ܡܵܐ ܝܠܹܗ ܢܝܼܫܵܐ ܕܐܲܘܵܐ ܬܘܠܚܵܡܵܐ ؟
ܬܘܠܚܵܡܵܐ ܝܠܹܗ ܩܵܐ ܬܒ݂ܵܥܬܐ ܕܛܸܦܝܹ̈ܐ ܒܟܘܪܘܢܵܐ ܦܵܝܪܸܣ ܘܐܵܢܝܼ ܐ݇ܢܵܫܹ̈ܐ ܕܦܝܼܫܠܗܘܢ ܩܘܪܒܵܐ ܥܸܠܲܝܗܝ ܐܵܘ ܚܒ݂ܸܛܠܲܝܗܝ ܒܲܝܗܝ. ܡܵܨܝܼ ܕܝܵܕܥܝܼ ܦܲܪ̈ܨܘܦܹܐ ܕܚܒ݂ܸܛܠܗܘܢ ܐܵܘ ܩܪܸܒ݂ܠܗܘܢ ܡܢ ܚܲܕ ܛܸܦܝܵܐ ܒܦܵܝܪܸܣ، ܒܐܘܪܚܵܐ ܕܒܘܝܵܢܹ̈ܐ ܡܨܘܡܕܹܐ ܓܵܘ ܬܠܝܼܦܘܢ، ܟܲܕ ܡܵܛܝܼ ܠܡܸܫܬܲܐܠܵܢܹ̈ܐ ܕܨܵܚܘܬ݂ܵܐ ( ܚܘܠܡܵܢܵܐ).
ܩܪܵܒ݂ܬܐ ܒܸܕ ܡܣܵܓ݂ܠܵܐ ܐܸܢ ܦܲܪܨܘܦܵܐ ܝܼܗ݇ܘܵܐ ܩܲܪܝܼܒ݂ܵܐ ܒܵܨܘܪܵܐ ܡܢ 1.5 ܡܝܼܬܪܹ̈ܐ ܡܢ ܚܲܕ ܐ݇ܚܹܪܢܵܐ ܐܝܼܬ ܠܹܗ ܐܲܘܵܐ ܬܘܠܚܵܡܵܐ ܦܬܝܼܚܵܐ ܘܲܩܪܵܒ݂ܬܐܵ ܝܼܗ݇ܘܵܐ ܠܵܐ ܒܵܨܘܪܵܐ ܡܢ 15 ܕܲܩܝܼܩܹ̈ܐ.
ܡܣܵܓ݂ܘܠܹܐ ܓܵܘ COVIDSafe app ܝܠܵܗ ܚܹܐܪܬܵܐ. ܦܩܵܕܵܐ ܝܠܹܗ ܚܘܟܡܵܐ ܟܠܲܝܗܝ ܥܲܡܪ̈ܵܢܹܐ ܐܣܬܪ̈ܵܠܵܝܹܐ ܕܡܵܨܠܝܼ ܠܹܗ ܡܣܲܒܲܒ ܟܡܵܐ ܕܗܵܘܹܐ ܡܸܢܝܵܢܵܐ ܕܐܣܬܪ̈ܵܠܵܝܹܐ ܡܘܨܠܹܐ ܐܲܘܵܐ COVIDSafe app ܟܡܵܐ ܒܸܫ ܓ̰ܲܠܕܹ̈ܐ ܡܵܨܝܼ ܕܬܵܒ݂ܥܝܼ ܠܹܗ ܦܵܝܪܸܣ.
ܕܵܟ݂ܢ ܡܫܬܐܠܢܹ̈ܐ ܡܦܠܚܝܼܢ ܠܗ COVIDSafe app؟
COVIDSafe app ܦܝܼܫܠܹܗ ܥܒ݂ܝܼܕ݂ܵܐ ܩܵܐ ܡܲܠܝܵܙܬܵܐ ܕܕܘܒܵܪܵܐ ܥܝܵܕܵܝܵܐ ܒܡܵܫܟܲܚܬܐܵ ܕܐ݇ܢܵܫܹ̈ܐ ܕܗ݇ܘܵܝ ܗ݇ܘܵܘ ܚܒ݂ܝܼܛܹ̈ܐ ܘܩܲܪ̈ܝܼܒ݂ܹܐ ܡܢ ܚܲܕ ܛܸܦܝܵܐ ܒܟܘܦܝܕ-19. ܐܲܘܵܐ ܕܘܒܵܪܵܐ ܒܡܲܒܨܸܪ ܡܢ ܦܘܪܣܲܬ ܫܵܢܲܝܬܵܐ ܕܦܵܝܪܸܣ ܒܲܝܢܲܬ ܒܲܝܬ݂ܘܬ݂ܵܐ ܘܚܲܒ݂ܪ̈ܵܢܹܐ ܘܐ݇ܢܵܫܹ̈ܐ ܐ݇ܚܹܪܢܹܐ ܓܵܘ ܫܵܘܬܵܦܘܬܵܐ، ܘܚܲܕ ܠܐ ܝܵܕܸܥ.
ܠܵܐ ܡܵܨܝܼ ܡܸܫܬܲܐܠܵܢܹ̈ܐ ܕܨܵܚܘܬ݂ܵܐ (ܚܘܠܡܵܢܵܐ) ܕܐܘܚܕ݂ܵܢܹ̈ܐ ܘܐܸܩܠܹܝܡܹ̈ܐ ܕܥܲܒ݂ܪܝܼ ܠܒܘܝܵܢܹ̈ܐ ܕܐܲܘܵܐ ܬܘܠܚܵܡܵܐ ܐܸܠܵܐ ܐܸܢ ܚܲܕ ܛܸܦܝܵܐ ܒܦܵܝܪܸܣ ܘܩܵܒܸܠ ܕܚܵܙܝܼܠܗܘܢ ܡܵܘܕ̈ܥܵܢܘܵܬܵܐ ܓܵܘ ܬܠܝܼܦܘܢ ܕܝܼܠܹܗ. ܒܡܲܦܠܸܚܝܼ ܡܸܫܬܲܐܠܵܢܹ̈ܐ ܕܨܵܚܘܬ݂ܵܐ ܡܵܘܕ݂̈ܥܵܢܘܵܬܵܐ ܕܐܲܘܵܐ ܬܘܠܚܵܡܵܐ ܩܵܐ ܕܐܲܡܪܝܼ ܠܐܵܢ̈ܝܼ ܕܝܼܠܲܝܗܝ ܣܢܝܼܩܹ̈ܐ ܕܦܵܪܫܝܼ ܓܵܢܲܝܗܝ ܘܚܵܝܝܼ ܠܚܘܕܲܝܗܝ ܐܵܘ ܥܵܒ݂ܕܝܼ ܨܲܚܨܲܝܬܵܐ.
COVIDSafe app ܐܲܘܵܐ ܝܠܹܗ ܬܘܠܚܵܡܵܐ ܠܚܘܕܵܝܵܐ ܕܚܘܟܡܵܐ ܐܸܣܬܪܵܠܵܝܵܐ ܩܵܐ ܬܒ݂ܵܥܐ. ܩܵܐ ܒܸܫ ܙܵܘܕܵܐ ܡܵܘܕܥܵܢܘܬܵܐ ܣܲܚܒܸܪ ܠܫܵܘܦܵܐ ܕܘܲܙܝܼܪܘܬ݂ܵܐ ܕܨܵܚܘܬ݂ܵܐ (ܚܘܠܡܵܢܵܐ) the
ܡܐ ܡܘܕܥܢܘܬܐ ܦܪ̈ܨܘܦܝܐ ܒܗܵܘܝܼ ܡܫܵܘܬܦܹ̈ܐ ܓܘ COVIDSafe app Health Department website.؟
ܗܵܝܓܵܗ ܕܡܨܠܝܼܠܹܗ ܡܲܦܸܠܚܵܢܹ̈ܐ ܒܝܗܒ݂ܝܼ ܫܡܲܝܗܝ ، ܪܘܩܡܵܐ ܕܬܠܝܼܦܘܢ، ܘܪܘܩܡܵܐ ܒܲܪܝܼܕܵܝܵܐ ܘܡܓܵܒܝܼ ܒܐܲܝܡܵܐ ܥܘܡܪܵܐ ܝܠܲܝܗܝ. ܐ݇ܚܲܪܬܵܐ ܒܐܵܬܝܵܐܠܲܝܗܝ ܐܸܓܲܪܬܵܐ ܟܪܝܼܬܐ ܕܚܲܬܵܬܬܵܐ ܩܵܐ ܡܬܵܡܲܡܬܵܐ ܕܡܲܨܠܵܝܬܵܐ. ܘܛܘܟܵܣܵܐ ܒܫܲܬܐܸܣ ܪܸܡܙܵܐ ܡܲܒܘܥܵܝܵܐ ܦܪܝܼܫܵܐ.
COVIDSafe app ܒܝܵܕܸܥ ܬܠܝܼܦܘܢܹ̈ܐ ܐ݇ܚܹܪܢܹܐ ܕܐܝܼܬܠܗܘܢ ܐܵܦ ܐܵܢܝܼ COVIDSafe app ܘܦܬܝܼܚܹ̈ܐ ܒܠܘܼܬܘܼܬ݂. ܗܵܝܓܵܗ ܕܬܘܠܚܵܡܵܐ ܝܵܕܸܥ ܚܲܕ ܡܲܦܸܠܚܵܢܵܐ ܐ݇ܚܹܪܢܵܐ، ܒܣܵܓ݂ܸܠ ܣܝܼܩܘܡܵܐ، ܥܸܕܵܢܵܐ، ܪܸܚܩܵܝܘܼܬ݂ܵܐ ܘܡܸܬ݂ܚܵܐ ܕܥܸܕܵܢܵܐ ܕܩܪܵܒ݂ܬܵܐ ܡܢ ܪܸܡܙܵܐ ܡܲܒܘܼܥܵܝܵܐ ܕܗܵܘ ܡܲܦܸܠܚܵܢܵܐ ܐ݇ܚܹܪܢܵܐ. ܘܵܠܹܐ COVIDSafe app ܕܠܵܐ ܡܟܵܦܸܫ ܕܘܼܟܵܢܹ̈ܐ ܕܡܲܦܸܠܚܵܢܹ̈ܐ.
ܚܘܟܡܵܐ ܐܸܣܬܪܵܠܵܝܵܐ ܐ݇ܡܵܪܵܐ ܝܠܹܗ ܡܵܘܕܵܥܵܢ̈ܘܵܬ݂ܵܐ ܡܪܘܡܙܹܐ ܝܠܲܝܗܝ ܘܒܦܵܝܫܝܼ ܡܓ̰ܘܡܥܹ̈ܐ ܐܵܢ̈ܝܼ ܪܸ̈ܡܙܹܐ ܒܐ݇ܪܵܙܵܢܵܝܘܼܬ݂ܵܐ ܘܫܲܝܢܵܝܘܼܬ݂ܵܐ ܥܲܠ ܬܠܝܼܦܘܢ ܕܡܲܦܸܠܚܵܢܵܐ. ܘܡܵܘܕܥܵܢܘܬܵܐ ܕܚܒ݂ܵܛܬܵܐ ܩܪܵܒ݂ܬܵܐ ܡܨܘܡܕܹܐ ܓܵܘ ܬܠܝܼܦܘܢ ܕܦܪ̈ܨܘܦܹܐ ܒܦܵܝܫܝܼ ܫܝܼܦܹܐ ܒܵܬܲܪ 21 ܝܵܘܡܹ̈ܐ. ܐܲܘܵܐ ܡܸܬܚܵܐ ܝܠܹܗ ܚܒ݂ܵܫܵܐ ܡܸܬ݂ܚܵܐ ܕܩܦܵܝܬܵܐ ܕܦܵܝܪܸܣ ܟܘܦܝܼܕ -19 ܘܥܸܕܵܢܵܐ ܕܓܵܪܫܵܐ ܨܲܚܨܲܝܬܵܐ.
ܡܐ ܒܒܵܪܹܐ ܗܵܝܓܵܗ ܡܲܦܸܠܚܵܢܵܐ ܕܐܲܘܵܐ ܬܘܼܠܚܵܡܵܐ ܗܵܘܹܐ ܛܸܦܝܵܐ؟
ܗܵܝܓܵܗ ܕܦܲܪܨܸܦܝܼ ܚܲܕ ܛܸܦܝܵܐ ܒܟܘܦܝܼܕ-19 ، ܒܡܲܛܸܥܢܝܼ ܡܲܘܕ݂ܥܵܢܘܵܬܵܐ ܕܡܵܪܝ ܪܸܡܙܵܐ ܦܪܝܼܫܵܐ ܡܢ ܐܲܘܵܐ ܬܘܼܠܚܵܡܵܐ ܠܛܘܼܟܵܣܵܐ ܕܡܨܵܡܘܕܹܐ ܡܟܵܦܘܿܫܹܐ ܡܵܘܕܥܵܢܘܵܬܵܐ ܘܝܠܹܗ ܫܲܝܢܵܝܵܐ، ܐܸܢ ܝܵܗܒ݂ܸܠ ܡܲܦܸܠܚܵܢܵܐ ܦܣܵܣܵܐ.
ܡܸܫܬܲܐܠܵܢܹ̈ܐ ܕܨܵܚܘܼܬ݂ܵܐ ܓܘ ܐܘܼܚܕܵܢܹܐ ܘܐܸܩܠܹܝܡܹ̈ܐ ܒܥܲܒ݂ܕܝܼ:
- ܡܲܦܠܸܚܝܼ ܐܲܢܝܼ ܚܒ݂ܵܛܝܵܬܵܐ ܩܪܵܒ݂ܝܵܬܵܐ ܡܣܘܓ݂ܠܹ̈ܐ ܒܝܲܕ ܐܲܘܵܐ ܬܘܠܚܵܡܵܐ ܩܵܐ ܣܢܵܕܬܵܐ ܕܲܬܒ݂ܵܥܵܐ ܒܐܵܢ̈ܝܼ ܕܝܠܹܗ ܩܪܵܒ݂ܵܐ ܥܸܠܲܝܗܝ.
- ܩܪܵܝܵܐ ܦܲܨܨܘܦܹܐ ܩܐ ܡܲܝܕܲܥܬܲܝܗܝ ܐܵܘ ܐ݇ܢܵܫܘܵܬܲܝܗܝ/ ܡܣܝܼܡܵܢܵܐ ܕܒܵܠܐ ܥܠܲܝܗܝ ܕܡܸܬ݂ܗܵܘܝܵܢܬܵܐ ܝܠܵܗ ܕܛܦܹܐܠܗܘܢ.
- ܝܵܗܒ݂ܵܠܬܐ ܕܡܲܪܬܝܵܢܘܬܵܐ ܐܵܘ ܡܵܐ ܥܲܒ݂ܕܝܼ ܦܵܣܘܥܬܵܐ ܬܪܲܝܵܢܝܼܬܐ ܘܡܸܢܲܝܗܝ:
- ܕܵܟ݂ܝܼ ܡܵܣܡܝܼ ܒܵܠܵܐ ܘܠܡܵܐ.
- ܐܝܼܡܲܢ ܘܐܲܝܟܵܐ ܘܕܵܟ݂ܝܼ ܡܵܨܝܼ ܦܲܝܫܝܼ ܨܘܚܨܸܝܹܐ.
- ܡܵܐ ܥܵܒ݂ܸܕ ܐ݇ܢܵܫܵܐ ܩܵܐ ܚܵܡܲܝܬܵܐ ܕܚܲܒ݂ܪ̈ܵܢܹܐ ܘܒܢܲܝ ܒܲܝܬܘܼܬ݂ܵܐ ܕܠܐ ܛܵܦܝܼ.
- ܡܸܫܬܲܐܠܵܢܹ̈ܐ ܕܨܵܚܘܼܬ݂ܵܐ ܠܵܐ ܐܲܡܪܝܼ ܫܸܡܵܐ ܕܦܲܪܨܘܿܦܵܐ ܕܝܼܠܹܗ ܛܸܦܝܵܐ.
ܐܢܵܫܹ̈ܐ ܓܵܘ ܐܣܬܪܠܝܐ ܘܵܠܹܐ ܕܗܵܘܝܼ ܪܸܚܩܵܐ ܡܢܚܕ݂ܵܕܹ̈ܐ ܡܝܼܬܪܵܐ ܘܦܲܠܓܹܐ ܘܟܦܲܫܝܵܬ݂ܵܐ ܠܵܐ ܙܵܘܕܵܐ ܡܢ ܘܪܹ̈ܝܢ ܦܲܪ̈ܨܘܿܦܹܐ ܐܸܠܵܐ ܐܸܢ ܕܝܼܠܲܝܗܝ ܡܢ ܚܕܵܐ ܒܲܝܬ݂ܘܼܬ݂ܵܐ.
ܐܸܢ ܚܲܫܒ݂ܸܬ ܕܝܼܗܘܬ ܛܸܦܝܵܐ ܦܵܝܪܸܣ، ܩܪܝܼ ܠܐܵܣܝܵܐ ( ܠܵܐ ܐܵܙܠܸܬ) ܘܩܪܝܼ ܠܪܘܩܡܐ ܕܡܲܘܕܥܵܢܘܼܬ݂ܵܐ ܚܘܼܠܡܵܢܲܝܬܵܐ ܕܟܘܪܘܢܐ ܦܵܝܪܸܣ ܐܲܬ݂ܪܵܝܵܐ ܥܲܠ 1800 020 080 . ܐܸܢ ܐܝܼܬܠܘܿܟ݂ ܥܲܣܩܘܼܬ݂ܵܐ ܓܵܘ ܢܵܦܲܣ ܐܵܘ ܐܝܼܬܠܘܿܟ݂ ܐܲܝܟܲܢܘܼܬ݂ܵܐ ܐܵܣܝܵܝܬܵܐ ܥܲܪܝܼܨܬܵܐ، ܩܪܝܼ ܠܪܘܩܡܐ 000.
SBSܝܠܵܗ ܝܲܨܝܼܦܬܵܐ ܕܡܲܩܸܪܒ݂ܵܐܠܘܿܟ݂ ܡܲܘܕܥܵܢܘܵܬ݂ܵܐ ܠܟܠܲܝܗܝ ܟܢܘܼܫܝܹܐ ܡܫܘܼܚܠܦܹ̈ܐ ܥܲܠ ܛܘܼܘܵܪܹܐ ܚܲܕܬܹ̈ܐ ܕܟܘܦܝܼܕ-19. ܛܸܒܹܐ ܘܡܵܘܕܥܵܢܘܵܬ݂ܵܐ ܦܸܪܝܹܐ ܠܲܝܗܝ ܒ 63 ܠܸܫܵܢܹ̈ܐ ܓܵܘ ܫܵܘܦܵܐ .
