ܛܘܥܵܡܵܐ ܕܟܘܪܘܢܐ ܦܵܝܪܸܣ ܓܵܘ ܐܣܬܪܵܠܝܵܐ: ܐܝܼܡܢ ܡܵܨܲܚ ܫܲܩܠܲܚ ܠܹܗ ܘܕܵܟ݂ܝܼ ܒܡܵܛܹܐ ܠܟܠܝ ܫܵܘܬܵܦܝܵܬܵܐ؟

ܛܒܹܐ ܕ ܐܣ ܒܝܼ ܐܣ ܡܦܵܫܘܩܹܐ ܠܵܗ ܓܘܒܵܝܹܐ ܬܠܵܬ݂ܵܐ ܕܛܘܥܵܡܹܐ ܕܚܘܟܡܵܐ ܦܝܼܕܪܠܝܐ ܡܦܪܘܝܹܐ ܠܹܗ ܓܵܘܲܝܗܝ ܘܐܠܨܵܝܘܬܐ ܕܫܘܬܦܬܐ ܫܪܟܬܐ ܕܟܠܝ ܐܣܬܪܠܝܐܹ ܓܘ ܡܫܪܝܬܐ ܕܡܐܙܠܬܐ ܕܛܘܥܵܡܵܐ.

Australia is due to roll out a vaccine in 2021. Source: SBS News

ܝܗܘܐ ܠܐ ܣܒܝܼܪܐ ܓ̰ܠܕܘܬܐ ܕܡܛܘܪܝ ܛܘܥܵܡܹܐ ܪܒܐ ܕܘܠܵܬܐ ܓܘ ܥܠܡܐ.

ܝܗܒ݂ܠܠܵܗ ܒܪܝܼܛܢܝܐ ܘܐܘܚܕܵܢܐ ܡܚܝܕܐ ܕܐܡܝܪܟܐ ܩܒܠܬܐ ܣܙܓܪܬܐ ܥܪܝܼܨܬܐ ܥܠ ܛܘܥܵܡܵܐ Pfizer / BioNTech -   ܘܗܵܕܝܵܐ ܛܘܥܵܡܵܐ Moderna   ܓܘ ܐܘܚܕܢܹܐ ܡܚܝܕܹܐ ܕܐܡܝܪܟܐ  ܥܡ ܫܪܝܬܐ ܕܟܢܘܫܝܹܐ ܡܚܝܼܠܹܐ ܡܚܵܝܵܐ ܘܫܩܵܠܵܐ ܛܘܥܵܡܵܐ.

ܘܥܡ ܙܝܕܬܐ ܕܛܦܝܬܐ ܕܟܘܦܝܕ-19  ܓܗ ܐܚܪܬܐ ܓܘ ܐܣܬܪܠܝܐ، ܫܒ݂ܩܠܗ ܪܒܐ ܕܡܒܩܪܝܼ ܐܝܡܢ ܡܫܪܹܐ ܛܘܥܵܡܵܐ ܠܟ݂ܐ.

ܚܘܟܡܐ ܦܝܼܕܪܠܝܐ ܡܘܢܝܸܚܠܗ ܠܥܡܐ ܘܐܡܪܗ ܚܕ ܛܘܥܵܡܵܐ ܒܕ ܡܵܛܹܐ ܩܪܝܼܒ݂ܐ ܘܡܫܘܪܹܐܠܹܗ ܚܘܟܡܐ ܚܕ ܕܘܒܪܐ ܟܠܢܵܝܐ ܠܦܠܓ݂ܬܵܐ ܓܘ ܪܘܒܥܐ ܩܕܡܝܐ ܕܫܢܬܐ 2021 ܐܠܐ ܠܝܼܬ ܚܕ ܡܢܕܝܼ ܣܬܝܼܬܐ . ܐܘܐ ܡܐ ܕܝܕܥܚ ܠܗ ܗܫܐܝܼܬ.

ܠܡܐ ܠܐ ܣܘܙܓܪܵܗ ܐܣܬܪܠܝܐ ܥܠ ܚܕ ܛܘܥܵܡܵܐ ܗܠ ܗܕܝܐ؟

ܐܡܪܗ ܝܼܠܝܼܦܐ ܒܡܪܥܐ ܟܘܪܗܢܵܝܹܐ ܓܘ ܒܝܬ ܨܘܒܹܐ ܣܘܬ ܐܣܬܪܠܝܐ ܦܪܘܦܝܼܣܪ ܐܕܸܪܝܐܢ ܐܝܼܣܬܪܡܐܢ  ܦܘܢܵܝܵܐ ܝܗܘܵܐ ܣܢܵܝܸܬ  ܠܝܼܬ ܣܢܝܼܩܘܬܐ ܠܡܠܝܘܙܹܐ.

Allergic reactions to the Pfizer/BioNtech vaccine are said to be incredibly rare. Source: Photonews

ܐܡܪܗ ܐܠܨܝܬܐ ܝܠܵܗ ܠܕܟ݂ܵܪܵܐ ܕܛܘܥܵܡܵܐ Pfizer / BioNTech   ܓܘ ܒܪܝܼܛܢܝܐ ܘܐܘܚܕܵܢܐ ܡܚܝܕܹܐ ܕܐܡܝܪܟܐ ܡܘܚܙܹܐܠܗܘܢ "ܩܒܠܬܵܐ ܥܪܝܼܨܼܬܵܐ"،  ܘܡܥܢܵܝܘܗܝ ܡܫܩܠܐ ܬܠܝܼܬܵܝܵܐ ܡܢ ܢܣܝܘܢܹܐ ܠܐ ܝܗܘܐ ܦܪܝܼܩܵܐ ܗܠ ܗܵܕܝܵܐ،  ܐܠܐ ܣܢܝܼܩܘܬܐ ܝܗܘܐ ܒܫ ܓܘܒ݂ܪܬܐ ܡܢ ܣܒܵܪܵܐ.

ܘܐܡܪܗ: " ܠܐ ܝܠܐ ܥܝܵܕܝܬܐ ܡܦܠܘܚܹܐ  ܗܕܟ݂ܵܐ ܥܪܝܼܨܘܬܐ ، ܐܠܐ ܡܣܒܒ ܕܘܠܵܬܵܐ ܡܐܝܟ݂ ܡܠܟܘܬܐ ܡܚܘܝܕܬܐ ܘܐܘܚܕܵܢܹܐ ܡܚܣܕܹܐ ܕܐܡܝܪܟܐ ܘܥܡ ܐܢܝܼ ܐܝܟܢܘܬܐ ܡܡܪܥܵܢܹܐ ܕܟܘܦܝܕ-19،  ܠܐ ܡܵܨܝܼ ܕܣܒܪܝܼ ܥܕܵܢܵܐ ܝܪܝܼܟ݂ܬܵܐ ܡܠܝܵܐܝܼܬ.. ܘܐܘܐ ܚܕ ܡܢܕܝܼ ܡܬܦܪܡܝܵܢܵܐ ܝܠܹܗ ܐܝܼܬ ܒܹܗ ܟܹܐܢܘܬ݂ܵܐ."

ܐܝܼܡܢ ܡܫܪܝܐ ܐܣܬܪܠܝܐ ܒܝܗܒ݂ܠܬܐ ܕܛܘܥܵܡܵܐ؟

 ܦܪܘܦܝܼܣܪ ܐܣܬܪܡܐܢ ܐ݇ܡܵܪܵܐ ܝܠܹܗ:" ܚܙܵܝܵܐ ܝܠܵܗ ܡܕܒܪܵܢܘܬܐ ܡܛܵܟܣܵܢܬܵܐ ( ܡܕܒܪܵܢܘܬܵܐ ܕܡܵܙܒܵܢܝܵܬܵܐ ܕܣܘܼܡܣܵܡܵܐ) ܕܣܒܪܵܗ ܕܗܵܘܹܐܠܵܗ ܦܘܼܠܵܛܹܐ ܕܢܸܣܘܢܹܐ ܟܠܢܵܐܝܼܬ، ܘܕܪܲܫܬܲܝܗܝ ܨܦܵܝ ܘܒܝܨܝܼܦܘܬܐ،  ܘܝܗܒ݂ܵܠܵܐ ܠܵܗ ܪܘܫܡܵܐ ܓܘܒ݂ܪܵܐ ܘܒܬܪ ܗܕܟ݂ ܡܫܪܲܝܬܵܐ ܒܛܘܥܵܡܵܐ"، ܐܝܐ ܗܘܐ ܩܕܡ ܕܠܵܗܝܼ ܗܘܵܘ ܛܦܵܝܵܬܵܐ ܡܸܫܬܲܢܝܵܢܹܐ ܓܘ ܣܝܼܕܢܝܼ.

ܣܒܝܼܪܬܐ ܝܠܵܗ ܕܗܵܘܹܐ ܛܘܥܵܡܵܐ ܕܦܵܐܝܙܲܪ ܘ ܒܵܝܘ ܢܬܹܝܟ Pfizer / BioNTech   ܒܝܵܪܚܵܐ ܕܐܵܕܲܪ 2021.

ܡܵܢܝܼ ܒܩܵܢܹܐ  ܠܛܘܥܵܡܵܐ ܩܕܡܵܝܵܐ؟                 

ܘܲܟܝܼܠܵܐ ܕܡܸܫܬܲܐܠܵܢܹܐ ܕܐܵܣܝܹܐ ܓܘܒ݂ܪܹܐ ܓܘ ܐܣܬܪܠܝܐ ( ܦܘܿܠ ܟܲܝܠܝܼ)   ܡܚܘܬܬܠܹܗ  ܕܒܕ ܡܫܵܪܝܼ ܝܗܒ݂ܵܠܵܐ ܐܲܝܡܵܐ ܛܘܥܵܡܹܐ ܒܚܕ ܣܘܕܵܪܵܐ ܒܝܵܗܠܹܐ ܐܝܼܬܠܗܘܢ ܩܕܝܼܡܵܝܘܬܵܐ،  ܘܡܬܒ݂ܬܐ ܕܣܵܒ݂ܹܐ ܘܐܵܢܝܼ ܕܐܝܼܬܠܗܘܢ ܡܲܪ̈ܥܹܐ ܐܸܣܵܝܹܐ ܐܢܝܼ ܩܲܕܡܵܝܵܐ.

ܘܐܡܪܹܗ ܐܢܝܼ ܕܝܼܠܲܝܗܝ ܩܕܡ ܩܢܛܵܐ ܕܛܦܵܝܬܵܐ ܒܦܝܪܣ، ܡܐܝܟ݂ ܦܲܠܵܚܹܐ ܓܘ ܚܘܠܡܵܢܵܐ ܘܪܵܥܝܘܬܐ ܕܣܵܒ݂ܹܐ، ܒܗܵܘܝ ܐܢܝܼ ܕܬܪܹܝܢ ܓܘ ܛܲܒܠܝܼܬܵܐ، ܘܒܬܪܲܝ ܒܐܵܬܝܼ ܦܲܠܵܚܹܐ ܓܘ ܚܠܡܬܹܐ ܕܥܪܝܼܨܵܬܵܐ ܘܦܲܠܵܚܹܐ ܐܸܣܲܝܹܐ.

ܐܲܝܡܵܐ ܛܘܥܵܡܹܐ ܡܘܚܫܸܚܹܐ  ܙܒ݂ܝܼܢܠܵܗ ؟

ܥܲܠ ܒܲܗܪܵܐ ܕܫܒ݂ܵܩܬܵܐ ܕܛܥܘܡܵܐ ܡܘܚܫܸܚܵܐ ܕܒܝܬ ܨܵܘܒܹܐ ܕܟܘܝܼܙܠܵܢܕ، ܐܝܼܬ ܬܠܵܬܵܐ ܓܘܒܵܝܹܐ ܩܕܡ ܚܘܟܡܐ ܐܣܬܪܠܝܐ. ܡܬܗܲܘܝܵܢܬܵܐ ܕܘܵܠܹܐ ܗܵܘܹܐ ܬܪܹܝܢ ܣܪܲܦܝܵܬܵܐ ܫܪܵܩܝܵܬܵܐ ܠܟܠ ܚܲܕ ܦܲܪܨܘܦܵܐ ܘܒܣܵܢܸܩ ܚܘܟܡܵܐ ܕܡܟܵܣܹܐ ܫܲܟܢܵܢܹܐ ܒܡܸܢܝܵܢܵܐ ܕ25 ܡܸܠܝܘܢܹܐ ܘܒܸܫ ܙܘܕܵܐ.

 

• AstraZeneca

Source: SBS News

ܩܛܸܥܠܹܗ ܚܘܟܡܵܐ ܦܘܣܩܵܢܵܐ ܐܘܐ ܝܲܪܚܵܐ  ܠܡܲܙܝܵܕܬܵܐ ܛܠܵܒܬܵܐ ܕܛܘܥܵܡܵܐ  AstraZeneca   ܡܢ ܒܝܬ ܨܘܒܹܐ ܕܝܐܸܟܣܦܘܿܪܕ ܡܢ 33.8 ܡܠܝܘܢܹܐ ܠ 53.8 ܡܠܝܘܢܹܐ ܫܪܵܩܝܵܬܵܐ.  ܐܲܘܵܐ ܛܘܥܵܡܵܐ ܠܵܐ ܗܸܠ ܗܵܕܝܵܐ ܣܘܙܓܪܹܗ ܥܠܹܗ ܒܚܲܕ ܕܘܟܵܐ، ܐܸܠܵܐ ܦܘܠܵܛܹܐ ܡܲܚܙܘܝܹܐ ܝܠܲܝ ܕܝܼܠܹܗ ܥܵܒ݂ܘܕܵܐ  ܒܫܲܘܝܵܐ ܡܛܵܝܵܐ ܝܠܹܗ ܠ 90 ܐܲܡܘܢܹܐ.

ܐܲܘܵܐ ܛܘܥܵܡܵܐ ܕܟܹܐ ܩܵܪܲܚ ܠܹܗ " ܢܵܩܘܠܵܐ  ܦܵܝܪܘܣܵܝܵܐ" . ܐܡܪܹܗ ܦܪܘܦܝܣܪ ܐܸܣܬܪܡܐܢ :" ܐܲܘܵܐ ܡܲܦܠܘܚܹܐ ܝܠܹܗ ܦܵܝܪܸܣ ܕܫܲܡܦܵܢܙܝܼ، ܘܠܵܐ ܝܠܹܗ ܚܸܪܒܵܐ، ܕܡܲܛܦܹܐܠܲܢ ܘܐ݇ܚܲܪܬܵܐ ܒܡܲܡܛܹܐ ܛܘܥܵܡܵܐ."

ܫܵܘܬܵܦܘܬܵܐ ܕܬܲܩܢܝܼܩܘܬܵܐ ܚܵܝܬܵܐ ܐܣܬܪܵܠܲܝܬܵܐ CSL  ܒܥܵܒ݂ܕܵܐ 50 ܡܸܠܝܘܢܹܐ ܫܪܵܩܝܵܬܵܐ ܡܢ ܐܲܘܵܐ ܓܘܒܵܝܵܐ  ܥܲܠ ܐܲܪܥܵܐ ܕܐܣܬܪܵܠܝܵܐ ܓܵܘ ܡܸܠܒܘܪܢ.  ܘܥܒ݂ܵܕܵܐܝܼܬ ܡܫܘܪܹܐܠܗܘܢ ܡܲܦܪܝܵܢܘܬܵܐ  ܐܠܐ ܘܵܠܹܐ ܕܣܒܪܝܼ AstraZeneca   ܕܫܵܩܠܝܼ ܣܲܙܓܲܪܬܵܐ ܩܒܵܠܬܵܐ ܪܘܫܡܲܝܬܵܐ ܩܲܕܡ  ܦܪܵܣܹܗ.

 

• Novavax

Source: SBS News

ܘܐܝܼܬ ܓܘܒܵܝܵܐ ܐ݇ܚܹܪܢܵܐ ܠܲܩܢܵܝܵܐ 51 ܡܸܠܝܘܢܹܐ ܫܪܵܩܝܵܬܵܐ ܡܢ ܛܘܥܵܡܵܐ ܕܫܵܘܬܵܦܘܬܵܐ Novavax   ܐܲܡܹܝܪܟܵܝܬܵܐ،  ܕܝܼܠܹܗ ܗܠ ܗܵܕܝܵܐ ܓܵܘ ܡܲܫܩܠܵܐ ܬܠܝܼܬ݂ܵܝܵܐ ܕܢܸܣܝܘܢܵܐ.

ܗܵܕܟ݂ܵܐ ܐ݇ܡܸܪܹܗ ܦܪܘܦܝܼܣܲܪ ܐܸܣܬܪܡܐܢ ܒܫܸܡܵܐ ܕ" ܛܥܘܡܵܐ ܕ ܦܪܘܬܝܼܢ" : ܐܘܪܚܵܐ ܡܓ̰ܘܪܒܬܵܐ ܣܒܝܼܪܬܐ ܕܦܵܝܸܫ ܩܒܝܼܠܐ ܘܣܘܙܓܸܪܵܐ ܥܠܹܗ ܒܚܕܵܐ ܥܕܵܢܵܐ ܒܐܲܝܵܐ ܫܹܢܬܵܐ ܚܲܕܬܵܐ.

ܘܡܘܙܝܸܕܠܹܗ :" ܡܫܘܪܹܐܠܗܘܢ ܗܵܫܵܐܝܼܬ  ܡܲܫܩܠܵܐ ܬܠܝܼܬ݂ܵܝܵܐ ܕܢܸܣܝܵܢܵܐ ܡܢ ܐܝܼܠܘܠ."

ܛ ܒܲܕܲܡ ܚܲܕܓܵܗ ܐ݇ܚܹܪܢܵܐ،  ܠܵܐ ܗܵܘܹܐ  ܩܲܕܡ ܐܝܼܕܵܐ ܒܲܠܟܸܬ ܠܵܐ ܒܵܨܘܪܵܐ ܗܠ ܝܲܪܚܵܐ ܕܝܵܪ ܐܵܘ ܚܙܝܼܪܲܢ ܡܢ ܫܹܢܬܵܐ ܐܲܬܝܵܢܬܵܐ."

 

• Pfizer/BioNTech

Source: SBS News

ܡܸܬܗܲܘܝܵܢܬܵܐ ܕܡܵܛܝܼ ܥܸܣܪܵܐ ܡܠܝܘܢܹܐ ܫܪܵܩܝܵܬܵܐ ܡܢ ܛܘܥܵܡܵܐ ܕ Pfizer / BioNTech -   ܕܝܼܠܲܝܗܝ ܒܫܲܘܝܵܐ ܕ ܥܵܒ݂ܘܕܘܬܵܐ  95٪  ܐܲܡܘܢܹܐ – ܒܡܵܛܝܼ ܠܡܲܪܙܵܐ ܕܐܣܬܪܵܠܝܵܐ ܩܲܕܡܵܝܵܐ.  ܬܲܩܢܝܼܩܘܬܵܐ ܕܐܲܘܵܐ ܛܘܥܵܡܵܐ  ܩܪܝܼܬܵܐ ܒܫܸܡܵܐ mRNA ، ܚܲܕܬܵܐܝܠܵܗ  ܘܠܵܐ ܝܠܵܗ ܡܘܦܠܲܚܬܵܐ ܩܕܡ ܗܵܕܝܵܐ ܠܲܡܛܵܘܘܪܹܐ ܚܲܕ ܛܥܘܡܵܐ.

ܐܸܠܵܐ ܐܵܦܸܢ ܡܘܚܙܹܐܠܹܗ ܥܵܒ݂ܘܕܘܬܵܐ ܐܲܘܵܐ ܛܥܘܡܵܐ، ܕܟܹܐ ܣܵܢܸܩ ܕܗܵܘܝܼ ܬܪܝܢ ܫܪܵܩܝܵܬܵܐ،  ܠܵܐ ܡܵܨܝܼ ܫܒ݂ܘܩ ܡܢ ܚܡܫܵܐ ܡܠܝܘܢܹܐ ܐܣܬܪܵܠܵܝܹܐ ܕܡܵܛܝܼ ܥܠܹܗ.

ܬܲܚܠܘܦܵܐ ܕܪܹܫ ܟܢܘܫܬܵܐ ܐܵܣܝܼܝܲܝܬܵܐ ܐܣܬܪܵܠܝܬܵܐ ܕܟܬܘܪ  ܟܪܝܼܣ ܡܘܿܝ ܐܡܪܹܗ  ܕܘܒܵܪܵܐ ܐܸܣܬܪܵܬܝܼܓ̰ܝܵܝܵܐ ܕܚܘܟܡܐ ܦܝܼܕܪܵܠܵܝܵܐ ܠܡܲܦܪܲܝܬܵܐ ܙܒ݂ܵܢܝܵܬܵܐ ܪܵܒܵܐ ܓܵܗܹ̈ܐ ܝܠܹܗ ܚܲܕ ܡܢܕܝܼ ܚܲܝܵܐ .

ܘܐܡܪܹܗ :" ܫܲܪܝܼܪܵܐܝܼܬ،  ܨܒܘܬܐ ܝܗܘܵܬ ܢܸܣܝܘܢܵܐ ܡܲܙܗܘܪܹܐ ܡܢ ܪܗܵܢܵܐ ܐܲܝܟ݂ ܐܘܡܬܵܐ ܕܡܵܨܝܵܐ ܡܲܛܝܵܐ ܠܛܘܥܵܡܹܐ ܕܣܒܝܼܪܬܐ ܝܠܵܗ ܕܗܘܝܼ ܢܨܝܼܚܹܐ." ܘܡܘܙܝܕܠܹܗ:" ܠܐ ܝܗܘܐ ܡܸܬܡܲܨܝܵܢܵܐ ܕܡܲܬܘܒ݂ܹܐ ܟܠܝ ܒܹܥܝܹܐ ܓܵܘ ܚܕܵܐ ܣܵܠܬܵܐ."

ܐܸܠܵܐ ܓܲܒܵܐ ܕܦܲܠܵܚܹܐ ( ܠܵܝܒܲܪ) ܐܡܪܹܗ ܕܐܝܼܬ ܬܠܵܬܵܐ ܣܲܙܓܲܪܝܵܬܵܐ ܬܓܵܪܵܝܹܐ ܡܸܬܡܲܨܝܵܢܹܐ ܘܐܢܝܼ ܠܐ ܡܵܠܝܼ،  ܒܗܵܝ ܣܲܙܓܲܪܝܵܬܵܐ ܕܵܘܠܵܝܹܐ ܒܸܫ ܨܦܵܝ ܝܠܲܝ ܕܗܵܘܹܐ ܚܲܡܫܑ ܐܵܘ ܐܸܫܬܵܐ ܣܲܙܓܲܪܝܵܬܵܐ.

 

ܠܐ ܝܠܵܗ ܥܲܣܩܵܐ ܢܛܵܪܬܵܐ ܕܛܘܥܵܡܵܐ  ܦܐܝܙܲܪ؟

ܐܹܝܢ.  ܘܵܠܹܐ ܕܦܵܝܸܫ ܢܛܝܼܪܵܐ ܓܵܘ ܕܲܪܓܵܐ ܕܩܪܝܪܘܬܐ 70 ܬܚܘܬ ܨܝܼܦܲܪ ܓܵܘ ܟܠܲܝ ܥܕܵܢܹܐ ܗܵܘ ܡܢܕܝܼ ܡܣܦܠܲܚܬܵܐ ܕܐܲܘܵܐ ܛܘܥܵܡܵܐ ܒܸܫ ܥܲܣܩܵܐ.

ܐ݇ܡܵܪܵܐ ܝܠܹܗ ܦܪܘܦܝܼܣܲܪ ܐܸܣܬܪܡܐܢ : " ܘܵܠܹܐ ܕܦܵܝܸܫ ܢܛܝܼܪܵܐ ܓܵܘ ܚܵܒ݂ܝܵܬܵܐ ܦܪܝܼܫܹܐ. ܟܹܐ ܕܵܡܝܼ ܕܣܲܢܕܘܩܹܐ ܕܬܲܠܓ݂ܵܐ ܐܸܠܵܐ ܐܲܢܝ ܟܚܲܒ݂ܫܝܼ ܢܲܝܬܪܘܓ̰ܝܼܢ ܫܸܚܠܵܐ ܕܫܵܒ݂ܸܩܠܹܗ ܩܲܪܝܼܪܵܐ ܪܵܒܵܐ.

The Pfizer/BioNTech vaccine must be kept at very cold temperatures. Source: Getty

ܘܥܲܠ ܒܘܩܵܪܵܐ ܕܐܸܢ ܕܝܼܠܹܗ ܚܫܵܒ݂ܵܐ ܐܣܬܪܵܠܝܐ ܡܵܨܝܵܐ ܕܡܥܲܡܠܵܐ ܥܲܡ ܐܲܘܵܐ ܣܘܼܝܵܦܵܐ ܠܘܓ̰ܝܼܝܣܬܵܝܵܐ ܙܵܘܕܵܢܵܐ، ܐܡܪܹܗ:" ܡܸܬܡܲܨܝܵܬܵܐ ܝܠܵܗ ܠܲܥܒ݂ܵܕܵܐ."

" ܡܫܲܕܪܵܐܠܹܗ ܫܲܘܬܵܦܘܬܵܐ ܕ Pfizer    ܒܟܠܵܗ ܐܣܬܪܵܠܝܵܐ ܓܵܘ ܐܢܝܼ ܣܲܢܕܘܩܹܐ ܬܲܠܓ݂ܵܝܹܐ ܦܪܝܼܫܹܐ. ܐܵܦܸܢ ܝܠܵܗ ܪܵܒܵܐ ܥܲܣܩܵܐ  ܡܣܲܒܲܒ ܛܠܵܒܝܵܬܵܐ ܕܫܸܫܸܠܬܵܐ ܕܡܵܩܘܪܹܐ، ܐܵܠܵܐ ܘܵܠܹܐ ܕܗܵܘܝܼ ܡܕܘܒܪܹܐ ܒܣܵܢܸܬܘܬܵܐ ܓܵܘ ܐܣܬܪܵܠܝܵܐ."  

ܠܵܐ ܝܠܵܬ ܡܸܬܡܲܨܝܵܢܬܵܐ ܡܲܦܪܲܝܬܵܐ ܕܛܘܥܵܡܹܐ ܕ  mRNA  ܡܲܐܝܟ݂ ܛܘܥܵܡܵܐ Pfizer / BioNTech    ܠܲܟ݂ܵܐ ܓܘ ܐܣܬܪܵܠܝܵܐ ܡܣܲܒܲܒ  ܐܝܼܬ ܒܵܗ ܚܲܕ ܦܸܨܠܵܐ ܚܲܕܬܵܐ ܕܬܲܩܢܝܼܩܘܼܬ݂ܵܐ ܬܲܟܢܘܠܘܓ̰ܝܵܐ.

ܐ݇ܡܸܪܲܗ ܦܪܘܦܝܣܲܪ ܐܸܣܬܪܡܐܢ :" ܐܝܼܬ ܨܵܒ݂ܵܬܵܐ ܥܲܠ ܡܨܲܝܬܲܢ ܠܲܨܢܵܥܵܐ ܛܘܥܵܡܹܐ  ܕ mRNA ܘܟܹܐ ܚܲܫܒ݂ܸܢ ܕܝܼܠܵܗ ܬܲܚܡܲܢܬܵܐ ܨܦܵܝ  ܐܸܢ ܗܘܹܐܠܹܗ ܟܘܪܗܵܢܵܐ ܒܕܲܥܬ݂ܝܼܕ."

ܡܐ ܒܪܹܐܠܹܗ  ܠ    ܛܘܥܵܡܵܐ ܕ  UQ / CSL؟

ܒܚܲܕ ܛܦܵܚܵܐ ܕܢܸܣܝܘܢܵܐ ܕܐܣܬܪܵܠܝܵܐ ܡܛܵܘܘܪܹܐ ܛܘܥܵܡܵܐ، ܡܐܘܠܝܸܨܠܵܗ ܒܹܝܬ ܨܵܘܒܹܐ ܕܟܘܝܙܠܵܢܕ ܘ CSL   ܠܲܓܪܵܫܵܐ ܓܵܢܲܝܗܝ ܡܢ  ܡܘܪܵܝܵܐ  ܐܲܘܵܐ ܝܲܪܚܵܐ ܒܵܬܲܪ ܡܵܐ ܡܘܚܘܹܐܠܹܗ  ܦܵܝܪܸܣ ܕܒܘܨܲܪ ܚܣܝܼܢܘܬܵܐ ܒܲܪܢܵܫܲܝܬܵܐ HIV  ܥܲܠ ܟܠܲܝ ܡܫܲܘܬܦܵܢܹܐ  ܓܵܘ ܢܸܣܝܘܢܵܐ ܕܫܩܸܠ ܠܲܝ ܫܪܵܩܬܵܐ.

ܐ݇ܡܸܪܹܗ ܦܪܘܦܝܼܣܲܪ Robert Booy ܡܢܲܣܝܵܐ ܕܡܲܪܥܹܐ ܡܲܛܦܸܝܵܢܹܐ ܡܢ ܒܹܝܬ ܨܘܒܹܐ ܕܣܝܼܕܢܝܼ :" ܠܝܼܬ ܗܘܵܐ ܩܸܢܛܵܐ ܕܗܵܘܸܐ ܣܒܲܒ ܕܲܛܦܵܝܬܵܐ ܕܦܵܝܪܸܣ ܒܘܨܲܪ ܚܣܝܼܢܘܬܵܐ ܒܲܪܢܵܫܲܝܬܵܐ."

" ܡܢܕܝܼ ܕܦܝܼܫܠܹܗ ܡܘܦܝܼܚܵܐ ܫܲܪܝܼܪܵܐܝܼܬ  ܝܗܘܵܐܝܼ ܚܲܕܫܲܥ ܦܪܘܬܝܼܢ. ܘܠܝܼܬ ܠܹܗ ܝܣܘܪܵܐ ܓܵܘ ܦܵܝܪܸܣ ܡܲܛܦܸܝܵܢܵܐ."

ܐܸܠܵܐ ܝܠܝܼܦܹܐ ܝܗܘܵܘ  ܫܓ݂ܝܼܫܹܐ  ܐܵܦܸܢ ܛܘܥܵܡܵܐ ܒܗܵܘܹܐ ܗܘܵܐ ܫܲܝܢܵܝܵܐ ܟܠܢܵܐܝܼܬ،  ܟܹܐ ܗܵܘܹܐ ܚܒ݂ܵܛܬܵܐ ܒܲܚܕܵܕܹܐ ܦܘܼܠܵܛܹܐ ܡܣܝܼܡܵܢܹܐ  ܚܸܠܛܵܐ ܕܒܘܨܲܪ ܚܣܝܼܢܘܬܐ ܒܲܪܢܵܫܲܝܬܵܐ ܥܲܡ  ܚܘܪܙܵܐ ܕܡܢܲܣܘܝܹܐ ܕܦܵܝܪܹܣ ܕܒܘܨܲܪ ܚܣܝܼܢܘܬܐ ܒܲܪܢܵܫܲܝܬܵܐ ܓܘ ܐܣܬܪܵܠܝܵܐ، ܘܫܸܩܠܵܐ ܕܕܒ݂ܵܚܵܐ ܕܕܸܡܵܐ، ܘܐܵܦ ܗܲܝܡܲܢܬܵܐ ܘܦܲܪܡܲܝܬܵܐ ܓܵܘܵܢܲܝܬܵܐ ܝܗܘܵܘ ܫܲܓ݂ܫܵܢܹܐ.

ܡܐ ܝܠܹܗ ܪܥܝܵܢܵܐ ܕܐܣܬܪܠܝܹܐ ܓܘ ܫܩܠܐ ܩܢܵܝܵܐ ܕܛܘܥܵܡܵܐ؟ 

ܩܵܐ ܕܗܵܘܝܵܐ ܣܥܲܝܬܵܐ ܕܡܛܥܘܡܹܐ ܢܲܨܝܼܚܬܵܐ، ܘܵܠܹܐ ܣܵܗܡܵܐ ܙܘܕܵܐ ܡܢ ܐ݇ܢܵܫܹܐ ܦܘܪܡܝܹܐ ܨܦܵܝ ܘܗܵܘܹܐܠܗܘܢ ܒܥܵܝܬܵܐ.

ܐܡܪܹܗ ܕܟܬܘܪ  Abhishek Verma ܐܵܣܝܵܐ ܓܵܘܵܢܵܝܵܐ ܡܢ ܡܠܒܘܪܢ،  ܒܵܬܲܪ ܡܵܐ ܕܡܘܥܒ݂ܸܪܹܗ ܣܵܗܡܵܐ ܙܵܘܕܵܐ ܡܢ ܫܹܢܬܵܐ ܠܡܲܒܨܲܪܬܵܐ ܕܙܕܘܥܬܵܐ ܕܲܡܪܝܼܥܹܐ ܕܝܼܠܹܗ ܥܲܠ ܟܘܦܝܼܕ-19 ܗܵܕܝܵܐ ܝܠܹܗ ܡܦܲܪܦܘܣܹܐ ܬܲܚܡܲܢܝܵܬܵܐ ܙܹܐܦܵܢܵܝܹܐ ܣܦܝܼܩܹܐ ܥܲܠ ܛܥܘܡܵܐ ܣܒܝܼܪܵܐ."  

ܐܝܼܬ ܗܵܘܐ ܪܵܒܵܐ ܒܘܩܵܪܹܐ ܥܲܠ ܛܘܥܵܡܹܐ، ܒܗܵܘܝܼ ܫܲܝܢܵܝܹܐ؟ ܒܗܵܘܝܼ ܐܲܠܝܼܨܹܐ،؟ ܒܗܵܘܝܼ ܩܸܢܛܵܝܹܐ؟ ܗܲܕܟ݂ܵܐ ܝܗܘܵܐ ܐ݇ܡܵܪܵܐ.

ܙܕܘܥܝܵܬܵܐ ܡܢ ܩܛܲܥܬܵܐ ܕܩܘܼܪܢܝܵܬܵܐ ܘܫܲܝܢܵܐ ܡܲܚܙܘܝܹܐ ܝܠܹܗ ܩܸܢܛܵܐ ܓܵܘ ܣܥܵܝܬܵܐ ܕܡܘܪܵܝܵܐ ܠܲܥܒ݂ܵܕܵܐ ܛܘܥܵܡܵܐ ܝܗܘܵܬ ܡܛܐܘܠܹܐ ܓܵܘ ܬܲܚܡܢܝܵܬܵܐ ܕܪܵܒܵܐ ܡܢ ܡܪܝܼܥܹܐ ܕܝܼܠܹܗ.

ܘܐܡܪܹܗ :" ܡܢܕܝܼ ܕܝܼܗܘܵܚ ܥܒ݂ܵܕܵܐ ܡܫܵܪܘܝܹܐ ܣܘܘܵܕܹܐ ܦܬܝܼܚܹܐ ܥܲܡ ܡܪܝܼܥܹܐ ܘܡܒܲܨܘܪܹܐ ܙܕܘܥܬܲܝܗܝ."

" ܡܢܲܣܘܝܹܐ ܗܘܲܚ ܕܫܲܩܠܲܚ ܐܢܝܼ ܦܘܪܣܲܬܹܐ ܘܡܲܕܟ݂ܘܪܹܐ ܒܘܝܵܢܹܐ ܕܝܼܗܘܲܚ ܩܢܵܝܵܐ ܠܲܝ ܡܢ ܘܙܝܼܪܘܬܐ ܕܚܘܠܡܵܢܵܐ ܫܒ݂ܘܩ ܡܢ ܢܸܣܝܘܢܹܐ ܥܒ݂ܸܕܵܝܹܐ ܕܐܲܣܝܘܬܐܵ، ܡܢܲܣܘܝܹܐ ܗܘܲܚ ܡܲܦܠܘܚܹܐ ܐܵܢܝܼ ܦܘܠܚܵܢܹܐ ܕܝܼܠܲܝ ܒܸܢܝܹܐ ܥܲܠ ܬܲܚܘܝܵܬܵܐ ܩܵܐ ܡܚܲܝܠܵܢܬܵܐ ܕܬܲܚܡܲܢܬܵܐ ܕܛܥܘܡܵܐ ܝܠܹܗ ܫܲܝܢܵܝܵܐ ܘܥܵܒ݂ܘܕܵܐ."

ܒܬܸܫܪܝܼܢ ܬܪܲܝܵܢܵܐ، ܚܙܹܐܠܹܗ ܚܲܕ ܦܘܢܲܝܥܲܡܵܐ ܥܒ݂ܝܼܕܵܐ ܒܝܲܕ ܒܹܝܬ ܨܘܒܹܐ ܐܲܬܪܵܝܵܐ ܐܣܬܪܵܠܵܝܵܐ ܥܲܠ 3061 ܐ݇ܢܵܫܹܐ ܓܘܒ݂ܪܹܐ ܐܣܬܪܵܠܵܝܹܐ 58.5 ܐܲܡܘܢܹܐ ܐܡܪܘܢ ܚܬܝܼܬܵܐܝܼܬ ܒܫܲܩܠܝܼ ܠܛܥܘܡܵܐ، ܐܸܫܬܵܐ ܐܡܘܢܹܐ ܐܡܪܘܢ ܚܲܬܝܼܬܵܐܝܼܬ ܕܠܵܐ ܫܲܩܠܝܼ ܠܹܗ.

 ܒܕ ܡܫܘܬܦܝܼ ܟܠܝܗܝ ܫܘܬܦܝܵܬܵܐ ܐܣܬܪܠܵܝܵܬܵܐ  ܓܘ ܥܡܠܝܼܬܐ ܕܡܛܥܘܡܹܐ؟

 ܕܟܬܘܪ ܦܝܼܪܡܵܐ Dr Abhishek Verma ܩܵܐ ܚܲܕܟܡܵܐ ܝܲܗܠܹܐ ܬܵܘܬܵܒ݂ܹܐ ܚܲܕܬܹܐ ، ܥܵܘܟܹܐ ܕܠܸܫܵܢܵܐ ܘܒܨܝܼܪܘܬ ܓܘܒܵܝܹܐ ܓܵܘ ܪܵܥܝܘܬܵܐ ܚܘܠܡܵܢܵܝܬܐ ܠܚܝܼܡܬܵܐ ܡܲܪܕܘܬܵܢܵܐܝܼܬ݂ ܡܲܥܢܵܝܘܗܝ ܝܠܵܗ ܡܲܪܚܲܩܬܲܝ ܡܢ ܫܩܲܠܝܵܗܒ݂ܵܐ ܘܣܘܘܵܕ݂ܵܐ.  

ܕܟܬܘܪ ܦܝܼܪܡܵܐ ܐ݇ܡܵܪܵܐܠܹܗ:" ܝܗܘܵܘ ܡܘܚܪܡܹܐ  ܡܢ ܙܸܕܩܲܝ ܒܚܲܕ ܦܸܨܠܵܐ ܘܥܲܣܩܵܐ ܝܠܵܗ ܥܒ݂ܵܪܬܵܐ ܓܵܘ ܚܘܦܵܛܹܐ ܓܵܘܵܢܵܝܹܐ ܘܪܵܥܝܘܬܵܐ ܫܲܪܘܵܝܬܵܐ.  ܡܢ ܗܵܕܲܟ݂ ܚܣܫܒ݂ܸܢ  ܐܢܝܼ ܐ݇ܢܵܫܹܐ  ܒܗܵܘܹܐܠܗܘܢ ܚܲܕܟܡܵܐ ܥܵܘܟܹܐ ܕܗܵܘܹܐ ܒܸܫ ܙܵܘܕܵܐ ܩܲܕܡ ܡܲܛܠܲܩܬܵܐ  ܐܢ ܠܵܐ ܩܢܹܐܠܗܘܢ ܝܲܕܥܵܬܵܐ ܡܢ ܡܲܒܘܥܹܐ ܣܲܚܝܼܚܹܐ."

 

ܚܙܹܐܠܵܗ  ܡܕܲܒܪܵܢܘܵܬܵܐ ܕܚܘܟܡܵܐ ܐܣܬܪܵܠܵܝܵܐ ܢܘܩܵܕܹܐ ܘܠܵܘܡܹܐ ܡܣܲܒܲܒ ܕܚܸܠܛܹܐ ܕܐܝܼܬ ܗܘܵܐ ܓܘ ܫܩܲܠܝܵܗܒ݂ܵܐ ܥܲܡ ܫܵܘܬܵܦܝܵܬܵܐ ܐܣܬܪܵܠܵܝܹܐ ܡܫܘܚܠܦܹܐ ܡܲܪܕܘܬ݂ܵܢܵܐܝܼܬ ܘܠܸܫܵܢܵܐܝܼܬ. ܡܢ ܬܲܪܓܲܡܬܵܐ ܚܸܪܒܵܐ ܘܣܢܝܼܩܘܬܵܐ ܠܲܫܩܲܠܝܵܗܒ݂ܵܐ ܥܲܡ ܡܲܡܸܬ݂ܠܵܢܹܐ ܡܲܪܕܘܬ݂ܵܢܵܝܹܐ، ܐܲܘܵܐ ܟܠܹܗ ܥܒ݂ܸܕܠܹܗ ܕܚܲܕܟܡܵܐ ܕܐܵܙܠܝܼ ܠܡܲܒܘܥܹܐ ܠܵܐ ܪܘܫܡܵܝܹܐ ܕܫܲܩܠܝܼ ܝܼܲܕܥܵܬܵܐ  ܥܲܠ ܦܵܝܪܸܣ.

ܐܡܪܹܗ ܥܐܕܠ ܣܲܠܡܐܢ ܡܨܵܘܬ݂ܵܢܵܐ ܡܗܲܡܙܡܵܢܵܐ ܒܫܸܡܵܐ ܕܡܲܘܬܒ݂ܵܐ ܡܘܫܠܡܵܢܵܐ ܓܵܘ ܦܝܼܟܬܘܪܝܵܐ، :" ܪܵܒܵܐ ܡܲܘܕܥܵܢܘܵܬܵܐ ܚܸܠܛܵܐ ܥܲܠ ܛܘܥܵܡܵܐ ܝܠܲܝܗܝ ܓܵܘ ܐܸܢܬܸܪܢܸܬ،  ܘܕܲܪܵܪܘܬܵܐ ܐܵܘ ܣܘܝܵܦܵܐ ܕܲܠܩܘܒ݂ܠ ܡܲܘܕܥܵܢܘܵܬܵܐ ܚܸܠܛܵܐ ܥܲܠ ܛܘܥܵܡܵܐ ܠܵܐ ܝܠܲܗ ܣܘܝܵܦܵܐ ܩܲܕܡ ܒܨܝܼܪܘܝܵܬ݂ܵܐ ܓܵܘ ܐܣܬܪܵܠܝܵܐ ܐܸܠܵܐ ܫܲܟܢܵܢܹ̈ܐ ܟܠܲܝ."

ܘܐܡܪܹܗ :" ܚܲܫܒ݂ܸܢ ܐܲܠܨܵܝܬܵܐ ܝܠܵܗ ܡܲܝܕܲܥܬܵܐ ܒܐܸܓܪܝܵܬܵܐ ܬܪܝܼܨܹܐ ܒܐܘܪܚܵܐ ܥܵܒ݂ܘܕܬܵܐ ܡܣܲܒܲܒ ܒܗܵܘܹܐ ܪܵܒܑܵܐ ܡܲܝܕܥܵܬܵܐ ܩܵܐ ܙܕܘܥܬܵܐ،  ܘܦܪܵܣܵܐ ܪܵܒܵܐ ܬܲܚܡܲܢܝܵܬܵܐ ܕ ܠܘܚܵܫܵܐ. ܐܲܚܢܲܢ ܣܢܝܼܩܹܐ ܗܘܲܚ ܕܡܚܹܬܸܬܲܚ ܕܐܢܝܼ ܐܸܓܲܪܝܵܬܵܐ ܕܡܵܨܝܼ ܥܲܒ݂ܕܝܼ ܠܟܠܲܝ ܐܵܢܝܼ . ܘܐܝܼܬܠܲܢ ܡܲܒܘܥܹܐ ܡܗܘܡܢܹܐ ܕܡܲܩܸܪܒ݂ܝܼ ܐܲܝܵܐ ܐܸܓܵܪܬܵܐ ܒܐܘܪܚܵܐ ܠܚܝܼܡܬܵܐ."

ܛܠܵܒܵܐ ܝܠܹܗ ܡܢ ܚܘܟܡܵܐ ܦܝܼܕܪܵܠܵܝܵܐ ܕܡܫܵܪܹܐ ܣܥܵܝܬܵܐ ܝܘܕܵܥܲܝܬܵܐ ܩܲܕܡ ܡܫܵܪܘܝܹܐ ܕܡܲܛܥܘܡܹܐ.

ܡܗܲܡܙܡܵܢܵܐ ܒܫܸܡܵܐ ܕܘܙܝܼܪ ܕܚܙܠܡܵܢܵܐ ܓܪܝܼܟ ܗܵܢܬ Greg Hunt  ܐܡܪܹܗ  ܩܵܐ SBS News    ܚܘܟܡܵܐ ܒܸܕ ܬܲܡܸܡ  ܫܩܲܠܝܵܗܒ݂ܵܐ ܘܛܠܵܒܵܐ ܡܵܠܘܟ݂ܘܬ݂ܵܐ ܘܦܘܩܵܕܹܐ ܡܢ ܛܘܟܵܣܹܐ ܣܲܓܝܼܡܲܪܕܘܵܬܵܐ ܘܡܵܪܲܝ ܗܸܢܝܵܢܵܐ  ܥܲܠ  ܡܲܥܡܲܠܬܵܐ ܥܲܡ ܟܘܓܦܝܼܕ-19  ܘܒܸܕ ܚܵܒ݂ܫܵܗ ܡܛܵܘܘܪܹܐ ܘܡܲܦܠܘܚܹܐ ܛܘܥܵܡܵܐ ܘܐܣܬܪܵܬܝܼܓ̰ܝܘܬܵܐ ܕܫܩܲܠܝܵܗܒ݂ܵܐ."

ܘܫܘܬܐܸܣܠܹܗ ܚܘܟܡܵܐ ܗܵܫܵܐܝܼܬ ܟܢܘܫܝܵܐ ܕܡܵܠܘܟ݂ܹܐ ܩܵܐ ܚܘܠܡܵܢܵܐ ܕܫܵܘܬܵܦܝܵܬܵܐ ܡܫܘܚܠܦܹܐ ܡܲܪܕܘܬ݂ܵܢܵܐܝܼܬ ܘܠܸܫܵܢܵܐܝܼܬ ܦܪܝܼܫܵܐ ܩܵܐ ܟܘܦܝܼܕ-19 ܗܵܘ ܕܓ̰ܡܹܥܠܹܗ ܠܓܵܗ ܩܲܕܡܲܝܬܵܐ ܒܐܲܘܵܐ ܝܲܪܚܵܐ.

 ܡܐ ܝܠܲܝܗܝ ܩܸܛܪܹܐ ܕܡܬܗܘܝܢܬܐ ܕܡܲܒܝܸܢܝܼ ܦܠܛܝܼ؟

 ܐ݇ܡܸܪܹܗ ܦܪܘܦܝܼܣܲܪ ܦܘܿܠ ܓܪܝܼܦܝܼܢ  Paul Griffin ܡܢܲܣܝܵܐ ܕܡܲܪܥܹܐ ܡܲܛܦܹܝܵܢܹܐ ܓܵܘ ܒܹܝܬ ܨܵܘܒܹܐ ܕܟܘܝܼܙܠܵܢܕ، ܡܸܬܗܲܘܝܵܢܬܵܐ ܡܫܵܪܲܝܬܵܐ ܕܛܘܥܵܡܵܐ ܓܵܘ ܐܣܬܪܵܠܝܵܐ ܗܵܘܝܵܐ ܥܲܣܩܵܐ.

ܘܐܡܪܹܗ :" ܚܲܫܒ݂ܸܢ ܚܸܠܡܲܬܹܐ ܠܘܓ̰ܝܼܣܬܵܝܹܐ، ܘܠܵܐ ܚܬܝܼܬܘܬܵܐ ܕܛܘܥܵܡܹܐ، ܝܠܲܝܗ ܬܪܹܝܢ ܨܒ݂ܘܵܬܵܐ ܪܹܫܵܝܹܐ ܕܒܸܕ ܚܵܙܲܚܠܗܘܢ ܕܐܵܙܠܲܚ ܠܲܩܵܕܡܵܐ. ܠܵܐ ܗܘܸܢ ܚܲܬܝܼܬܵܐ ܕܥܒ݂ܸܕܠܲܢ ܡܲܠܝܵܐܝܼܬ ܠܲܫܪܵܝܬܵܐ ܕܚܲܕ ܡܸܢܲܝܗܝ ܗܠ ܗܵܕܝܵܐ."

"ܒܗܵܘܹܐ ܚܹܠܡܲܬܹ̈ܐ ܠܘܓ̰ܝܼܣܬܵܝܹܐ ܥܲܣܩܵܐ ܪܵܒܵܐ ܠܵܐ ܗܲܝܡܸܢܲܚܠܗܘܢ. ܐܸܣܵܐܝܼܬ ܠܵܐ ܗܘܲܚ ܥܒ݂ܝܼܕܹܐ  ܒܩܲܕܡܬܵܐ ܚܲܕ ܡܢܕܝܼ ܐܲܝܟ݂ ܐܲܘܵܐ."

ܘܐܡܪܹܗ:" ܐܝܼܬܠܲܢ ܦܪܵܣܵܐ ܪܵܒܵܐ ܕܐܸܢܦܠܵܘܲܢܙܵܐ  ܐܸܠܵܐ ܐܲܘܵܐ ܐܝܼܬ ܒܹܗ ܐܘܪܚܵܬܵܐ ܡܫܘܚܠܦܹܐ ܠܡܲܡܛܲܝܬܵܐ ܕܛܘܥܵܡܵܐ ܠܐ݇ܢܵܫܹܐ ܘܗܠ ܗܵܕܸܝܵܐ ܠܵܐ ܫܘܼܪܸܪܠܲܢ ܡܸܨܥܹܐ ܕܒܵܥܲܚ ܚܵܙܲܚܠܗܘܢ ܥܲܡ ܛܘܥܵܡܹܐ ܕܟܘܦܝܼܕ-19."

" ܐܵܦ ܢܛܵܪܵܐ ܕܣܸܓ݂ܠܹܐ ܘܡܨܲܝܬܵܐ ܕܐ݇ܢܵܫܹܐ ܠܡܲܩܪܲܒ݂ܬܵܐ ܬܲܚܘܝܼܬܵܐ ܕܫܩܵܠܬܵܐ ܕܛܘܥܵܡܵܐ ( ܝܠܲܝ ܐܲܠܨܵܝܹܐ). ܛܥܘܡܹܐ ܕܝܼܗܘܲܚ ܣܒܵܪܵܐ ܕܡܫܵܪܲܚ ܒܲܝ ܝܠܲܝܗ ܠܵܐ ܒܵܨܘܪܵܐ ܡܢ ܬܪܹܝܢ ܫܪܵܩܝܵܬܵܐ، ܐܸܢ ܠܵܐ ܕܥܸܪܘܢ ܐ݇ܢܵܫܹܐ ܠܲܫܪܵܩܬܵܐ ܕܬܪܹܝܢ،  ܡܸܬܗܲܘܝܵܢܬܵܐ ܕܡܲܚܸܪܒ݂ܵܐ ܫܲܘܝܹܐ ܕܚܵܡܲܝܬܵܐ ܪܵܒܵܐ."

ܐܵܪܐ ܒܦܵܠܸܚ ܛܘܥܵܡܵܐ  ܘܗܘܹܐ ܡܢܬܝܵܢܐ؟

 ܐܡܪܹܗ ܕܟܬܘܪ ܡܘܿܝ  Dr Moy    ܐܝܼܬ ܣܢܝܼܩܘܬܵܐ  ܠܣܲܚܝܼܚܘܬܵܐ ܓܵܘ ܢܝܼܫܹܐ ܩܪܝܼܒ݂ܹܐ ܒܲܠܩܘܒ݂ܠ ܢܝܼܫܹܐ ܪܸܚܩܵܐ ܩܵܐ ܚܘܪܙܵܐ ܕܡܲܛܥܘܡܹܐ."

ܝܠܵܗ ܥܵܒ݂ܘܕܬܵܐ ܡܢ ܓܹܒܵܐ ܕܡܲܟܠܲܝܬܘܟ݂ ܡܢ ܛܦܵܝܬܵܐ ܒܡܲܪܥܵܐ، ܐܸܠܵܐ ܒܐܲܝܵܐ ܥܸܕܵܢܵܐ  ܠܵܐ ܗܘܲܚ ܚܲܬܝܼܬܹܐ  ܡܢ ܟܡܵܐ ܒܗܵܘܝܼ ܨܦܵܝ ܡܢ ܡܲܟܠܲܝܬܵܐ ܕܛܦܵܝܬܵܐ ܐܵܘ ܢܩܵܠܵܐ ܠܹܗ ܠܐ݇ܚܹܪܢܹܐ. ܡܢ ܗܵܕܲܟ݂، ܡܸܬܗܲܘܝܵܢܬܵܐ ܕܗܵܘܝܼ ܨܦܵܝ ܓܵܘ ܚܲܕ ܡܸܢܕܝܼ ܘܠܵܐ ܨܦܵܝ ܒܚܲܕ ܡܢܕܝܼ ܐ݇ܚܹܪܢܵܐ."

ܘܡܘܙܝܸܕܠܹܗ:"  ܐܲܚܢܲܢ ܠܵܐ ܗܘܲܚ ܡܢܵܣܘܝܹܐ  ܚܵܡܲܝܬܵܐ ܕܦܲܪܨܘܦܵܐ ܠܚܘܕܵܗ، ܐܸܠܵܐ ܡܢܵܣܘܝܹܐ ܗܘܲܚ  ܐܵܦ ܕܡܲܟܠܲܚ ܦܪܵܣܵܐ ܓܵܘ ܫܵܘܬܵܦܘܬܵܐ.  ܓܵܘܵܢܵܐܝܼܬ،  ܐܝܼܬ ܡܣܝܼܡܵܢܘܵܬܵܐ ܘܡܪܝܼܡܵܢܘܵܬܵܐ  ܠܟܠܲܝ ܛܘܥܵܡܹܐ ܘܐܝܼܬ ܚܲܕܟܡܵܐ ܡܸܢܕܝܵܢܹܐ  ܠܵܐ ܝܠܲܝ ܡܬܲܚܡܹܐ ܗܸܠ ܗܵܕܝܵܐ' ܐܲܝܟ݂  ܟܡܵܐ ܥܸܕܵܢܵܐ ܒܫܵܩܠܵܐܗ."

  ܐܝܼܡܢ ܒܝܼܲܕܥܲܚ ܒܫ ܙܘܕܐ؟

ܐ݇ܡܪܹܗ ܦܪܘܦܝܼܣܲܪ ܟܲܝܠܝܼ ܟܠܲܝ ܦܘܼܨܵܠܹܐ ܒܐܲܪܝܼܟ݂ܵܬܵܐ ܥܲܠ ܡܫܵܪܲܝܬܵܐ ܕܡܲܛܥܘܡܹܐ ܓܵܘ ܐܸܣܬܪܵܠܝܵܐ ܒܦܲܝܫܝܼ ܓܸܠܝܹܐ ܒܝܲܪܚܵܐ ܟܵܢܘܢ ܬܪܲܝܵܢܵܐ.

 

People in Australia must stay at least 1.5 metres away from others. Check your jurisdiction's restrictions on gathering limits. If you are experiencing cold or flu symptoms, stay home and arrange a test by calling your doctor or contact the Coronavirus Health Information Hotline on 1800 020 080.

News and information is available in 63 languages at sbs.com.au/coronavirus

Please check the relevant guidelines for your state or territory: NSW, Victoria, Queensland, Western Australia, South Australia, Northern Territory, ACT, Tasmania.