- Քուինզլանտի մէջ Ուրբաթ Մարտ 4էն երեսի դիմակներ պիտի չպարտադրուին վայրերու մեծամասնութեան մէջ: Սակայն տակաւին պիտի պահանջուին հիւանդանոցներու մէջ, տարեցներու խնամքի, անկարողներու կացարաններու, բանտերու, օդակայաններու, հանրային փոխադրամիջոցներու և օդանաւերու մէջ:
- Նոյն թուականէն Քուինզլանտի մէջ այլեւս տարողութեան սահմանափակումներ պիտի չ'ըլլան:
- Մարտէն օրական ՔՈՎԻՏ-19 մամուլի ասուլիսները, որոնք կը կազմակերպուին Քուինզլամտի իշխանութիւններուն կողմէ, պիտի չշարունակուին:
- Վիքթորիայի մէջ Ուրբաթ 25 կէսգիշերէն տունէն աշխատելու և սորվելու հանրային առողջապահութեան յանձնարարութիւնները պիտի վերցուին և երեսի դիմակի պարտադրութիւնը պիտի վերցուի շատ մը վայրերէն:
- Երեսի դիմակ կրելը տակաւին պարտադիր պիտի մնայ հանրային փոխադրամիջոցներու, թաքսիներու, օդանաւերու և օդակայաններու, հիւանդանոցներու և խնամքի հաստատութիւններուն մէջ:
- Վիքթորիայի դպրոցներուն մէջ դիմակ կրելը պիտի չպարտադրուի միայն երկրորդական վարժարաններուն մէջ: Երրորդ տարուայ ուսանողներ և մանկապարտէզներու մէջ գործաւորներ ինչպէս նաեւ նախապատրաստական դպրոցներու մէջ, դիմակ կրելը տակաւին պարտադիր պիտի ըլլայ 5-11 տարեկան երեխաներու ցած պատուաստումի տոկոսին պատճառով:
- Դիմակ կրելը տակաւին պարտադիր է մարդոց համար որոնք կ'աշխատին Վիքթորիայի հիւրասիրութեան և մանրածախ առեւտուրի վայրերուն մէջ, դատական համակարգին մէջ, ինչպէս նաեւ արդարութեան և ուղղիչ հաստատութիւններուն մէջ:
- Գալ շաբաթէն, Վիքթորիայի հիւանդանոցներուն մէջ գործողութիւնները պիտի վերսկսին:
- Դաշնային Առողջապահութեան նախարար Կրեկ Հանթ յայտնեց որ ՔՈՎԻՏ-19 դէպքերու թիւերը 90 առ հարիւր աւելի ցած են քան Օմիքրոնի առաւելագոյն վարակումի ժամանակաշրջանին:
- Հիւանդանոց մնալու դէպքերը կէսէն պակաս են և նախարար Հանդի համաձայն աւելի պիտի նուազին:
ՔՈՎԻՏ-19 աւստրալիական Տուեալներ
Նիու Սաութ Ուելսի մէջ 1,293 հիւանդներ հիւանդանոց կը մնան և 71 վերակենդանացման բաժնին մէջ են: 14 մահեր կային և ՔՈՎԻՏ-19-ի 8,752 նոր դէպքեր:
Վիքթորիայի մէջ, 345 մարդիկ կը մնան հիւանդանոցի մէջ, 48-ը վերակենդանացման բաժնին մէջ և 8 օդափոխիչի վրայ: 14 մահեր կային և 6,786 նոր վարակումներ:
Քուինզլանտի մէջ, 5,583 նոր ՔՈՎԻՏ-19 դէպքեր կային և 5 մահեր: 394 մարդիկ հիւանդանոց կը մնան ՔՈՎԻՏ-19ով և 34 հիւանդներ վերակենդանացման բաժնին մէջ:
Թազմանիա արձանագրեց 820 նոր ՔՈՎԻՏ-19 դէպքեր և ոչ մէկ մահ: 11 մարդիկ կը մնան հիւանդանոցին մէջ ՔՈՎԻՏ-19-ով որոնցմէ երկուքը վերակենդանացման բաժնին մէջ:
Աւստրալիական Մայրաքաղաքային Հողամասին մէջ ներկայիս 41 հոգի հիւանդանոց կը մնան ՔՈՎԻՏ-19ով և մէկ հիւանդ կը գտնուի վերակենդանացման բաժնին մէջ: Կան 583 նոր դէպքեր և ոչ մէկ մահ:
Գտէք ՔՈՎԻՏ-19 քննութեան բուժարան մը
Արձանագրեցէք ձեր RAT արդիւնքները այստեղ, եթէ դրական էք
