼ ܗܠ ܚܲܡܫܵܐ ܦܲܪ̈ܨܘܿܦܹܐ، ܘܡܸܢܲܝܗܝ ܫܲܒ݂ܪܹ̈ܐ ܓܵܘ ܒܝܬܵܐ ܡܢ ܥܲܝܢܵܐ ܕܦܢܝܼܬܵܐ.
ܐܢܝܼ ܚܲܝܵܢܹܐ ܕܦܢܝܼܬܵܐ ܬܲܝܡܢܵܝܹܐ ܘܐܵܘܵܢܹܐ ܓܵܘ ܬܪ̈ܘܲܝܢ ܦܸܢܝܵܬܵܐ ܕܢܘܪܬܪܢ ܒܝܓ̰ܣ ܡܵܨܝܼ ܕܡܐܲܪܚܝܼ ܠܵܐ ܙܘܕܵܐ ܡܢ ܚܲܡܫܵܐ ܦܲܪܨܘܿܦܹܐ ܘܡܸܢܲܝܗܝ ܝܵܠܕܹܐ ܙܥܘܪܹܐ، ܓܵܘ ܒܲܝܬܲܝ ܡܢ ܦܢܝܼܬܵܐ ܕܝܼܠܲܝ، ܘܠܵܐ ܡܵܨܝܼ ܕܣܲܩܒܠܝܼ ܐܲܪܚܹܐ ܡܢ ܡܕܝܼܢܬܐ ܕܣܝܼܕܢܝܼ ܓܘܒ݂ܪܬܵܐ.
ܡܲܫܬܝܹܐ ، ܒܹܝܬ ܡܹܐܟ݂ܠܹܐ ܘܐܵܘܵܢܹܐ ܓܵܘ ܬܪܘܲܝܢ ܦܸܢܝܵܬ݂ܵܐ ܕܢܘܪܬܪܢ ܒܝܼܓ̰ܣ ܒܦܲܝܫܝܼ ܦܬܝܼܚܹܐ ܩܵܠܐ ܫܩܲܠܐ݇ܙܵܠܵܐ ܠܚܘܿܕ݂ܵܐ.
ܒܲܪܵܝܹܐ ܕܣܝܼܕܢܝܼ ، ܚܙܝܼ ܥܲܡ ܡܘܬܒ݂ܵܐ ܕܡܕܝܼܢܬܐ ܕܘܟܬܵܢܵܝܵܐ ܕܚܵܙܸܬ ܡܵܐ ܝܠܲܝ ܡܕܘܒܪܹܐ ܘܡܵܐ ܩܵܘܕܹܐ ܘܡܗܲܕܝܵܢܘܬܵܐ ܐܝܼܬ ܗܵܫܵܐܝܼܬ.
ܟܘܝܼܙܠܵܢܕ
ܡܛܲܐܠܝܵܬܵܐ ܢܘܪܵܢܹܐ ܪܹܫܵܝܹܐ ܕܒܪܝܼܙܒܸܢ ܝܠܲܝ ܡܘܟܠܹܐ، ܡܲܪܬܝܵܢܘܬܵܐ ܝܠܵܗ ܩܵܐ ܐ݇ܢܵܫܹܐ ܬܲܡܵܐ ܕܠܵܐ ܗܵܘܹܐ ܢܫܵܩܵܐ ܘܚܦܵܩܵܐ ܕܢܘܟ݂ܪ̈ܵܝܹܐ.
ܪܸܫ ܡܸܫܬܲܐܠܵܢܹܐ ܕܚܘܠܡܵܢܵܐ ܕܐܘܚܕܵܢܵܐ ܕ. ܓ̰ܵܐܢܹܝܬ ܝܘܿܢܓ ܐ݇ܡܸܪܵܗ ܒܐܲܘܵܐ ܫܵܒ݂ܘܿܥܵܐ:" ܟܠܲܢ ܒܵܥܲܚ ܓܵܘ ܪܹܫ ܫܹܢ݇ܬܵܐ ܚܲܕܬܵܐ ܕܢܲܫܩܲܚ ܘܚܲܦܩܲܚ ܦܲܪ̈ܨܘܿܦܹܐ ܩܲܪܝܼܒ݂ܹܐ، ܐܵܢܵܐ ܟܡܲܚܫܸܚܲܢ ܕܬܲܚܡܘܬܘܢ ܐܲܝܵܐ ܠܚܲܒ݂ܪ̈ܵܢܹܐ ܩܲܪܝܼܒ݂ܹܐ ܘܗܲܕܵܡܹܐ ܕܒܲܝܬܘܬ݂ܵܐ،"
ܗܲܕܵܡܹܐ ܕܒܲܝܬܵܐ ܡܵܨܝܼ ܕܡܐܲܪܚܝܼ ܗܠ 50 ܐ݇ܢܵܫܹܐ ܘܡܸܢܲܝܗܝ ܒܢܲܝ ܒܲܝܬܘܬܵܐ ܒܓܵܢܲܝ.
ܘܓ̰ܡܲܥܝܵܬܵܐ ܒܲܪܵܝܹܐ ܗܠ 100 ܦܲܪ̈ܨܘܿܦܹܐ.
ܦܝܼܟܬܘܪܝܵܐ
ܡܢ ܫܵܥܬܵܐ 5 ܒܵܬܲܪ ܦܲܠܓܵܐ ܕܝܲܘܡܵܐ ܐܕܝܘܡ ܚܲܝܵܢܹܐ ܕܦܝܼܟܬܘܪܝܵܐ ܘܵܠܹܐ ܕܠܵܒ݂ܫܝܼ ܩܢܵܥܵܐ ܓܲܘܵܝܹܐ ܐܸܢ ܝܠܲܝ ܒܲܪܵܝܹܐ ܕܒܲܝܬܲܝ.
ܚܝܵܢܹܐ ܕܦܝܼܟܬܘܪܝܵܐ ܡܵܨܝܼ ܡܐܲܪܚܝܼ 15 ܦܲܪ̈ܨܘܿܦܹܐ ܠܚܘܕܵܐ ܓܵܘ ܒܵܬܲܝ ܥܲܡ ܡܣܒܨܲܪܬܵܐ ܕܓ̰ܡܲܥܝܵܬܵܐ ܓܵܘ ܒܵܬܹܐ ܗܠ 30 ܦܲܪ̈ܨܘܿܦܹܐ.
ܚܲܝܵܢܹܐ ܕܦܝܼܟܬܘܪܝܵܐ ܕܝܼܠܲܝ ܓܵܘ ܘܸܠܢܓܘܢܓ ܐܵܘ ܒܠܘ ܡܵܘܸܢܬܝܼܙ ܕܚܙܸܩܠܗܘܢ ܡܢ 27 ܒܟܢܘܢ ܩܲܕܡܵܝܵܐ ܡܸܬܗܲܘܝܵܢܬܵܐ ܕܦܲܝܫܝܼ ܡܐܘܠܝܸܨܹܐ ܕܡܲܟܠܝܼ ܕܘܒܵܪܹܐ ܕܝܼܠܲܝ ܩܵܐ ܪܹܫ ܫܹܢ݇ܬܵܐ ܚܲܕܬܵܐ ܘܘܵܠܹܐ ܕܕܲܥܪܝܼ ܠܦܝܼܟܬܘܪܝܵܐ ܩܲܕܡ ܫܵܥܬܵܐ 11.59 ܦܲܠܓܵܐ ܕܗܵܕ ܠܲܝܠܹܐ.
ܚܵܙܘܩܹܐ ܒܡܲܩܪܒ݂ܝܼ ܒܵܥܘܬܲܝ ܕܩܵܢܝܼ ܦܣܵܣܵܐ ܚܲܕܬܵܐ ܕܚܙܵܩܵܐ ܠܲܕܥܵܪܬܵܐ، ܘܥܒ݂ܵܕܵܐ ܕܨܲܚܨܲܝܬܵܐ ܒܡܸܬܚܵܐ ܕ24 ܫܵܥܵܬܵܐ، ܘܦܪܲܫܓܵܢܵܐ ܓܵܘ ܒܲܝܬܵܐ ܠܡܸܬܚܵܐ ܕ14 ܝܲܘܡܹ̈ܐ.
ܓܠܵܚܵܐ ܕܡܛܑܠܝܵܬܵܐ ܢܘܪܵܢܹܐ ܫܹܢܬܵܝܹܐ ܓܵܘ ܡܠܒܘܪܢ ܪܹܫܵܐ ܪܹܫܵܐ ܕܢܲܗܪܵܐ ܕ ܝܵܪܵܐ ܦܝܼܫܠܹܬ ܡܘܟܠܵܐ ܚܘܟܡܵܐ ܕܐܘܚܕܵܢܵܐ ܚܘܪܒܸܣܠܵܗ ܠܐ݇ܢܵܫܹܐ ܕܪܲܚܩܝܼ ܡܢ ܦܢܝܼܬܵܐ ܩܢܛܪܘܢܝܬܵܐ ܕܦܘܠܚܵܢܹܐ ܣܝܼ ܒܝܼ ܕܝܼ ، ܘܐ݇ܡܸܪܹܗ ܚܘܟܡܵܐ ܐܵܢܝܼ ܕܝܼܠܲܝܗܝ ܕܒ݂ܝܼܩܹܐ ܕܘܟܵܐ ܓܵܘ ܐܵܘܵܢܹܐ ܓܘ ܡܕܝܼܢܬܐ ܡܵܨܝܼ ܕܥܲܒ݂ܪܝܼ ܬܲܡܵܐ.
ܒܹܝܬ ܡܲܫܬܝܹܐ، ܘܒܹܝܬ ܡܹܐܟ݂ܠܹܐ ܘܐܵܘܵܢܹܐ ܐ݇ܚܹܪܢܹܐ ܡܲܐܝܟ݂ ܒܹܝܬܣܡܵܟ݂ܹܐ ܠܲܝܠܵܝܹܐ ܒܗܵܘܝܼ ܦܬܝܼܚܹܐ، ܥܲܡ ܡܸܢܝܵܢܵܐ ܡܬܲܚܡܵܐ ܕܙܵܒ݂ܘܢܹܐ.
ܘܝܼܣܬܪܢ ܐܣܬܪܠܝܐ
ܒܗܵܘܹܐ ܚܲܕܟܡܵܐ ܓܠܵܚܹܐ ܕܡܛܑܠܝܵܬܵܐ ܢܘܪܵܢܹܐ ܓܵܘ ܟܠܹܗ ܐܘܚܕܵܢܵܐ ܡܢ ܫܵܥܬܵܐ 8 ܒܠܲܝܠܹܐ ܘܠܥܸܠ ܘܛܲܒܠܝܼܬܵܐ ܡܵܨܸܬ ܚܵܙܸܬ ܠܵܐ ܠܲܟ݂ܵܐ.
ܐܘܚܕܵܢܵܐ ܠܵܐ ܝܠܹܗ ܡܬܘܚܡܵܐ ܡܸܢܝܵܢܵܐ ܕܦܲܪ̈ܨܘܿܦܹܐ ܕܡܵܨܝܼ ܓ̰ܲܡܥܝܼ ، ܐܸܠܵܐ ܠܵܐ ܗܵܘܹܐ ܙܘܕܵܐ ܡܢ ܚܲܕ ܦܲܪܨܘܿܦܵܐ ܓܵܘ ܟܠ ܬܪܹܝܢ ܡܝܼܬܪܹܐ ܡܪܲܒܥܹܐ.
ܣܵܘܬ ܐܸܣܬܪܵܠܝܵܐ
ܡܛܲܐܠܝܵܬܵܐ ܢܘܪܵܢܹܐ ܡܘܟܠܹܐ ܝܼܠܲܝ ܓܵܘ ܐܲܕܹܝܠܵܝܕ ܐܸܠܵܐ ܒܗܵܘܝܼ ܚܲܕܟܡܵܐ ܓܵܘ ܡܘܬܒ݂ܹܐ ܕܡܕܝܼܢܵܬܵܐ ܕ ܡܘܿܪܵܐܝ ܒܪܝܼܓ̰، ܘܵܝܵܐܠܠܵܐ، ܦܝܼܟܬܘܪ ܗܵܐܪܒܲܪ ܘ ܦܘܿܪܬ ܠܝܼܢܟܘܠܢ.
ܓ̰ܡܲܥܝܵܬܵܐ ܓܵܘ ܒܵܬܹܐ ܗܠ 50 ܦܲܪܨܘܦܹܐ ܡܵܨܝܼ ܕܓ̰ܲܡܥܝܼ' ܥܲܡ ܡܵܣܲܡܬܵܐ ܕܒܵܠܵܐ ܕܗܵܘܹܐ ܚܲܕ ܦܲܪܨܘܦܵܐ ܟܘ ܟܠ ܬܪܹܝܢ ܡܝܼܬܪܹܐ ܡܪܲܒܥܹܐ.
ܗܠ 200 ܐ݇ܢܵܫܹܐ ܡܵܨܝܼ ܕܓ̰ܲܡܥܝܼ ܓܵܘ ܐܵܘܵܢܹܐ ܩܵܐ ܙܘܼܝܵܚܵܐ ܦܲܪܨܘܦܵܝܵܐ، ܐܸܢ ܕܒ݂ܩܝܼ ܒܫܲܪܛܵܐ ܕܡܬܪܵܐ ܡܪܲܒܥܵܐ.
ܓܠܹܐܠܹܗ ܪܹܫ ܘܙܝܼܪܹܐ ܕܣܘܬ ܐܣܬܪܵܠܝܵܐ ܕܬܚܘܡܹܐ ܒܦܵܝܫܝܼ ܕܒ݂ܝܼܪܹܐ ܩܲܕܡ ܚܲܝܵܢܹܐ ܕܢܝܘ ܣܘܬ ܘܝܠܙ ܡܢ ܦܲܠܓܵܐ ܕܠܲܝܠܹܐ ܕܚܲܡܸܫܒܫܲܒܵܐ.
ܒܗܵܘܹܐ ܦܢܝܼܬܵܐ ܦܪܝܼܫܬܵܐ 100 ܟܝܼܠܘܡܬܪܹܐ ܩܵܐ ܫܲܟܢܵܢܹܐ ܚܲܝܵܢܹܐ ܕܦܸܢܝܵܬܵܐ ܚܹܕܪ̈ܘܵܢܵܐ ܕܬܚܘܡܹܐ، ܘܒܗܵܘܹܐ ܚܲܕܟܡܵܐ ܦܣܵܣܹܐ ܠܥܲܡܪܵܢܹܐ ܕܐܘܚܕܵܢܵܐ ܕܝܼܠܲܝ ܕܥܵܪܵܐ، ܐܵܘ ܐܵܢܝܼ ܕܚܵܙܩܝܼ ܐܲܡܝܼܢܵܐܝܼܬ ܐܵܘ ܚܵܙܘܩܹܐ ܐܸܣܵܝܹܐ.
ܐܸܠܵܐ ܥܲܡ ܗܵܕܹܐ ܒܣܲܢܩܝܼ ܕܦܲܪܫܝܼ ܓܵܢܲܝ ܠܡܸܬܚܵܐ ܕ14 ܝܲܘܡܹܐ.
ܬܲܣܡܵܢܝܵܐ
ܡܙܲܝܸܚܵܐ ܗܘܿܒܵܐܪܬ ܒܪܹܫ ܫܹܢ݇ܬܵܐ ܚܲܕܬܵܐ ܒܲܓܠܵܚܵܐ ܕܡܛܲܐܠܝܵܬܵܐ ܢܘܪܵܢܹܐ ܒܫܵܥܬܵܐ 9:30 ܒܪܲܡܫܵܐ ܘܒܦܲܠܓܵܐ ܕܠܵܝܠܹܐ ܓܵܘ ܢܲܗܪܵܐ ܕܕܹܝܪܘܸܢܬ. ܐܲܝܵܐ ܫܹܢ݇ܬܵܐ ܓܠܵܚܹܐ ܕܡܛܲܐܠܝܵܬܵܐ ܢܘܪܵܢܹܐ ܒܗܵܘܝܼ ܒܸܫ ܙܵܘܕܵܐ ܡܢ ܥܝܵܕ݂ܵܐ ܘܒܗܵܘܝܼ ܡܸܬܚܲܙܝܵܢܹܐ ܡܢ ܕܘܟܵܢܹܐ ܦܪܝܼܫܹܐ.
ܬܫܣܡܵܢܝܵܐ ܐܝܼܬܠܵܗ ܫܣܪܛܵܐ ܕܬܪܹܝܢ ܡܝܼܬܪܹܐ ܡܪܲܒܥܹܐ، ܐܸܠܵܐ ܬܚܘܡܵܐ ܥܠܵܝܵܐ ܕܓ̰ܡܲܥܝܵܬܵܐ ܕ 250 ܦܲܪ̈ܨܘܿܦܹܐ ܠܡܹܫܛܵܚܵܐ ܠܵܐ ܦܠܝܼܓܵܐ ܓܵܘ ܐܵܘܵܢܹܐ ܓܲܘܵܝܹܐ.
ܒܲܪܵܝܹܐ ܡܵܨܝܼ 1.000 ܦܲܪ̈ܨܘܿܦܹܐ ܡܵܨܝܼ ܕܓ̰ܲܡܥܝܼ ܓܵܘ ܕܘܟܵܢܹܐ ܐܵܘ ܡܘܠܟܵܢܹܐ.
ܐܸܩܠܹܝܡܵܐ ܕܐܲܪܫܟ݂ܲܝܬܵܐ ܐܸܣܬܪܵܠܲܝܬܵܐ
Hobart City fireworks Source: Hobart City Council
ܠܵܐ ܗܵܘܹܐ ܓܠܵܚܵܐ ܕܡܛܲܐܠܝܵܬܵܐ ܢܘܪܵܢܹܐ ܒܐܲܝܵܐ ܫܹܢ݇ܬܵܐ ܓܵܘ ܐܣܪܫܟ݂ܲܝܬܵܐ ܕܐܸܣܗܪܵܠܝܵܐ ܠܫܹܢ݇ܬܵܐ ܬܪܲܝܵܢܝܼܬܵܐ ܒܵܬܲܪ ܚܕ݂ܵܕ݂ܹܐ ( ܒܫܹܢܬܵܐ ܕܥܒ݂ܸܪܵܗ ܦܝܼܫܠܗܘܢ ܡܘܟܠܹܐ ܡܣܲܒܲܒ ܕܝܘܩܕܵܢܹܐ ܕܥܵܒ݂ܹܐ).
ܚܠܵܦ ܗܵܕܹܐ، ܚܘܪܒܹܣܹܐ ܝܠܲܝ ܐ݇ܢܵܫܹܐ ܕܙܲܝܸܚܝܼ ܓܵܘ ܒܹܝܬ ܡܹܐܟ݂ܠܹܐ ܕܘܟܬܵܢܵܝܹܐ ܥܲܡ ܓܠܵܚܹܐ ܕܒܲܗܪܹܐ ܙܘܝܵܚܵܝܹܐ ܒܕܘܟܵܢܹܐ ܦܪܝܼܫܹܐ.
ܓܵܘ ܐܸܩܠܹܝܡܵܐ ܕܐܲܪܫܟ݂ܲܝܬܵܐ ܐܣܬܪܵܠܝܬܵܐ ܠܝܼܬ ܩܵܘܕܹܐ ܥܲܠ ܡܸܢܝܵܢܵܐ ܕܣܲܚܒܸܪܵܢܹܐ ܕܡܵܨܝܼ ܕܣܲܩܒܠܝܼ ܐ݇ܢܵܫܹܐ ܓܵܘ ܒܵܬܲܝ.
ܓ̰ܡܲܥܝܵܬܵܐ ܒܲܪܵܝܹܐ ܓܵܘ ܟܵܐܢܒܹܝܪܵܐ ܡܬܘܚܡܹܐ ܝܼܠܲܝ ܠ 500 ܦܲܪ̈ܨܘܿܦܹܐ ܠܵܐ ܒܸܫ ܙܘܕܵܐ، ܥܲܡ ܡܲܣܲܡܬܵܐ ܕܒܵܠܵܐ ܥܲܠ ܫܲܪܛܵܐ ܕܡܝܼܬܪܵܐ ܡܪܲܒܥܵܐ.
ܐܸܩܠܹܝܡܵܐ ܓܲܪܒܝܵܝܵܐ
ܠܝܼܬ ܬܚܘܡܵܐ ܠܟܡܵܐ ܐ݇ܢܵܫܹܐ ܡܵܨܝܼ ܕܓ̰ܲܡܥܝܼ ܓܲܘܵܝܹܐ ܕܒܵܬܹܐ ܓܵܘ ܐܸܩܠܹܝܡܵܐ ܓܲܪܒܝܵܝܵܐ، ܐܸܠܵܐ ܡܘܚܫܲܚܬܵܐ ܝܼܠܵܗ ܕܦܲܝܫܝܼ ܐ݇ܢܵܫܹ̈ܐ ܪܸܚܩܵܐ ܡܸܚܕ݂ܵܕ݂ܹܐ 1.5 ܡܟܝܼܬܪܹܐ ܡܢ ܦܲܪܨܘܦܹܐ ܕܠܵܐ ܝܼܠܲܝ ܚܝܵܢܹܐ ܥܲܡܲܝ ܒܟܠܲܝ ܥܸܕܵܢܹܐ.
