ܐܣܬܪܵܠܝܵܐ ܝܠܵܗ ܥܒ݂ܵܪܵܐ ܓܘ ܨܡܝܼܪܘܼܬ݂ܵܐܐܩܢܘܡܝܝܬܐ ܠܓܗ ܩܕܡܝܬܐ ܡܢ 29 ܫܢܹܐ- ܡܐ ܝܠܵܗ ܡܥܒܕܵܢܘܼܬܵܐ ܥܠܘܟ݂.

ܡܚܙܘܝܹܐ ܠܲܝ ܪܘܼܩܡܹܐ ܕܦܠܛܠܲܝܗܝ ܒܝܘܡܐ ܕܐܪܒܥ ܒܫܒܐ ܠܪܘܒܥܐ ܕܫܢܬܐ ܡܢ ܢܝܼܣܢ ܗܠ ܚܙܝܼܪܵܢ ܕ ܡܦܪܝܢܘܬܐ ܐܬܪܝܬܐ ܐܣܬܪܠܝܬܐ ܡܣܓܘܠܹܐ ܠܹܗ ܟܪܡܫܬܐ ܒܫ ܚܪܒܐ ܡܢ ܙܒ݂ܢܐ ܕܫܪܝܬܐ ܕܣܓܘܠܹ̈ܐ.

Australia's economy has suffered its sharpest quarterly drop since the Great Depression. Source: AP

ܥܒ݂ܪܵܐ ܠܵܗ ܐܣܬܪܵܠܝܐ ܒܨܡܝܼܪܘܬܐ ܩܕܡܝܬܐ ܡܢ 29 ܫܢܹܐ، ܟܕ ܒܨܪܹܗ ܡܦܪܝܢܘܬܐ ܐܬܪܝܬܐ ܟܠܵܢܲܝܬܐ ܒܪܘܒܥܐ ܕܚܙܝܼܪܵܢ 7 ܑܡܘܿܢܹܐ، ܘܝܠܵܗ ܗܵܝ ܨܡܝܼܪܘܬܐ ܒܫ ܓܘܒ݂ܪܐ ܗܠ ܗܕܝܐ.

ܐܬܵܝܵܐ ܝܠܹܗ ܪܒ݂ܪܵܒ݂ܵܐ ܡܪܝܼܡܵܢܵܐ ܒܵܬܲܪ ܒܨܵܪܬܵܐ ܒܫܘܝܐ  0.3 ܐܡܘܿܢܹܐ ܒܪܘܒܥܐ ܕܝܪܚܐ ܕܐܕܲܪ، ܥܡ ܚܲܫܒܲܢܬܵܐ ܕܪܘܼܩܡܹܐ ܚܕܬܹܐ ܕܡܥܒܕܵܢܘܼܬ݂ܵܐ ܟܠܵܢܲܝܬܵܐ ܥܠ ܐܩܢܘܡܝܐ، ܡܣܒܲܒ ܕܠܲܦܵܐ ܩܲܕܡܵܝܵܐ ܡܢ ܕܘܼܒܵܪܹܐ ܕܕܒ݂ܵܪܵܐ ܕܗܘܹܐܠܹܗ ܕܟܘܪܘܢܐ ܦܵܝܪܣ.

ܐܡܪܹܗ ܘܙܝܼܪ ܕܟܣܦܵܐ ܓ̰ܘܿܫ ܦܪܵܝܕܸܢܒܹܝܪܓ :" ܦܪܩܠܹܗ ܕܘܼܒܵܪܲܢ ܡܫܘܿܚܵܝܵܐ ܐܲܝܟ݂ ܐܘܼܡܬܐ ܡܢ 28 ܫܢܹܐ ܒܬܪ ܚܕ݂ܵܕ݂ܹܐ ܓܘ ܪܒ݂ܪܵܒ݂ܵܐ ܐܸܩܢܘܿܡܵܝܵܐ."

"ܡܚܬܘܿܬܹܐ ܝܠܲܝܗܝ ܪܘܩܡܹܐ ܡܲܚܸܪܒ݂ܵܢܹܐ ܐܕܝܘܡ ܐܝܟ݂ ܝܕܥܝܼ ܐܣܬܪ̈ܠܵܝܹܐ - ܟܘܦܝܼܕ-19 ܥܒ݂ܕܠܹܗ ܚܪܵܒ݂ܵܐ ܓܘ ܐܩܢܘܡܝܲܢ ܘܚܵܝܲܢ ܡܐܝܟ݂ ܕܠܐ ܗܘܚ ܣܗܝܼܕܹܐ ܘܚܙܝܹܐ ܡܐܟ݂ܘܵܬܹܗ ܡܢ ܩܕܡ ܗܕܝܐ."

ܡܵܐ ܝܠܲܝܗܝ ܪܘܩܡܹܐ ܪܹ̈ܫܵܝܹܐ؟

ܪܘܩܡܐ ܪܹܫܵܝܵܐ ܝܠܹܗ ܪܸܒ݂ܪܵܒ݂ܵܐ ܕܡܦܪܝܵܢܘܬܵܐ ܐܬܪܝܬܐ ܟܠܵܢܲܝܬܵܐ، ܨܠܹܐܠܹܗ ܠܦܲܠܓܵܐ (ܕܘܼܟܵܐ) ܡܪܝܼܡܵܢܵܐܓܘ ܪܘܒܥܐ ܩܕܡܵܝܵܐ، ܒܝܢܬ ܟܢܘܢ ܬܪܲܝܵܢܵܐ ܘܝܪܚܵܐ ܕܐܵܕ݂ܲܪ.

ܘܡܦܪܝܢܘܬܐ ܐܩܡܝܬܐ ܓܘ ܝܪܚܐ ܕܚܙܝܼܪܲܢ، ܡܛܹܐܠܵܗ ܠܪܘܩܡܐ ܡܪܝܼܡܵܢܐ ܫܲܒ݂ܥܵܐ ܐܡܘܿܢܹܐ، ܘܐܲܘܵܐ ܝܠܹܗ ܗܵܘ ܒܸܫ ܚܸܪܒܵܐ ܡܢ ܫܵܪܲܝܬܵܐ ܕܣܸܓ݂ܠܹܐ، ܬܠܵܬܵܐ ܬܵܩܹ̈ܐ ܒܫ ܡܢ ܟܪܡܵܫܬܵܐ ܟܡܝܼܫܘܼܬ݂ܵܐ ܩܕܡ ܗܕܝܐ ܒܦܸܚܡܵܐ ܬܪܹ̈ܝܢ ܐܲܡܘܿܢܹܐ ܕܗܘܹܐܠܵܗ ܒܫܸܢܬܵܐ 1974.

Australian Treasurer Josh Frydenberg outlines international GDP growth in June. Source: AAP

ܟܡܝܼܫܘܬܐ ܝܗܘܐ ܣܒܵܒܵܗ ܒܕܲܪܓ݂ܵܐ ܩܲܕ݂ܡܵܝܵܐ ܒܨܝܼܪܘܬܐ ܓܘ ܢܦܩܬܹ̈ܐ ܒܝܬܵܝܹܐ ܕܒܨܪܹܗ ܒܦܸܟܚܡܵܐ 12.1 ܐܲܡܘܿܢܹܐ.

ܚܫܝܼܚܫܐ ܝܠܹܗ ܠܐ݇ܡܵܪܵܐ ܐܲܢܲܝ ܪܘܩܡܹܐ ܐܲܩܡܵܝܹܐ ܠܐ ܚܲܒ݂ܫܝܼ ܡܲܥܒܕ݂ܵܢܘܼܬ݂ܵܐ ܕܩܵܘܕܹܐ ܕܡܲܫܩܠܵܐ ܪܒ݂ܝܼܥܵܝܵܐ ܦܩܝܼܕܹܐ ܒܝܕ ܚܘܟܡܐ ܕܦܝܼܟܬܘܪܝܵܐ ܓܘ ܡܠܒܘܿܪܢ، ܐܵܝܵܐ ܕܣܗܸܕܠܵܗ ܕܒ݂ܵܪܵܐ ܟܠܲܝ ܦܘܼܠܚܵܢܹ̈ܐ ܠܵܐ ܐܸܣܵܝܹ̈ܐ ܓܘ ܡܕܝܼܢܬܐ ܕܡܠܒܘܪܢ.

ܕܵܐܟ݂ܝܼ ܝܠܵܗ ܪܚܵܫܵܐ ܐܣܬܪܵܠܝܵܐ ܒܦܸܚܡܵܐ ܥܲܡ ܐܲܬܪ̈ܵܘܵܬܵܐ ܐ݇ܚܹܪ̈ܢܹܐ ܕܥܵܠܡܵܐ؟

ܐܦܢ ܪܘܩܡܹܐ ܕܪܸܒ݂ܪܵܒ݂ܵܐ ܡܪܝܼܡܵܢܹܐ ܠܲܝ، ܐܸܠܵܐ ܫܲܪܝܼܪܵܐܝܼܬ݂ ܕܘܒܵܪܵܐ ܕܐܣܬܪܵܠܝܵܐ ܝܠܹܗ ܨܦܝ ܐܢ ܦܲܚܡܲܚ ܠܹܗ ܥܡ ܐܲܬ݂ܪ̈ܵܘܵܬܵܐ ܐ݇ܚܹܪ̈ܢܹܐ ܕܥܵܠܡܵܐ ܘܒܲܦܪܝܼܫܘܼܬܵܐ ܒܦܸܚܡܵܐ ܥܲܡ ܐܲܬ݂ܪ̈ܵܘܵܬܵܐ ܡܬܩܕܡܵܢܹ̈ܐ ܐ݇ܚܹܪܢܹܐ.

ܒܡܲܠܟܘܼܬܵܐ ܡܚܘܝܕܬܵܐ، ܕܝܼܘܗܵܬ ܬܚܘܬ ܕܒ݂ܵܪܵܐ ܩܸܫܝܵܐ ܒܪܘܒܥܐ ܕܚܙܝܼܪܲܢ، ܒܨܹܪܵܐ ܡܦܪܝܢܘܬܐ ܐܬܪܝܬܐ ܟܠܢܝܬܐ ܐܩܢܘܡܝܝܬܐ ܒܦܟܚܡܐ ܕ 20.4 ܐܡܘܿܢܹܐ، ܗܵܘ ܡܢܕܝܼ ܕܙܝܼܦܠܹܗ ܠܐܲܬܪܵܐ ܠܚܕ ܟܡܝܼܫܘܬܐ ܨܡܝܼܪܘܬܐ ܒܫ ܥܡܘܩܬܐ ܓܘ ܟܠܝܗܝ ܐܩܢܘܡܝܹܐ ܬܹܒ݂ܝܼܠܵܝܹܐ ܪܹ̈ܫܵܝܹܐ.

ܘܒܨܹܪܵܗ ܡܦܪܝܢܘܬܐ ܐܬܪܝܬܐ ܟܠܢܝܬܐ ܕܐܘܚܕܵܢܹܐ ܡܚܝܕܹܐ ܕܐܡܹܝܪܟܐ ܚܕܫܲܥ ܒܵ ܙܘܕܐ ܡܢ 9 ܐܲܡܘܿܢܹܐ، ܡܢ ܓܹܒܵܐ ܐ݇ܚܹܪܢܵܐ ܐܠܡܵܢܝܵܐ ܘܟܢܕܐ  ܣܘܓ݂ܸܠ ܠܗܘܢ ܟܡܝܼܫܘܬܐ ܕܡܝܢܬܐ.

ܣܟܘܿܬ ܗܵܣܠܸܡ ܝܠܹܗ ܡܸܫܬܲܐܠܵܢܵܐ ܕܡܲܦܪܝܵܢܘܼܬ݂ܵܐ ܓܘ

 at Crestone Wealth Management in Sydney.

ܐ݇ܡܸܪܹܐ ܛܵܐ  ܛܒܹܐ ܕ SBS News ܣܵܒܲܒ ܕܝܼܠܹܗ ܐܩܢܘܡܝܐ ܕܐܣܬܪܵܠܝܵܐ " ܚܣܝܼܡܐ ܡܢ ܥܵܠܡܵܐ" ܕܵܥܸܪ ܪܹܫܵܐܝܼܬ ܕܝܼܗܘܵܬ ܓܵܘ ܐܲܝܟܲܢܘܼܬ݂ܵܐ ܡܵܠܲܝܬܵܐ ܚܲܝܠܵܢܬܵܐ ܕܡܫܵܪܝܵܐ ܒܵܗ ܡܢ ܫܘܼܪܵܝܵܐ ܕܟܘܼܪܗܵܢܵܐ.

ܐܡܸܪܹܗ:" ܐܲܢܲܝ 30 ܫܢܹܐ ܡܢ ܗܵܝܓܵܐ ܕܐܝܼܬܘܵܐܠܲܢ ܨܡܝܼܪܘܬܐ ܐ݇ܚܲܪܵܝܬܵܐ، ܘܐܲܘܵܐ ܣܘܟܵܠܹܗ ܝܠܹܗ ܒܨܸܦܝܘܼܬ݂ܵܐ ܕܐܝܼܬܠܲܢ ܢܸܣܝܘܿܢܵܐ ܕܪܸܒ݂ܪܵܒ݂ܵܐ ܨܦܵܝ، ܘܐܝܼܬܠܲܢ ܐܲܝܟܲܢܘܼܬ݂ܵܐ ܡܵܠܲܝܬܵܐ ܨܦܵܝ."

" ܡܨܹܐܠܲܢ ܕܡܲܩܪܒ݂ܲܚ ܙܸܩܬܵܐ ܒܵ ܙܘܕܵܐ ܡܢ ܕܘܼܟܵܢܹ̈ܐ ܐ݇ܚܹܪܢܵܐ ܓܵܘ ܥܲܠܡܵܐ ܘܒܓ̰ܲܠܕܘܼܬ݂ܵܐ ( ܒܩܲܠܝܼܠܘܼܬ݂ܵܐ).

" ܟܠܹܗ ܐܲܘܵܐ ܥܒ݂ܸܕܠܹܗ ܢܸܣܝܘܿܢܵܐ ܕܟܘܦܝܼܕ-19 ܪܵܒܵܐ ܨܦܵܝ ܠܐܸܣܬܪܵܠܝܵܐ، ܘܕܒ݂ܵܪܵܐ ܡܸܢܕܝܵܢܹܐ ܓ̰ܲܠܕܹ̈ܐ."

ܡܸܬܡܲܨܝܵܢܬܵܐ ܗܘܵܐ ܕܪܲܚܩܲܚ ܗܘܵܐ ܡܸܢܵܗ؟

ܓ̰ܘܿܢ ܗܘܿܟܸܢܙ ܝܠܹܗ ܦܪܘܿܦܝܼܣܲܪ ܡܲܠܦܵܢܵܐ ܕܣܘܼܝܵܣܘܼܬ݂ܵܐ، ܘܐܸܩܢܘܿܡܝܵܐ ܘܫܵܘܬܵܦܘܼܬܵܐ ܓܘ ܒܹܝܬ ܨܵܘܒܹܐ ܕܟܵܢܒܹܝܪܵܐ ، ܐܡܸܪܹܗ ܠܝܼܬ ܗܘܵܐ ܪܵܒܵܐ ܩܵܕܡ ܚܘܼܟܡܵܐ ܕܡܵܨܹܐ ܗܘܵܐ ܥܵܒ݂ܸܕ݂ ܗܘܵܐܠܹܗ ܠܲܪܚܵܩܬܵܐ ܡܢ ܐܲܝܵܐ ܨܡܝܼܪܘܼܬ݂ܵܐ.

" ܠܝܼܬ ܗܘܵܐ  ܐܘܪܚܵܐ ܠܲܪܚܵܩܵܐ ܡܢ ܐܲܝܵܐ، ܠܝܼܬ ܪܵܒܵܐ ܠܥܒ݂ܵܕ݂ܵܐ ܓܘ ܪܘܒܥܵܐ ܕܐܵܕ݂ܲܪ. ܚܘܼܟܡܵܐ ܒܕܸܩܠܹܗ ܡܹܐܣܲܪܬܵܐ ܕܙܸܩܵܬܵܐ (ܕܘܼܚܵܩܹܐ) ܓܘܿܒ݂ܪܹ̈ܐ، ܘܡܢ ܚܕ ܓܹܒܵܐ ܡܵܨܹܐ ܪܗܘܵܐ ܓ̰ܵܘܸܓ̰ ܗܘܵܐ ܒܸܫ ܓ̰ܲܠܕܹܐ، ܐܸܠܵܐ ܟܚܵܫܒ݂ܸܢ ܝܗܘܵܐ ܓܙܝܼܡܵܐ ܘܐܲܘܵܐ ܝܗܘܵܐ ܪܘܼܒܥܵܐ ܡܚܝܼܠܵܐ ܩܵܐܠܲܢ."  

International students line up outside Melbourne Town Hall for food vouchers. Source: Getty Images AsiaPac

ܘܡܘܙܝܸܕܠܹܗ ܐ݇ܡܵܪܵܐ:"ܡܸܬܡܲܨܝܵܢܬܵܐ ܗܘܵܐ ܕܩܵܢܲܚ ܗܘܵܐ ܦܘܼܠܵܛܵܐ ܒܸܫ ܨܦܵܝ ܚܲܕܫܲܥ ܠܪܘܒܥܵܐ ܕܐܵܕ݂ܲܪ ܒܐܘܼܪܚܵܐ ܕܠܵܐ ܕܒ݂ܵܪܵܐ ܓ̰ܡܲܥܝܵܬܵܐ ܓܘܿܒ݂ܪܹ̈ܐ، ܐܸܠܵܐ ܒܗܵܘܹܐ ܪܗܘܵܐ ܒܵܬܲܪ ܗܲܝܓܵܐ ܪܵܒܵܐ ܐ݇ܢܵܫܹ̈ܐ ܛܸܦܝܹ̈ܐ ܒܟܘܪܗܵܢܵܐ ܘܒܗܵܘܹܐ ܗܘܵܐ ܦܘܼܠܵܛܵܐ ܒܸܫ ܚܸܪܒܵܐ ܒܪܘܒܥܹܐ ܕܚܙܝܪܲܢ ܘܐܝܼܠܘܿܠ ܐܲܬܝܵܢܹ̈ܐ."

ܡܵܐ ܝܠܵܗ ܣܘܼܟܵܠܵܐ ܕܨܡܝܼܪܘܼܬܵܐ ܩܵܐܠܘܿܟ݂؟

ܡܝܲܩܪܵܐ ܗܘܿܟܸܢܙ ܐ݇ܡܵܪܵܐ ܝܠܹܗ ܟܦܵܝܸܫ ܡܫܘܼܡܗܵܐ ܐܲܝܟ݂:" ܫܒ݂ܵܒ݂ܘܿܟ݂ ܛܠܵܩܵܐ ܝܠܹܗ ܫܘܼܓܠܹܗ." ܘܐ݇ܡܵܪܵܐ ܝܠܹܗ: ܟܲܐܝܼܒ݂ܘܼܬ݂ܵܐ ܝܠܵܗ ܗܵܝܓܵܗ ܕܐܵܦ ܐܲܢܬ ܛܲܠܩܸܬ ܫܘܼܟ݂ܠܠܘܿܟ݂."

" ܚܲܕܟܡܵܐ ܐ݇ܢܵܫܹ̈ܐ ܒܛܲܠܩܝܼ ܫܵܥܵܬܵܐ ܘܒܛܲܠܩܝܼ ܫܘܼܓܠܲܝܗܝ، ܘܐܲܘܵܐ ܒܗܵܘܹܐܠܹܗ ܡܲܥܒܕ݂ܵܢܘܼܬܵܐ ܥܲܠ ܪܵܒܵܐ ܐ݇ܢܵܫܹܐ."

" ܪܒ݂ܵܝܵܐ ܙܝܵܕܵܐ ܕܐܲܓ݂ܪܹ̈ܐ ܒܗܵܘܹܐ ܝܲܩܘܼܪܵܐ، ܘܠܵܐ ܗܵܘܹܐ ܡܘܼܪܵܝܵܐ ܠܡܵܫܟܲܚܬܵܐ ܕܐ݇ܢܵܫܹܐ، ܘܠܵܐ ܚܵܙܸܬ ܚܠܘܼܨܝܵܐ ܒܐܝܼܣܵܠ̈ܩܵܐ ܓܵܘ ܐܲܓ݂ܪܹ̈ܐ ܠܡܸܗܓܚܵܐ ܝܲܪܝܼܟ݂ܵܐ."

 

ܡܝܲܩܪܵܐ ܗܵܣܠܸܡ ܣܲܙܓܘܿܪܹܐ ܠܹܗ ܘܐ݇ܡܵܪܵܐ:" ܦܲܪܨܘܿܦܠܟ݂ ܥܝܵܕ݂ܵܝܵܐ ܝܲܕܸܥ ܒܸܫ ܙܵܘܕܵܐ ܒܲܛܝܼܠܹܐ ܓܵܘ ܙܲܒ݂ܢܵܐ ܕܨܡܝܼܪܘܼܬ݂ܵܐ."

" ܟܹܐ ܚܲܫܒ݂ܢ ܥܲܣܩܵܐ ܝܠܵܗ ܦܲܪܡܸܝܸܬ ܡܵܐ ܟܹܐ ܪܵܓܸܫ ܒܹܗ ܦܲܪܨܘܿܦܵܐ ܥܝܵܕ݂ܵܝܵܐ، ܚܲܕܟܡܵܐ ܒܗܵܘܝܼ ܒܲܛܝܼܠܹ̈ܐ ܘܬܚܘܬ ܚܝܼܨܘܼܬܵܐ ܡܵܠܲܝܬܵܐ، ܐ݇ܚܹܪ̈ܢܹܐ ܡܸܬܗܲܘܝܵܢܬܵܐ ܕܠܵܐ ܚܵܙܝܼ ܕܝܼܗܘܲܚ ܓܵܘ ܐܲܝܟܲܢܘܼܬ݂ܵܐ ܕܨܡܝܼܪܘܼܬ݂ܵܐ."

ܟܡܵܐ ܒܝܵܪܚܵܐ ܐܲܝܵܐ ܨܡܝܼܪܘܼܬ݂ܵܐ؟

ܡܝܩܪܵܐ ܗܵܣܠܸܡ ܐ݇ܡܵܪܵܐ ܠܹܗ ܚܵܫܸܒ݂ ܐܲܝܟܲܢܘ݂ܵܬ݂ܵܐ ܦܪ̈ܝܼܫܹܐ ܕܐܲܝܵܐ ܨܡܝܼܪܘܼܬ݂ܵܐ ( ܕܒ݂ܵܪܵܐ ܒܥܸܠܬܵܐ ܕܪܚܵܩܵܐ ܡܢ ܗܘܵܝܵܐܝܼ ܐܲܝܟܲܢܘܼܬ݂ܵܐ ܕܥܲܪܝܼܨܘܬܵܐ ܚܘܼܠܡܵܢܲܝܬܵܐ ܓܵܘܵܢܲܝܬܵܐ) ܡܲܥܢܵܝܘܗܝ ܠܵܐ ܗܵܘܹܐ ܝܲܪܝܼܟ݂ܵܐ ܡܲܐܝܟ݂ ܙܲܒ݂ܢܹ̈ܐ ܕܨܡܝܼܪܘܼܬܵܐ ܐ݇ܚܹܪܢܹܐ.

ܘܐܡܪܹܗ:" ܐܲܝܐ ܠܵܐ ܝܠܵܗ̇ ܨܡܝܼܪܘܬܵܐ ܡܵܠܲܝܬܵܐ ܕܚܙܹܐܠܲܢ ܒܫܹܢܬܵܐ 1991 ܐܵܘ ܡܵܐ ܕܣܗܸܕܠܹܗ ܥܲܠܡܵܐ ܒܫܸܢܹܐ 2008 ܘ2009  ، ܐܵܝܵܐ ܝܠܵܗ ܡܲܟܠܲܝܬܵܐ ܕܚܘܼܦܵܛܹ̈ܐ ܠܚܘܼܕ݂ܵܐ ܘܡܫܘܼܪܹܐܠܲܢ ܚܙܵܝܵܐ ܚܲܕܟܡܵܐ ܫܘܼܕ݂ܵܥܹܐ ܕܛܘܘܵܪܵܐ ܓܘ ܢܲܦܩܲܬܹܐ ܕܐܲܘܒܕ݂ܝܹܐ".

" ܡܢ ܗܵܕܲܟ݂ ܝܠܹܗ ܒܵ ܥܲܡܝܼܩܵܐ ܡܢ ܡܵܐ ܕܚܙܹܐܠܲܢ ܒܩܲܕܡܬ݂ܵܐ، ܐܸܠܵܐ ܚܫܵܒ݂ܵܐ ܗܘܸܢܕܒܸܕ ܦܲܠܛܲܚ ܡܸܢܵܗ ܒܦܲܠܓܵܐ ܬܪܲܝܵܢܵܐ ܕܐܲܝܵܐ ܫܹܢܬܵܐ ܒܸܫ ܓ̰ܲܠܕܸܐ ܡܢ ܙܹܒ݂ܢܹ̈ܐ ܐ݇ܚܹܪܢܹܐ ܕܨܡܝܼܪܘܼܬ݂ܵܐ."

ܐܸܠܵܐ ܡܝܩܪܵܐ ܗܘܿܟܸܢܙ ܐ݇ܡܸܪܹܗ ܣܘܼܪܗܵܒ݂ܵܐ ܕܒܣܵܡܬܵܐ ܓܵܘ ܚܲܕܟܡܵܐ ܩܛܵܥܹܐ ܐܩܢܘܿܡܝܵܝܹܐ ܡܲܐܝܟ݂ ܕܲܝܵܪܘܼܬܵܐ ܘܒܹܝܬ ܨܵܘܒܹ̈ܐ- ܒܗܵܘܹܐ ܬܟ݂ܝܼܠܵܐ ܥܲܠ ܕܵܟ݂ܝܼ ܝܠܹܗ ܦܠܵܚܵܐ ܥܲܠܡܵܐ ܥܲܡ ܦܵܝܪܸܣ ܘܟܡܐ ܓ̰ܲܠܕܹ̈ܐ ܒܦܲܬܚܢ ܬܚܘܼܡܹ̈ܐ.

 

Source: SBS