ՔՈՎԻՏ-19 Թարմացում. TGA կը հաստատէ հինգ տարեկանէն վար երեխաներուն համար պատուաստը; ուսանողները կը քաջալերուին որ դիմակ կրեն

Այս, Աւստրալիոյ ՔՈՎԻՏ-19 լուրերու 19 Յուլիս 2022-ի թարմացումն է:

Authorities in the US and Canada have already approved Moderna's Spikevax vaccine in children under five. (file) Source: AAP/AP/zz/STRF/STAR MAX/IPx

Երեքշաբթի օր, Աւստրալիա տեղեկացուց նուազագոյնը 75 ՔՈՎԻՏ-19 մահերու մասին, ներառեալ 26 New South Wales-ի, 25 Վիքթորիայի և 18 Queensland-ի մէջ:

Queensland տեղեկացուց որ 983 անձեր կը գտնուին հիւանդանոցի մէջ ՔՈՎԻՏ-19-ով վարակուած – նահանգի ամենաբարձր թիւը համաճարակի սկզբնաւորութենէն ի վեր:

Աւստրալիոյ մէջ ՔՈՎԻՏ-19 նոր դէպքերու, հիւանդանոց մնացողներու և մահերու վերջին տուեալներու մասին սեղմեցէք

այստեղ

Բուժական Ապրանքներու Վարչութիւնը Therapeutic Goods Administration (TGA) ժամանակաւորապէս վաւերացուց Մոտերնայի Spikevax պատուաստը 6 ամսականէն 5 տարեկան երեխաներու համար: Երկու դեղաչափերը կարելի է տալ իրարմէ 28 օր տարբերութեամբ:

Վարչութիւնը տեղեկացուց նաեւ որ "Դարմանական փորձերը ցոյց տուին որ երեխաներու մօտ ապահովութեան ուրուագիծը նման է չափահասերու ուրուագիծին: Դարմանական փորձերու ժամանակ, 6 ամսականէն 6 տարեկան երեխաներու մօտ, հակազդեցութիւններու մեծ մասը թեթեւէն-չափաւոր էին և տեղի ունեցան երկրորդ դեղաչափի սրսկումէն ետք":

"Այս կը ներառէր դիւրագրգռութիւն/լաց, կարմրութիւն և/կամ ուռուցք սրսկումի վայրը, հոգնութիւն, ջերմութիւն, մկանի ցաւ, աճուկի ուռուցք կամ ցաւ:

Սակայն, երեխաներուն տրամադրելէ առաջ, պատուաստը տակաւին պէտք է վաւերացուի Պատուաստումի Աւստրալիական Տեխնիկական Խորհրդատուական Խումբին կողմէ Australian Technical Advisory Group on Immunisation (ATAGI):

ATAGI յայտնեց որ տարեց անձերու ՔՈՎԻՏ-19 ձմեռային խթանումի մեծ թիւով պատուաստումները, ներառեալ անոնք որոնք 50-էն 64 տարեկան են, յառաջիկայ ամիսներուն կրնայ նուազեցնել քորոնաժահրի հետ կապուած հիւանդանոց մնացողներու թիւերը:

Կառավարական Ծառայութիւններու նախարար Bill Shorten գործաւորներէն խնդրեց որ իրենց հիւանդութեան արձակուրդները օգտագործեն դիմելէ առաջ համաճարակի վճարումներու:

Աւստրալիոյ տարածքին, առողջապահութեան և դպրոցական իշխանութիւններ, ուսանողներէն և դպրոցներու անձնակազմէն խնդրեցին որ դիմակ կրեն 3-րդ դպրոցական շրջանի նուազագոյնը առաջին չորս շաբաթներու ընթացքին:

NSW կրնայ ժամանակաւորապէս վերստին յատուկ միջոցներ որդեգրել դպրոցներուն համար:

Այս միջոցները կ'ընդգրկեն դադրեցնել ներքին մեծ հաւաքոյթները, դադրեցնել դպրոցէ դուրս և միջ-դպրոցական գործունէութիւնները, դադրեցնել կամ յետաձգել զբօսարշաւները:

Պարտադրել որ չափահասներ և բարձրագոյն դպրոցի ուսանողներ դիմակ կրեն, սահամանափակել դպրոցներ այցելութիւնները, բաժնել ուսանողներու խումբերը, տունէն կամ հեռակայ սորվիլ:

Տարեցներու Խնամքի նախարար Anika Wells յայտնեց որ իր գերատեսչութիւնը պիտի հրապարակէ անհատական տարեցներու խնի կեդրոններու պատուաստումի տոկոսները Օգոստոս 1-էն սկսեալ:

Կարդացէք

ձեր լեզուով ՔՈՎԻՏ-19 պատուաստներու

վերաբերեալ

Գտէք ՔՈՎԻՏ-19 քննութեան բուժարան մը