Չինական կենդանակամարին մէջ 12 նշաններ կան, իւրաքանչիւրը կը կոչուի կենդանիի մը անունով և սահմանուած տարի մը ունի 12 տարիներէ բաղկացած շրջանակի մը մէջ: 2022 թուականի Լուսնային Նոր Տարին կը յաջորդէ Եզի տարուան:
Կարդացէք՛ եթէ կուզէք գիտնալ թէ չինական 12 նշաններէն որուն տակը կը գտնուիք:
Առնէտը չինական կենդանակամարի առաջին կենդանին է և կը խորհրդանշէ իմաստութիւնը: Անոնք որոնք կը պատկանին առնէտի նշանին (ծնած 2020, 2008, 1996, 1984, 1972, 1960, 1948 և այսպէս 12 տարի ժամանակամիջոցով) կըսուի որ ստեղծագործող են, ճարպիկ և կազմակերպուած:
Եզը կը խորհրդանշէ աշխատասիրութիւնը: Անոնք որոնք կը պատկանին Եզի նշանին (ծնած 2021, 2009, 1997, 1985, 1973, 1949 և1937 թուականներուն) կըսուի որ զօրաւոր են, վստահելի և վճռական:
Վագրը կապակցութիւն ունի քաջութեան հետ: Անոնք որոնք կը պատկանին վագրի նշանին (ծնած 2010, 1998, 1986, 1974, 1962, 1950 և 1938) կըսուի որ կարեւորութիւն կուտան անկախութեան և ունին արդարութեան զօրաւոր զգացում:
Նապաստակը կը խորհրդանշէ խոհեմութիւնը: Անոնք որոնք կը պատկանին Նապաստակի նշանին (ծնած 2011, 1999, 1987, 1975,1963, 1951 և1939) կըսուի որ հոգատար և ջերմ անձեր են:
Վիշապը կապակցութիւն ունի ուժի հետ: Անոնք որոնք կը պատկանին Վիշապի նշանին (ծնած 2012, 2000, 1988, 1976, 1964, 1952 և1940) ընդհանրապէս լաւ կ'աշխատին ուրիշներու հետ սակայն շատ կը մտածեն:
Օձը կը խորհրդանշէ ճկունութիւնը: Անոնք որոնք կը պատկանին Օձի նշանին (ծնած 2013, 2001, 1989, 1977, 1965, 1953 և1941) կրնան չշփուող թուալ սակայն արագ մտածող են և վճրական:
Ձին կը խորհրդանշէ յարատեւութիւնը: Անոնք որոնք կը պատկանին Ձիու նշանին (ծնած 2014, 2002, 1990, 1978, 1966, 1954 և1942) կրնան անհամբեր ըլլալ և որոշ ժամանակներ զգացմունքային անկայուն վիճակի մէջ կրնան գտնուիլ:
Այծը կը խորհրդանշէ խաղաղութիւնը: Անոնք որոնք կը պատկանին Այծի նշանին (ծնած 2015, 2003, 1991, 1979, 1967, 1955 և 1943) յաճախ առատաձեռն են և ընկերային:
Կապիկը կը խորհրդանշէ իմաստութիւնը: Հակառակ հետաքրքրասիրութեան, անոնք որոնք կը պատկանին Կապիկի նշանին (ծնած 2016, 2004, 1992, 1980, 1968, 1956 և1944) յաճախ կրնան գոռոզ ըլլալ և իրենք իրենց վրայ կեդրոնացած:
Աքլորը կը խորհրդանշէ կայունութիւնը: Անոնք որոնք կը պատկանին Աքլորի նշանին (ծնած 2017, 2005, 1993, 1981, 1969, 1957 և1945) կըսուի որ կը նախընտրեն իրենց անկախութիւնը:
Շունը կը խորհրդանշէ հաւատարմութիւնը: Անոնք որոնք կը պատկանին Շունի նշանին (ծնած 2018, 2006, 1994, 1982, 1970, 1958 և1946) կըսուի որ աչալուրջ են և վստահելի:
Խոզը կը կապակցուի բարեացակամութեան հետ: Անոնք որոնք կը պատկանին Խոզի նշանին (ծնած 2019, 2007, 1995, 1983, 1971, 1959 և 1947) կրնան նիւթապաշտ ըլլալ սակայն պատասխանատու չըլլան իրենց դրամին:
Չինական կենդանակամարի նոր տարի մը կը սկսի Յունուարին կամ Փետրուարին լուսնային օրացոյցին համաձայն: Եթէ մէկը ծնած է Յունուարին կամ Փետրուարին, կրնայ նախորդ տարուայ նշանին պատկանիլ:
Ֆէնկ Շույի Վարպետ և խորհրդական, Էտկար Լոք Թին Եունկ աւելի կը մանրամասնէ չինական աստղագուշակութեան բարդութիւնները:
Feng Shui Master and consultant Edgar Lok Tin Yung.
Source: Supplied.
Տարածուած կարծիք կայ որ վատ փախտի կրնան ենթարկուիլ մարդիկ իրենց կենդանակերպի տարուայ ընթացքին:
“Չինական աստղագուշակութեան մէջ կը նայինք տարբեր տարրերու, ինչպէս ջուրը, փայտը, կրակը, հողը և մետաղը,” կը բացատրէ Լոք Թին:
Լոք Թին կը բացատրէ նաեւ որ Վագրը, Կապիկը, Օձը և Խոզը կը կազմեն այսպէս կոչուած ‘ճամբորդող աստղը’, այսինքն “այս չորս կենդանիներու նշանները մօտիկէն կապուած են վագրի տարուան հետ:” Այնպէս որ մարդիկ որոնք ծնած են այս տարիներուն, կրնան աւելի մօտիկէն զգալ Վագրի տարուայ ազդեցութիւնները:
Ան կ'ըսէ որ Վագրի Տարին յատկապէս պիտի ազդէ անոնց վրայ որոնք ծնած են Կապիկի Տարիին մէջ: “Կապիկը և Վագրը հակառակ դիրքերու վրայ կը գտնուին և փախումի հնարաւորութիւն կայ:”
Հակառակ ձեր նշանին, Լոք Թին կ'ըսէ որ Վագրի Տարին պիտի բերէ ճամբորդութեան փոփոխութիւն:
“Օգոստոսը Կապիկի ամիսն է և իմ կանխատեսումը այն է որ Յուլիս/Օգոստոս ամիսներուն աւելի ճամբորդութիւններ պիտի պատահին” կ'ըսէ ան:
2022 Վագրի Տարին կը համապատասխանէ Ջուրի տարրին: Լոք Թին կը բացատրէ որ ջուրը վախ կը նշանակէ, և այս է պատճառը որ ճամբորդութիւնը անհաւանական է որ վերսկսի տարուայ կէսէն առաջ:
Երբ ճամբորդութիւնը վերսկսի, Լոք Թին կը գուշակէ որ ուրախութիւն պիտի բերէ:
Լոք Թին կը բացատրէ որ չինական աստղագուշակութիւնը կը ճանչնայ որ մենք կը կառավարուինք երեք բախտի աստիճաններով - երկնային բախտ, երկրային բախտ և մարդկային բախտ:
“Երկինքը չենք կրնար վերահսկել,” կը բացատրէ ան: Երկրի բախտը կարելի է վերահսկել որովհետեւ կապ ունի միջավայրին հետ և ֆենկ շուի սկզբունքներուն հետ: Ամենաշատ հսկողութիւն ունինք մարդկային բախտին վրայ:”
Անոնք որոնք կը նշեն Լուսնային Նոր Տարին և կուզեն Վագրի Տարին սկսիլ լաւ դիրքերով, Լոք Թին խորհուրդ կ'ուտայ ծրագիր մը կազմել և գրել ինչ որ կ'ուզէն նուաճել Վագրի Տարուայ ընթացքին:
