Ինչու՞ ծնողքներ նկատի պէտք է առնեն ՔՈՎԻՏ-19 պատուաստը իրենց զաւակին համար

Տուեալները ցոյց կ'ուտան որ 350,000 ՔՈՎԻՏ-19 վարակումներ և ութը մահեր կային 0 -5 տարեկան երեխաներու մօտ անցած եօթը ամիսներու ընթացքին:

Brothers Louise and Harry Taylor-Bishop and sisters Olivia and Evie Kurz pose for a photo after receiving their first vaccine at Kippa Ring Communication Vaccination Clinic in Brisbane. Source: AAP / RUSSELL FREEMAN/AAPIMAGE

ԳԼԽԱՒՈՐ ԿԷՏԵՐ

• Աւստրալիա խոցելի երեխաներու համար պատուաստումներ պիտի սկսի Սեպտեմբեր 5-ին
• Մասնագէտներու համաձայն ՔՈՎԻՏ կրնայ շատ ծանր ազդել երեխաներուն վրայ:
• Պատուաստումներու կողմնակի ազդեցութիւնները աւելի նուազ յաճախակի են երեխաներու քան չափահասներու մօտ

Այս տարուայ սկզբնաւորութեան, ՔՈՎԻՏ-19 պատուաստները մատչելի դարձան 5-11 տարեկան բոլոր երեխաներուն համար:

Հակառակ այս իրողութեան, միայն 40 առ հարիւրը 2,3 միլիոն իրաւունք ունեցող այս տարիքի երեխաներուն, իրենց առաջարկուած երկրոդ դեղաչափը ստացած են:

Dr Brenden McMullan, մանկավարժական վարակումներու հիւանդութիւններու մասնագէտ մը Սիտնիի Երեխաներու Հիւանդանոցին մէջ, յայտնեց որ գուցէ ծնողքներ քիչ մը մտահոգուած են պատուաստի կողմնակի ազդեցութիւններէն և վստահ չեն եթէ իրենց երեխաները իսկապէս կարիքը ունին:

LISTEN TO

How safe are COVID-19 vaccines for children?

SBS English

11/08/202214:21

Play

Մանկաբոյժ և Փրոֆէսօր Nick Wood յայտնեց որ պատուաստումի ցած թիւի այլ պատճառներէն կրնայ ըլլալ նաեւ նիւթական ապահովումը և մարդիկ որոնք ժամանակ չեն գտնէր իրենց երեխաները պատուաստումի կեդրոն մը տանելու համար:

"ՔՈՎԻՏ-19 ունեցած վեց կամ եօթը տարեկան երեխայի մը ծնողքները կրնան մտածել որ քանի որ վարակումը շատ վատ չէր, իսկապէս կարիքը չկայ որ աճապարեն և պատուատը ստանան," յայտնեց Փրոֆէսօր Wood:

"Յանձնարարութիւն մը կայ որ, եթէ մէկը ՔՈՎԻՏ-19 ունեցած է, պէտք է նուազագոյնը երեք ամիս սպասէ պատուաստը ստանալէն առաջ: Գուցէ այդ կրնայ այլ պատճառ մը ըլլալ ցած վարակումներուն":

Երեխաներ կարիք ունին՞ ՔՈՎԻՏ-19 պատուաստի մը

Զոյգ մասնագէտները կ'ըսեն որ քորոնաժահրի վարակումները թեթեւ կ'ազդեն երեխաներէն մեծամասնութեան համար, սակայն փոքրաթիւ երեխաներու համար, յատկապէս անոնք որոնք քրոնիկ հիւանդութիւններ ունին, ՔՈՎԻՏ-19 կրնայ բաւական ծանր ըլլալ:

"Որոշ երեխաներ բաւական ծանր կը հիւանդանան և հիւանդանոց մնալու կարիք կրնան ունենալ: Նաեւ յաւելեալ բուժումի կարիք կրնան ունենալ ինչպէս թթուածին կամ յեղուկներ, որովհետեւ անոնց շնչառութիւնը շատ լաւ չէ և անոնց բեռանային ներթողումը (ուտել և խմել) լաւ չէ" կ'ըսէ Փրոֆէսօր Wood:

Ան յայտնեց նաեւ որ ՔՈՎԻՏ-19 պատուաստները արգելք կը հանդիսանան որ երեխաներ շատ ծանր հիւանդանան:

"Նոյնիսկ եթէ նախապէս վարակուած էք, օգտակարութիւններ ունի վարակում ունենալը և պատուաստը: Վարակամերժութիւնը որ կը ստանաք հաւանաբար աւելի ընդարձակ է և կրնայ ձեզ պաշտպանել որ կրկին չվարակուիք" կ'ըսէ Փրոֆէսօր Wood:

Բժիշկ McMullan կ'ըսէ որ չպատուաստուած մարդիկ, ներառեալ երեխաներ, աւելի հաւանական է որ քորոնաժահրով վարակուին:

"Համաճարակի սկզբնաւորութեան, որոշ դերահասներ կը տեսնէինք հիւանդանոցներուն մէջ աւելի լուրջ հիւանդութիւններով: Այժմ, մենք աւելի փոքր երեխաներ կը տեսնենք հիւանդանոցի մէջ" ըսաւ ան:

Որքան՞ ապահով են պատուաստները

Մասնագէտներ կ'ըսեն որ այս պատուաստները ամբողջովին հետազօտուած են և տրամադրուած աշխարհի տարածքին միլիոնաւոր երեխաներու:

Աւստրալիոյ մէջ, պատուաստները ստուգուած են Բուժական Ապրանքներու Վարչութեան կողմէ և յանձնարարուած Պատուաստումի Աւստրալիական Տեխնիկական Խորհրդատուական Խումբին կողմէ (ATAGI):

Փրոֆէսօր Wood գլխաւոր հեղինակն է նոր AusVaxSafety տեղեկագրին որ քննարկեց պատուաստի ապահովութեան տուեալները, 5-էն 15 տարեկան, 200,000-է աւելի աւստրալիացի երեխաներու մօտ:

Ան կ'ըսէ որ երեխաներու մօտ տարածուած կողմնակի ազդեցութիւններն են ցաւ և կարմրութիւն սրսկումի տեղը, որ ընդհանրապէս կը պատահի պատուաստը ստանալէն ետք առաջին 48 ժամերու ընթացքին և մի քանի օր կը տեւէ:

Ջերմութիւն, գլխացաւ և մկանի ցաւ այլ հասարակ կողմնակի ազդեցութիւններ են երեխաներու և չափահասներու մօտ:

"Սակայն նուազ յաճախակի են երեխաներու քան չափահասներու մօտ: Քիչ մը նուազ յաճախակի են 5-11 տարեկան երեխաներու մօտ քան 12-15 տարեկաններու մօտ," յայտնեց փրոֆէսօր Wood:

Փրոֆէսօր Wood և իր խումբը սրտամկանային բորբոքումի վտանգ չգտան 12 տարեկանէն վար երեխաներու մօտ:

"Քիչ մը աւելի յաճախակի է 15-25 տարեկաններու մօտ և ընդհանրապէս կը պատահի աւելի փոքր տղոց մօտ երկրորդ դեղաչափէն ետք: Երիտասարդ չափահասներ և դերահասներ կրնան գանգատիլ կուրծքի ցաւէ և սրտի բաբախումէ," ըսաւ ան:

"Եւ եթէ ցաւ զգան, պէտք է այցելեն իրենց ընտանեկան բժիշկին կամ արտակարգ դրութեան բժիշկին: Սակայն այս տարածուած չէ: Մօտաւորապէս հինգէն կամ տասը հազարէն մէկն է," աւելցուց ան:

Dr McMullan, որպէս վարակիչ հիւանդութիւններու մասնագէտ, կը խնամէ ծանր կողմնակի ազդեցութիւնները և կ'օգնէ վարակազերծումի հարցերով:

"Խնամած եմ շատ աւելի երեխաներ աւելի լուրջ ՔՈՎԻՏով քան պատուաստի կողմնակի ազդեցութիւններով," ըսաւ Բժիշկ McMullan:

Որ մէկ՞ պատուաստները կը յանձնարարուին երեխաներու համար

Ներկայիս, ATAGI խորհուրդ կ'ուտայ վեց ամսականէն մինչեւ հինգ տարեկան խոցելի երեխաներու համար երկու դեղաչափ Moderna-ի Spikevax պատուաստ:

"Այս տարիքի խումբը ՔՈՎԻՏ-19-ի պատճառով հիւանդանոց մնալու ամենաքիչ հաւանականութիւնը ունի: Իսկ քիչ թիւով հիւանդանոց մնացողները, որոնք կը մեռնին ՔՈՎԻՏ-19-ի պատճառով, յաճախ հիւանդութիւններ ունին կամ վարակամերժութիւննին խանգարուած է," տեղեկացուց ATAGI:

National Interoperable Notifiable Diseases Surveillance System տեղեկացուց աւելի քան 350,000 ՔՈՎԻՏ-19 վարակումներու և ութը ՔՈՎԻՏ-19 մահերու մասին 0-5 տարեկան երեխաներու մօտ, 1 Դեկտեմբեր 2021-էն մինչեւ 17 Յունիս 2022:

5-11 և 12-15 տարեկան բոլոր երեխաները կրնան երկու դեղաչափ կամ Pfizer կամ Moderna պատուաստ ստանալ: Երրորդ դեղաչափ կ'առաջարկուի միայն խոցելի երեխաներու համար:

Երկար ՔՈՎԻՏ երեխաներու մօտ

Բժիշկ McMullan յայտնեց որ երկար ՔՈՎԻՏ աւելի տարածուած է չափահասներու քան երեխաներու մօտ:

"Երեխաներու մեծամասնութիւնը, որոնք ՔՈՎԻՏ ունին, բոլորովին կը բուժուին մի քանի շաբաթէն," ըսաւ ան:

SBS յանձնառու կը մնայ տրամադրելու բոլոր ՔՈՎԻՏ-19 թարմացումները Աւստրալիոյ բազմամշակութային և բազմալեզու համայնքներուն: Ապահով մնացէք և տեղեակ մնացէք յաճախակի այցելելով SBS Coronavirus portal, with the latest in your language.